الحب الي كان

البارت الرابع

⁦❤️⁩  الحب اللي كان ❤️⁩

بارت (4)

👈 في سيارة أزاد :

جونول مبتسمة : ....يعنى بصراحة ... مع انكم مو كبار بالعُمُر.... بس عنجد قليل كتير وخصوصي بهالايام انو الواحد يشوف هيك اتنين بيحبو بعضن كل هالاد ...وكمان هيك فى بيناتن كل هالتفاهم والانسچام .. وتكمل متحمسة .. يعنى عنچد الواحد بس يشوفكن مع بعض هيك بيحس كأنو صارلكن شى 20 سنة متزوچين 🥰...
فيضغط ازاد فجأة ع الفرامل ليوقف السيارة عمدا...وينظر ازاد  وريان لبعض .. قائلان بصدمة ..
ازاد و ريان : شووو 😳😳 !!!!!
جونول مرتبكة : .. عفوا !! .. انا حكيت شى غلط ؟!
فتتعالى ضحكات ازاد و ريان كثيرا ...
ريان ضاحكة : لالا جونول انتي ما حكيتي اي شي غلط بنوب .. وتنظر الى ازاد وتكمل ضاحكة .. شوفت كيف ازاد ، و هاي جونول كمان لك انا كم مرة صرت قايلتلك هالحكي وانت ياللي ما كنت تصدقني بنوب 🤣🤣
ازاد ضاحكا : اد ما سمعت منك عنجد بيضل السمع مو متل الشوف لك ريان 😂 انا كنت مفكرك عم بتبالغى بس بعد ياللى شوفته هلأ ، خلص عنچد آمنّا 😂✋
جونول مبتسمة متعجبة : شو فى يا جماعة انا عنجد ما عم افهم اى شى ؟!
ريان ضاحكة : ليكى اختي هالقصة كتير طويلة ، هلأ احسن شي خلينا نوصل ع المطعم وهنيك بحكيلك كلشي بالتفصيل ..

👈 على باب المطعم :

أزاد : ليكو صبايا فوتو انتو اسبقوني لچوا واختارولنا هيك شي طاولة بمكان منيح ع زوقكن لبين ما صف (اركن) السيارة و ألحقكن اي ..
ريان : تمام بس لا تطوّل ها ..
ازاد : لالا ما بطوّل هلأ چاي ..
و تنزل ريان و جونول من السيارة وتدخلان المطعم ..

👈 في المطعم : 

ريان : ما اتوقعت المكان يكون معچوء (مزدحم ) اليوم ..
جونول : ليش ما بيكون هيك بالعادة ؟!
ريان : بالمناسبات بس ، وتكمل ضاحكة ، وانا ياللي ع اساس حاولت اتچنب ايام المناسبات واخترت يوم كتير عادي لاطلع فيه هالمشوار لك تقولي كل العالم فكروا متلي 🤣 !!
جونول ضاحكة : هيك الهيأة 🤣
فيقطع حديثهم الجرسون يأتي اليهم قائلا ..
الجرسون : مرحبا ، طاولة لشخصين ؟!
ريان : لا تلاتة لو سمحت ..
جونول مشيرة الى احدى الطاولات : بظن هاي منيحة ريان ، انو بعيدة عن العچأة (الزحمة) شوي يعني ..
ريان : اي اي وانا هيك بظن ..
فيوصلهم الجرسون لطاولة مستطيلة الشكل ذات تلات كراسي حيث يوجد كرسي فارغ ع تلات جوانب مختلفة من الطاولة  .. فتجلس جونول على احد جانبي الطاولة في حين تجلس ريان ع الجانب الاخر من الطاولة بحيث يصبحا جالستان امام بعضهما البعض (و الكرسي التالت الفارغ موجود عند رأس الطاولة )...
يعطيهم الجرسون قائمة الطعام ..
ريان : تمام يسلمو ، وتكمل هامسة شو جونول نطلب هلأ ؟!
جونول هامسة : لالا خلينا ننتظر ليچي ازاد بالاول احسن شي ..
ريان : تمام .. وتكمل ناظرة للجرسون وتكمل مبتسمة .. شكرا كتير لإلك .. نحنا بعد شوي رح نطلب ..
الجرسون مبتسما : تمام متل ما بدكن .. 
فيذهب الجرسون فتفتح ريان قائمة الطعام قائلة ..
ريان متحمسة : چعت كتير انا ، انتي ما چعتي ؟!
جونول مبتسمة : يعني .. شوي ..
وتنظر ريان بقائمة الطعام  : معناتا تعي نشوف سوا شو بدنا ناكل ، شو رأيك ، او مثلا اذا چاي ع بالك شي  ..
فتقاطعها جونول : ريان ..
ريان مشغولة بالنظر في القائمة : اي ..
جونول بخجل : بصراحة انا .. انا.. كان بدي اعتذر منك ع الشي اللي عملته معك بالسينما  ..
فتنتبه ريان وتنظر لجونول مبتسمة : و لا يهمك جونول ما صار شي ..
جونول : لك ريان انا بس بدي افهم شغلة وحدة ، انو ما زال انك حدا كتير منيح كل هالاد ، طيب ليش هيك عملتي معي وخلتيني اتعمد اتغالظ عليكي ..
فتقاطعها ريان ناظرة اليها مبتسمة بتعجب : انا !! لك هاد انتي جونول ، انتي ياللي من لما التقينا بالسينما ودغري نزلتي فيني بهادل و لهلأ ما بعرف ليش ؟! ..
جونول بخجل : بصراحة كنت كتير معصبة منك ..
ريان : لك ليش ..
جونول : بسبب الشي ياللي حكيتيه عني وقت التقينا اليوم الصبح بالمدرسة ..
فتقاطعها ريان : اليوم الصبح بالمدرسة !!
جونول : اي ، بغرفة المعلمات وقت ياللي  .. 
فتقاطعها ريان ضاحكة : لك ايوااا ، و اخيرااا ، لك جونول بدي قولك انو انا  ضليت كل الوقت عم بسأل حالي انا وين شايفتك من قبل بس ما كنت اتذكر بنوووب .. تاري انتي نفسها هاديك البنت ياللي .. ثم تسكت ريان فجأة وتكمل متعجبة .. لك اي بس انا ما بتذكر اني ضايقتك وقتا .. بتذكر انو انصدمنا ببعض بالغلط .. وتكمل ضاحكة .. مشان الله لا تقوليلي انو هاد هو الشي ياللي ضايقك مني كل هالاد جونول لك بقوم بعضّك هلأ ها 🤣👊 !!
جونول ضاحكة : لك لا ريان اكيد لا 🤣🤣
ريان مبتسمة : لكان شو السبب احكي لشوف 😃 ..
جونول : هاد لانك كنتى كرهنتينى ومانك طيقتينى ومن قبل ما تلتقي فيني حتى ولو مرة ، وحكيني عني بشكل سئ لدرجة قلتى لرفيقتك انو چاي ع بالك بس بدك تشوفيني دغري تزتيني من الشباك ..
فتقاطعها ريان  : لك لالا عنچد انا ما قصدتك إلك انا كان كل حكيي عن الانسة الچديدة ياللي ... ف تبتسم جونول فتصدم ريان ثم تقول خجلا .. جونول .. لك لا تقولي انو هلأ انتي ..
جونول مبتسمة : اي ..
ريان : الانسة الچديدة 😳 !!
جونول : هاد هو 👌😆
ريان محرچة : يالله 🤦 !! .. ثم تنظر لجونول بخجل .. انا عنجد بعتذر منك انا ما قصدت ضايقك انو احكي عنك بهالطريقة انا بس من ضغط الشغل ياللي انچبرت اتحمله لبين ما تچي انتي ، ف وقت اخدتي اچازة بأول دوامك فعصبت اكتر لهيك .. انا .. انا عنجد ما بعرف شو بدي قولك .. بس انا مالي بالعادة احكي عن حدا بهالطريقة انا عنجد مو ..
فتقاطعها جونول : انا ما حكيت هالحكي لعاتبك ريان ، انا بس كان بدي وضح كلشي لالنا نحنا الاتنين لحتى ما يضل بيناتنا اي سوء تفاهم لنقدر نبلش صفحة جديدة رفقات انا و اياكي ، اتفقنا ؟! ..
و تمد جونول يدها لريان مبتسمة .. فتبتسم ريان و تمد يدها لتسلم على جونول قائلة بابتسامة : اتفقنا ..
فيقطع حديثهم مَن يقول : بنتين و عم يتفقوا ع شغلة سوا ، معناتا الله يچيرنا 🤣✋ !!
فتنتبه جونول وريان فإذا به أزاد قد أتى ف يكمل قائلا :
ازاد ضاحكا : اهم شي ما يكون اتفاقكن عليا ها !!
فتضحك جونول و ريان .. ويجلس ازاد ع الكرسي الموجود عند رأس الطاولة بحيث تصبح احدى الفتاتان ع يمينه والاخرى ع يساره ..
ريان ضاحكة : هلأ هاد ياللي ما رح تتأخر !! موتنا من چوعنا هون نحنا ، ما هيك جونول .. فتضحك جونول ..
ازاد ضاحكا : اي خسا الچوع .. لك هاد بس لحتى قدرت أمّن مكان للسيارة ولا بدك اياني زتها وين ما كان 😌 ..
ريان ضاحكة : لالا كلشي ولا السيارة .. بتعرفي جونول مرّات بحسها ل هالسيارة متل ضرتي تمام 😆
ازاد : مشان الله ريان ما لقيتي وصف غير ضرتك لتقوليه هلأ ، لك جونول من دون شي فكرتني انا و اياكي ..
فيقطع حديثه ان يرن موبايل ازاد فينظر فيه قائلا ..
ازاد : بدكن ما تواخذوني ، اتصال من المشفى لهيك لازم رد  ..
ريان : يا الله !!
ازاد ناهضا : معلش ريان .. بنات اطلبو الاكل لبين ما ارچع اي .. ويذهب ازاد فتقول جونول : طيب شو بدك تاكل .. فيلتفت اليها ازاد قائلا : شو ما كان جونول .. ويذهب ليرد ..
ريان منزعجة : اووف لحقينه لهون كمان ..
جونول : معلش ريان اكيد في شي مهم .. خلص لا تزعلي ، يلا خبرني لشوف شو بدك تاكلي ..
ريان محبطة : اي شي ما بتفرق ..
فيقطع حديثهم فتاة تريد ان تمر من جانب طاولتهم  ..
الفتاة مبتسمة : لو سمحتو بس بدي زيح شوي هالكرسي لامرء  (مشيرة الى كرسي ازاد) ما بحسن امرء من الطرف التاني معچوء لانو   ..
جونول مبتسمة : ولا يهمك ، اكيد اتفضلي .. فتزيح الفتاة الكرسي ..
وتكمل جونول حديثها لريان مبتسمة : لك ريان .. فتنظر لها ريان .. فتكمل جونول .. ما بيلبقلك الزعل ع فكرا .. فتبتسم ريان ..  فيقطع حديثهم شاب يريد ان يمر ايضا ..
الشاب : بعد اذنكن صبايا لامرء بس .. و يرفع الشاب كرسي ازاد ويضعه بجوار جونول ويكمل الشاب طريقه ..
فتكمل جونول حديثها مبتسمة :  .. و بعدين ما قلتي اچيتي لهون كتير مع رفقاتك معناتا بتعرفي شو احسن شي هون .. يلا لشوف اختاريلنا ع زوقك بقا ..
فتتحمس ريان : اي .. فتشير جونول للجرسون ليأخذ طلبهم ..
ثم يعود ازاد ف يرى كرسيه بجوار جونول  ف يبتسم متحمسا ..
ازاد (في سره) : هلأ ما بعرف كيف صار هاد هون هلأ بس ع كل حال منيح طلع الكرسي تبعي بيعرف وين لازم يكون محله ، حلو كتير 😁⁦✌️⁩
ازاد ضاحكا  : لا تقولو ما طلبتو شي لهلأ لانو عنجد فرطت من جوعي وبلشت شوفكن ساندويشات ادامي هلأ 💔🤣
فتضحك ريان و جونول ..
جونول ضاحكة : لالا تقلق نحنا طلبنا هلأ بيچي الاكل .. 
ف يضع ازاد يده على ظهر الكرسي التالت الموجود بجوار جونول قائلا ..
ازاد مبتسما : اذا ما بيضايقك  .. فيني ..؟!
(يقصد يستأذن ل يجلس بجوارها )
فتبتسم جونول بخجل : اي ..
و بينما ازاد على وشك الجلوس ..
ريان بجدية :  ع اساس انا شو هون 😒 !! .. بدك تتركني وتقعد چنبا 😏.. لك مو مرتك انا 🙄 !!
فترتبك جونول وتقول متوترة : لا ريان هاد بس مشان الكرسي بنص الطريق كان و العچأة ، صدقيني عنچد انا ما ..
وتنهض جونول : ريان تعي اقعدي محلي ..
ازاد ضاحكا : جونول اقعدي محلك و انتي ريان ما أسألِك اي😆👊
ريان ضاحكة : شو بك ازاد ما صفي غير تطلقني مشانها 😌🤣 ..
ازاد جالسا بجوار جونول : ليكي ريان عنجد حاچي غلاظة بقا هلأ جونول بتصدق وما عاد نقدر نقنعها بالحقيقة بعدين ها 🤣👊
ريان : اي والله الحق معك 🤣🤣
فتجلس جونول بجوار ازاد متوترة : لحظة شوي شو عم بيصير هون 😅 ..
ازاد ضاحكا :  الله يسامحك لك ريان كركبتيها للبنت ..
جونول ضاحكة بتعجب : اي عنجد كتير اتكركبت انا و ما عاد فهمت شي ، لك يا جماعة معلش تفهموني ، لك ريان ما قلتي بدك تفهميني بس نچي ع المطعم !! ، وهاي إچينا احكي لشوف ..
ريان ضاحكة : اي الحق معك اول شي بعتذر منك كنت عم بمزح بس طلعت مزحة سئيلة شوي 🤣
ازاد : كتير ، سئيلة كتير كانت ، مو بس شوي 🤣👊
ريان : اي 🤣🤣  ...ليكى جونول .. هلأ اول شى بدي خبرك فيه هو انو السبب بعدم زواچي لهلأ بيكون .. أخي 😁
ازاد ضاحكا : اي لا ريان لا تتحچچى 😂
ريان ضاحكة : ازاد 😂👊
جونول مبتسمة  :  اها فهمت يعني انتو هلا مخطوبين بس اخوكى مانو موافق على زواجكن ..
فيقاطعها ازاد : لك جونول لا انا ما ..
فتقاطعه جونول : لحظة ازاد لانو انا عنچد ضد عقلي هيك شغلات ، لك نحنا بأي زمن عايشين ، ليكي ريان عنجد لازم تفهمي شغلة كتير مهمة وهي انتي ياللي بدك تعيشي مو اخوكي ، يعني بدك ما تواخذيني تمام اخوكي وكلشي ما اختلفنا بس شو ما كان ما بيحقله يفرض رأيه عليكي ..
ريان متحمسا : اي هيك ها 😁👏
ازاد مرتبكا : يا الله !!  لك جونول روقي ..
فتقاطعه جونول : معلش ازاد لحظة ، ليكو اذا اخوكي ما عنده اسباب مقنعة عنجد لحتى يوقف بوش زواچكن فمعناتا بيكون اخوكي واحد معقد كتيير ..
ريان متحمسة : سمعت ازاد 😁⁦✌️⁩ !!
ازاد : لك ريان 😖👊  ..
جونول : يعنى عنجد ازاد بيحبك كتير وبيهتم فيكى وبيخاف عليكى ..اصلا اخوكى شو بدو اكتر من هيك .. وتكمل منزعجة .. اساسا  هاى حياتك إلك يعنى اخوكى بس فيه يناقشك ويقول رأيه بالقصة رأي استشاري بس مو اكتر يعني ما بيحقله يقرر عنك او يفرض عليكى شى ... لك شو هالاخ هاد ؟!
ازاد : مشاااان الله خلص بقا 😖😖
ريان : 😂😂😂
جونول : شو ازاد شو بك 🤨 ؟!
ازاد :  روقي جونول هدّي شوي ..(وينظر لريان ويقول )
..شو ريان بدك تضلى هيك عم تضحكى ...كأنو الحكي ع كيفك ما هيك 😐 ..
ريان ضاحكة : اي كتير 🤣🤣
ازاد : لك ريان عنچد عيب عليكي تتركي اخوكى هيك عم يتبهدل ادامك ...لك احكيلك شى كلمة بقا ...
ريان  : تمام تمام 😂 .. ليكى جونول .. (وتشير ريان الى ازاد قائلة لجونول ) هاد الشاب الوسيم ياللى ادامك هلأ ما بيكون لا زوجى ولا خطيبى .. ازاد بيكون ... أخى ..
جونول مصدومة : شوووو !!...لالا مو معقوول ..انتو اكيد عم تمزحو ما...لا عنجد يعنى كيف هيك!!! ..(وتكمل ضاحكة ) ..انا ما عم اصدق لدرجة انو على شوى راح اطلب شوف الهويّات (البطاقات الشخصية ) تبعكن ها...
ازاد ضاحكا : صدقيني ما عنا مانع ...بس المشكلة انو الهويّات تبعنا لحالها ما بتكفى لاثبات هالشى 💔🤣
ريان : اي 😂😂
جونول : كيف يعني 🤨 ؟!
..و يأتي الجرسون و يضع الطعام ..
ازاد : يسلمو شكرا الك ..
الجرسون : تحت امرك استاذ ..
ويذهب الجرسون ويبدأ الجميع بتناول الطعام فتقول جونول ..
جونول متحمسة : لك احكو كيف اخوة ومع هيك الهويات ما بتكفي ما فهمت 😃
ريان : اي هاد لانو انا و ازاد  ..صحيح بنكون اخوة.. بس مو اشقاء .. بقصد ازاد بيكون اخي من أمي  .. لهيك اسم الاب بالهوية تبعنا مختلف مشان هيك شوفت الهويات لحالها ما بيكفي 😆
جونول ضاحكة : اهااا...ياا الله !!! (وتكمل مرتبكة )  انا عنجد اسفة كتيير ازاد ..يعنى حكيت عنك قبل شوي بشكل مو كتير .. يعني .. عنچد بعتذر منك ...
فيقاطعها ازاد ...
ازاد : لالا ولا يهمك 😆 ما صار شى اساسا هاد ابسط شي صار معى لليوم ..لانو هالقصة كانت دائما تورطنا بالمشاكل وخصوصى ايام الچامعة ..
ريان متحمسة : لك اي .. بتعرفى جونول ..انا و ازاد كنا بنفس الجامعة بس طبعا بغير كلية ..فكان كل رفقاتى وقت يشوفوني مع ازاد كيف عم نتعامل سوا او مثلا ونحنا عم نحكي او نمزح او عم يوصلني بالسيارة مثلا .. دائما بيفكروه يا رفيقى يا خطيبى وما كانو يصدقو بسهولة انو أخى وكانو بيفكرونى عم كذٌب عليهن 😂  طبعا هاد كله منشان اختلاف اسم الاب يعنى ..
جونول : يااا ربى لهالدرجة !! ، شي كتير فظيع 😂
ريان : و اكتر كمان 🤣 ، لك صحيح ازاد  بتتذكر هاداك اليوم وقت فوتت انت على صالة المحاضرات تبعى بالكلية و...
فيقاطعها ازاد وهو يسعل (يكح بالمصري) ..
ازاد ساعلا  : لالا ريان منشااان الله بلاها هاى .. ويسعل ..
فتصب جونول كاسة ماء وتعطيها لازاد ..
جونول مرتبكة : اشرب ازاد ع مهلك اشرب ..
ازاد : يسلمو ايديكي .. و يشرب ازاد ..
ريان ضاحكة : طيب خلاص اخي لا تسعل ما رح احكي 🤣🤣
جونول : لك ريان عنجد حرام عليكي 😆 ، شو ازاد صرت احسن ؟!ازاد :  اي الحمد لله ،  و ينظر لريان ويكمل ، الله يسامحك ريان من بين كلشي ذكريات بالجامعة ما طلع معك تتذكري غير هاي ..  !!!
ريان ضاحكة : لك اخي مشان الله بدى احكيها لجونول  ..
ازاد : ما حزرتي مستحيل ..
ريان : لك ليش ؟! عنجد ما فيها شي ، جونول صارت رفيقتنا يعني ما رح احكي لحدا غريب ولا انت لسه بتعتبرا حدا مو ..
فيقاطعها ازاد : لك ريان مشان الله ..
ف تغمز ريان لجونول خلسة فتبتسم جونول ثم تقول ..
جونول : خلص ريان اتركيه لازاد ع راحته 🙂
ازاد : شفتي كيف 😌
فتقاطعه جونول : يمكن هو ما بدو ياني صير رفيقتكن 😔
ازاد : شو 💔😧 !!!
جونول: وهاد حقه اكيد ريان فلا تضغطي عليه انا ما بدي ازعچه لأزاد 😔
ازاد مرتبكا :  لا والله مو هيك لك احكي ريان احكي لجونول القصة ، بحكيلك اياها انا جونول اذا بدك ها ⁦😖😖
فتنظر ريان لجونول قائلة ..
ريان ضاحكة : سلاح الانثى 🤣💪
جونول ضاحكة : الابتزاز العاطفي 🤣⁦✌️⁩
ريان ضاحكة : يا عيني عليكي 🤣⁦⁦✌️⁩
فتضرب ريان كف جونول وتضحكان معا ..
ازاد : هلأ هيك 😐 ، كنت بواحدة صرت باتنين ، يا حبيبي💔🤦 !!

ثم ننتقل ل (flash back ) :
يظهر لنا مدرّج (قاعة دراسية ) فى الكلية تبع ريان  وفيه طلاب كتييير ...ويوجد استاذ الجامعة الذى سيلقى المحاضرة  ولكن يقف حوله طلاااب كتييير ..

ثم يدخل ازاد المدرج فجأة وينادى بصوووت عاااالى ..
ازاد مناديا : ريان ...لك ريااان  ..وينك انتى.. ليش ما عم تردى ع الموبايل تبعك ..
الاستاذ غاضبا : ليك ليك ..انت ..وقف حدك ..شو لوين مفكر حالك فايت !!!
فيصدم ازاد لوجود الاستاذ بالصالة ( لان ازاد لم ينتبه لوجوده لكثرة الطلاب حول الاستاذ) ..
ازاد مرتبكا : يا الله !!..اااا...انا عنجد ...كتير اسف استاذ ..
الاستاذ : وانت على شو عم تتعتذر هلأ يا ترى!! ...خلينى انا احزر لشوف ..بلكى(يمكن) على الطريقة ياللى فوتت فيها على المحاضرة هيك بلا استأذان ..او بلكى لانو صوتك كان كتيييير عالى ...او مثلا لانو حضرتك بس هلأ لحتى اتذكرت انو في عندك محاضرة !!!..بس انتو كلكن بتعرفو منيح انو وقت افوت انا ع المحاضرة فانا مستحيل اسمح لحدا يفوت بعدى ..ما هيك ...
ازاد خجلا : ااا...انا اسف ع كل شى استاذ بس حضرتك فهمان القصة غلط ..اصلا انا مو طالب بهاى الكلية  ..انا بس ..
فيقاطعه الاستاذ ..
الاستاذ : شووو!!! ..يعنى وفوقها كمان انت مو معنا بالكلية ...بس ما تكون خرجت من بيتك اليوم الصبح وكنت رايح على شى محل ..قمت فايت ع الجامعة هيك بالغلط ..