هَــ(✋)ــِلاؤ ↝ ✩🎀
شٍْٰٓـِ✋ــٌٍّٰلٌٍــ🙋ًٍــوٌَِنٍُــ😘ٍّٓـٌـٍّٓـٌـگم
موضوعنة اليوم عن العيوب طبعاً تعرفون كل شخص بينة عنده عيب
يعني مااكو شخص كامل الكمال لله وحده
الله خالق كل شخص بي عيب كل شخص بي نقص سواء كان ابكلامة او بشكله او حتى بشخصيتة
وبسببهة اهواي يتعرضون التنمر والناس يستهزئون بيهم
حتى يخسرون ثقتهم بنفسهم لان ايحسون اكو نقص بيهم
اني شخصياً اهواي اتعرضت التنمر وبشكل مبالغ بي عندي مشكله بكلامي وهية لدغة الراء الفظة غين جنت كولشي احجي لازم يضحكون على طريقة كلامي هه جنت اگعد بالساعات بالغرفة ابچي واكول الله ليش خلقني هيج وليش وليش اهواي اسئلة واگعد اعتاب ربي جان كلامهم متعبني نفسياً وحتى انعزلت صرت احب اكعد وحدي مااحب اختلط مااحب اكون صداقات وصلت لدرجه صرت اكره احجي گدام احد اخاف احجي وينتقدون طريقة كلامي ف اضل ساكتة ، وطبعاً ماعدنة احد بالعائلة هيج بس اني عندي هل لدغة لان الوحيده طالعة على خوالي يعني جينات وراثية ف جنت اسمع انواع الحجي ايكلولي المايعة والتغوغي الفاهية ووووو اهواية
بمرور الوقت اتعودت صرت مااهتم احجي الي اريده والي يستهزء ارد عليه بطريقتي لدرجه اخلي يخجل من نفسة وبعد ميعيدهة لان صفنت كلت عود اني ليش كارهة نفسي بسبب كم شخص تافه ولو هل لدغة مو حلوة جان الله ماخلاهة بية هية شي مميز ومختلف ومو الكل عدهم هل صفة اتعلمت احب عيوبي اي أن كان هل عيب لازم احبه
ومااخسر ثقتي بنفسي علمود كم شخص واهتملهم خلاص الي يحجي خل يحجي تاليتهم يسكتون لان يبقة هل شي مو بيدي ولااكدر اغيره ولاكلامهم راح ايغير شي
الصراحه اهواي استفاديت واهواية اتعلمت اشياء من خلال تجربتي ومعاناتي وية الاشخاص القريبين مني والغريبين
نصيحة / اتعلم ان اتحب عيوبك اتقبلهة كما هية لتحاول ترضي الناس لتنزل من نفسك كدام احد خلي شخصيتك قوية ميهزك شي ولاتخسر ثقتك بنفسك نهائياً
ينتقدوك يحجون عليك كللهم اوك اني بية كذا عيب شتريدون هسة اضحك مثلاً لاتسكت وتنطيهم مجال اي شي يحجون ردهم مباشراً لان بس تسكت راح ايكولون باع هذا اشكد جبان نحجي عليه وهوة ساكت ضعيف شخصية ميعرف ايرد ميعرف يحجي لاتنطيهم مجال ابداً ينتقصون منك
لان هوة ه̷̷َـَْـُذآ الي يردوه
واكرر حب نفسك وحب عيوبك واتقبلهة
واعتذر حجيت اهواية ودوختكم 😂🌹
بس حبيت انطي نصيحة بسيطة 🌺
دمتم بـّخـْيرٌ وعاﺄفيهـہ»̶̥ 💗🙊⇣˝
#ميم#
