مساء الخير 😊💐
اعتقد كلكم شايفين اشديصير بأغلب القصص؟
اني من حقي انتقد وانطي رأيي من اشوف شي ميعجبني من حقي انتقدة ومامجبور احد ياخذ ابكلامي يبقة رأيي الشخصي
القصص /
اليوم حابة احجي على اغلب القصص الي هي اتكون بيهة احداث 18+ حالياً بالوات اي قصة تدخللهة راح تلگة بيهة هيج شي ، اذكر مره من المرات جنت اقرة قصة وامتابعتهة ومنتظره يوم يوم حتى ينزل بارت ، ف جنت اشوف تعليقات البنات يعني جديات كلام يصدم ويوكف شعر الراس قسم يتغزلن ابطل القصة يعني اتشوفهن ساحلات نفسهن وقسم يحجن كلام محلو وافشار وكذا وقسم هذني اسميهن (الحاميات) هاي اذا صارت فد عركه بالقصة تكتب باع هاي اشكد حقير دولي لج ومن هل حجي اتحسوهة داخلة هادة مجاي تقرة قصة ......
المهم الي لاحظتة اكو بنات كولش اصغار دايقرن القصة مره من المرات بنية جانت كاتبة بالتعليقات كلمه موحلوه ف كتله حبي ليش هيج كاتبه تره عيب انتي بنية تكتبين هيج كلام اذا الناس شافتة شتكول عليج هذا الكلام يعكس اخلاقج ... ردت علية وانتي شعليج ؟
كتلهة هم حقج اني شعلية بس مجرد داانصحج تتقبلين النصيحه ماتتقبليهة ابراحتج ..... ذبت حجاية اشكبرهة خلتني انصدم والله لدرجه كلت معقولة اكو بنية تحجي هيج ..... كتله بله اشكد عمرج كالت 14سنة اهناا جانت الصدمه ... وعذرتهة الصراحه اولا ماكو اهل ايراقبوهة ومخليهة على راحتهة هاي اذا جانوا يعرفون بالبرنامج وثانيا بسبب الاحداث الي كاتبتهة كاتبة القصة
مع احترامي للكاتبات انتي من تجين تكتبين بارت مااتفكرين مااتكولين اكو بنات اصغار ايتابعن القصة اكو شباب ايتابعون ليش تتعمقين زايد بالاحداث اذا البطل والبطله اتزوجوا ماكو داعي تكعدين تحجيلهم لليلة عرسهم بالتفاصيل تكدرين تختصرين احجيهة الصراحه اكو اهواية بنات انحرفن بسبب القصص واعتقد انتوا هم تتفقون وية كلامي وشي ثاني البنية تكعد تتخيل فارس احلامهة يجيهة عبالهة مثل الي ايصير بالقصص هههه يابنتي انتي اهواي غلطانة الي بمخيلتج كله غلط وبعدين تنصدمين بالواقع
اهواي مراهقات دااشوفهن يقرن قصص مع احترامي البعض البنات اكو بنات اصغار بس اتحس عقلهن اكبر من عمرهن
واكو بنات شنو يسمعن شنو ايشوفن ايسونة ماايفرقن بين هذا حلال وهذا حرام وبين الصح والغلط اهواي بنات انجرفن واتغيرت تصرفاتهن وحتى تفكيرهن بسبب القصص
هوة الوات بصورة عامة صاير حيل ملل
اني عن نفسي صارلي تقريباً سنة كاملة من بطلت اقرة قصص اولا احداث متشابهة موجوده ابكل قصة
وثانيا التعمق الزايد من الكاتبات 18+
وثالثاً اكو قصص حيل تأثيرهن سلبي واكو كلام ماالمفروض ينكتب لان عيب
ورابعاً المبالغة الاوڤر بين قوسين تسفيط حچي ايطلعون البطل فد شجاع وشهم وهيج ماكو منة
اني مااكول كل القصص لا بس البعض منهن اكو قصص بيهة عبره وحكمة اتوعينة على اهواي امور
واكو قصص الصراحه حيل تافهة واحداثهة مملة ومابيهة هدف من الاساس
واكرر كلامي# للبعض #
مع احترامي وتقديري للكاتبات
والبنات الي ابأعمار اصغيره الي اتحس فعلا عقلهن ناضج وفاهمة وواعية وأخلاقهن عالية
ونصيحه/ بنات من تجين تعلقين بگروب أو بقصة
بأي مكان اخلي اسلوبج حلو ولطيف وية الكل حتى من اتريدين تنتقدين شي انتقدي بأسلوب حلو
عوفي اسلوب المسترجلات على صفحه اسلوبج واخلاقج يعكس تربية اهلج ... عوفي السب والكلام المحلو مو حلوه بحقج انتي ك بنية
# البعض #👆
دمتم بخير وعافية ❤✨
#ميم#
