حفيدات عائشه 💙

خذلان

روان :ايدا... نور انت جايه الرحله معانا... انت مش قولتي انك اجازه عشان مامتك تعبانه
تسنيم : ايوه ايدا.... انت مش كنتي مش هتيجي
نور بلهجه  مرحه ولكن... : حكم القوي ياستي منك ليها ... (وضحكت)
(روان ضحكت هي كمان بس  تسنيم حست بغرابه من كلامها دا بس ضحكت  )
*تاني يوم*
تيييييييت تيييييييت
نور:- يووووه اقفلى المنبه ده ياروان
روان  بصوت ناعس :- انا قايمه اهوه اطفيه واصلى قيام ....متيجى تقومى تصلى معايا
نور :- هههههه انتى عايزانى اسيب السرير وحلاوته واقوم اصلى ...لا طبعا
روان :- ماشى ...ربنا يهديكى.. يلا يا تسنيم
تسنيم  فاقت وقامت و : خلي فعلمك الشيطان قاعد علي راسك اهو انا شايفاه يانور... هيه .... 🙂🙂
* روان قامت صلت ركعتين مع تسنيم  وقعدت تقرأ قرآن وبيفكروا  فى الرحله اللى هى رايحينها اصل هما  بيشتغلوا  مرشدين للسياح  زى ما كانوا - بيحلموا من صغرهم سوا -
جهزوا  وراحوا  مع السياح لسيوه والعربيه عطلت فى وسط الطريق والحمد لله كان فيه فندق قريب فقعدوا فيه وصاحبتهم  نور مرشده برضو ..روان قامت بصت من الشباك لقت ناس كتير معاهم شنط وبيتخانقوا وبيضربوا بعض فهى دخلت على طول وطنشت  ...

الصبح طلع بسرعه وهى لبست الخمار والفستان اللى شكلها قمر فيه وراحت هى وصاحبتها نور وتسنيم للعربيه اصل هما اتبعتلهم عربيه جديده ليهم وللفوج   *
نور :- يختاااااااى هو احنا هنفضل قاعدين القعده ****
روان :- بطلى شتيمه بقا يانور.... انا عن نفسى معنديش مانع هقرأ الروايه بتاعتى
تسنيم
نور :- ماشى يابتاعت الروايات ياسكر... بس حقيقي فيه ملل والواحد زهقان ومتوتر خلقه . اوووف
روان : من ايه... هي دي اول رحله يعني 🙄
نور بتوتر : هه... لا.. ل لا لا... دا انا بس مضايقه من الحراره دي
روان : احم... طيب
(وتسنيم كانت مشغوله بتكلم مامتها.... بس لاحظت تعبيرات وش نور الغريبه...!)
* عدت الساعات بسرعه ووصلو فى اخر اليوم وتانى يوم بدأو شغل
روان للسياح بس بالانجليزى طبعا :- سيوه بتشتهر باللغه بتاعتها الفرعونيه اللى لسه بيتكلمو بيها وحتى مسميين نفسهم امازيغيين و.......

تسنيم :- ايه حيلك حيلك براحه علي الناس شويه ...براحه
روان :- اشرحي انت انت انا تعبت اوي
تسنيم :- طيب.. شوفي الشرح اللي علي اصوله ( وكملت عنها الباقي) 😂😂
( شرحت كتير و....)
تسنيم : روان كملي بدالي.. انا تعبت م الكلام والجو حر جدا...

روان :-  ت.... ينهار ابيض
تسنيم :- ايه صعبت عليكى.. و
روان:- لا طبعا المدير جيه كملي كملي... ريحاله اسأله ع حاجه
تسنيم :- بيعتيني يا رخمه  ..(وكملت للفوج شرح عن المكان)
روان خلصت شغلها كانت الساعه ٧ قعدت تتكلم هى  وتسنيم ونور وكده  ودا كان فأوضه نور... تسنيم اوضتها جنب اوضه نور و جنب اوضه تسنيم اوضه روان ( الوقت خدهم والكلام سرقهم  لحد م كل واحده راحت اوضتها) ...
*قبل الفجر بساعتين*
تسنيم قامت قبل الفجر بساعتين تقرأ قرآن وتصلى ومش كانت مرتاحه برغم أن الواحه جميله بس سمعت صوت كده من بره زي ههمات بس عاليه نسبيا نظراً انهم تقريبا من ادام الاوضه اللي جنبها...
صوت رجل:- اخلصى ياختى لازم تنفذي يلا بسرعه دا انسب وقت  و تخطفيلك عيل عيلين ..عاوزين نبيع اعضاؤهم و الزعيم مستني
نور:- حاضر حاضر بس ادينى فرصه انا مش عارفه اخطف أنهى واحد... وازاي
الرجل:- اخلصى احسن الزعيم يشيل رقبتك من على جسمك... تقوليش دي اول مره.. داحنا دفنينه سوا ابت
نور:- طب يلا امشى من هنا قبل ما حد يسمعنا انت نسيت أن انت واقف على الباب يا غبي..
الرجل :- ما انتى اللى مش راضيه تخلينى اخش..انا ماشى اهوه...
* طبعا وده كله تسنيم سامعه ومش قادره تستوعب الحكايه دول بيقولوا  سرقه عيال وبيع اعضاؤهم طب هى هتعمل ايه... دا صوت نور..!!! معقوله للدرجادي؟ ... طلعت الفون وسجلت... و بعدين تحسبا لاي شئ مسكت الورقه والكراسه وقعدت تكتب كل حاجه سمعتها وتانى يوم "
تسنيم لروان:- لو حصلى حاجه ادخلى اوضتى وهتلاقى كراسه غلافها موف فى الدرج ومفتاح الدرج تحت السجاده... دا لو معرفتش ابعتلك حاجه تانيه تمام..
روان:- ايه يابنتى الافلام الهندى دى ايه اللى بيحصل
تسنيم بنبره عميقه فيها لمحه من مرح مصطنع:- هتعرفى بعدين... ياختي
*  طبعا تسنيم مش عرفت تروح للبوليس علشان مش عندها دليل فاستنت ليله اليوم ده علشان تسمع الكلام وتسجلهم وتعرف توديهم فى داهيه
عدت الساعات بسرعه وايجى الليل وهى لابسه وقاعده جنب الباب ...هى اصلا مش عارفه لبست ليه بس ربنا قالها كده*
الرجل:- يلا يانور علشان تنفذي المطلوب وتخطفيهم... الزعيم بيقول اودامك ساعه ونص
نور:-  بس؟!.... طيب يلا
* تسنيم سمعت الكلام ده فمش هتفضل قاعده ..خدت فونها وفتحت الواتس و  ...من غير تفكير تسنيم راحت وراهم ولقيتهم فعلا نفدوا و خطفو العيال وبيودوهم فى عربيه ونور معاهم اصلها كانت عصابه كبيره ..راحت تسنيم  طلعت الفون تبلغ البوليس تلحق ... من التوتر ايدها ارتعشت وضغطت عشوائي بعتت الريكورد واتفتح بصوت عالي...سمعوها واتكشفت  ... ضربوها بالرصاص فى ضهرها وطبعا الخطه بتاعتهم فشلت اصل الفندق كله صحى وسابوا العيال ترجع لاهلها ...طبعا الناس ايجت فى المكان اللى حصل فيه ضرب النار ...لاقوا تسنيم مضروبه رصاصه فودوها المستشفى والبوليس قعد يحقق ...طبعا الخبر  وصل لروان وكانوا معاها فى المستشفى وروان نسيت الكلام اللى تسنيم قالته ...بعد ٤ ساعات فى العمليات
الدكتور : الحمد لله العمليه نجحت بس ال٨ ساعه اللى جايين دول خطر
روان  :- ينفع افضل معاها
الدكتور:- لا مهيفيدش دا بحاجه.. كدا كدا... مفيش داعي لدا طالاما  انها مش فايقه
وبعد خناقه  روان وافقت   انها تروح من  المستشفى ...روان رجعت وراحت نفس المكان اللى تسنيم قالت لروان فيه على الكراسه...فروان افتكرت وراحت على اوضه تسنيم بس الكراسه مش كانت فى الدرج ...الكراسه كانت مرميه على الارض ادام الباب اصل تسنيم مش فاضيه تروح تودى الكراسه فى الدرج ..ده كان فى عيال بتتخطف ....روان بدأت تقرأ وهى مش مصدقه كان لازملها دليل أن الكلام ده صح ...اصل تسنيم بتتكلم عن صاحبتها برضو ...قرت الجمله بتاعت أن تسنيم عاوزه تسجلهم وراحت جايبه تليفونها عشان تبلغ البوليس  لاقيت رساله من تسنيم... دا تسجيل.... سمعت التسجيل ...روان من غير تفكير على البوليس واداتهم الادله  *
الظابط :- على فكره الدلائل دى مش تثبت أنهم اللى عملو كده
روان:- ازاى ده فيه تسجيل
الظابط :- ممكن يكون اى حد اتكلم الكلام ده غير اللى انتى بتتهميهم
روان :- ماشى حضرتك ظابط
* روان رجعت الفندق وطبعا كانت واخده اجازه بس مش راحت على اوضتها..راحت على اوضه نور  وهي منهاره وبكل غباء قالتلها
روان : انت... انت يانور تكوني بالحقاره دي.. انت... توصلي بعقلك لكدا... ليه.. حرام عليكي.. الاطفال دول... ملهمش اهل يتحرق قلبهم عليهم
نور ببرود: المهم انا اعيش واحقق كل اللي بتمناه
روان بانهيار : اييييه التفكييير الاناني دا... طب.. طب وتسنيم... صاحبنا...  شوفتي حصلها ايه من وراكي... دا احنا عشره عمر يا شيخه...
نور:هي اللي بتتدخل فلي ملهاش فيه... وخلي فعلمك انا عمري مكنت صاحبتكم... ولا انتم اعتبرتوني كدا.... (مدت ايدها ورا ضهرها.. مسكت السكينه... قربت.. و..) عمري مكنت كدا... انتم دايما الشطار... الممتازين... اللي مفيش زيكم... الكل شايفني وحشه ومش زيكم محترمه وشاطره... بل مش شايفني اساسا... كبرنا اهو مع بعض... وانا  بقيت فعلا زيكم.... وحققت نظره الكل ليا... ( طلعت السكينه وبتقرب تاني) ايوه انا وحشه من جوه... حقوده... طماعه وانانيه... اشتركت ف عصابه... بقيت قتاله قُتله وبقبض من ورا دا.. ( لسه هترفع السكينه ع روان)
روان  بزهول وبترجع لورا : للدرجادي....ان... انت نور؟
نور : اه.... ( رفعت السكينه هوووب)
_ ااااه... (وقعت السكينه)
*في اقل من دقيقه حصل التالي*
( روان مزويه فجنب بتعيط بذهول )
(دخلت قواه غزت الاوضه وضربوا رصاص ع ايدها  )
( السكينه وقعت... من نور بفعل الرصاصه اللي اتضربت ف ايدها)
(القوه مسكت نور واخدوها بره ع البوكس)
الضابط : احنا كدا معانا التسجيلات بتاعك اللي بعتيه واللي اتسجل دلوقتي...
روان :....
الضابط : حضرتك... يا انسه
روان : هه....حض... ( سمعت رصاص تاني... اتفزعت والضابط طلع بسرعه.. وروان وراه... قابله عسكري جاي بيجري و...)
العسكري : نور اتضربت نار...
الضابط : نعم..
(روان جريت لبره ووقفت... لاقيتها... ع الارض غرقانه فدمها... ماتت.... وهي عيطت جامد وانهارت...)

فاقت  روان  بشكل جزئي من الصدمه ...و راحت المستشفى اصل ال٨ ساعات الخطر خلصو وعدى كمان٦ ساعات اصل الليله كانت طويله اوى وليها احداث كتير... بعد م جمع الادله من ادوات نور اللي كانت فاوضتها وتليفونها... من صور وماسيدجات وووو

روان بصوت مبحوح  مصدوم :- تسنيم ايه اللى مقعدك على كرسى
تسنيم وهى بطبطب على جنه:- ولا حاجه بس الرصاصه  جت جنب العمود الفقري بسنه بسيطه كدا هون... وطلعوها... فانا بتخيل لو كانت جت ف العمود فعلا واتشليت🌚🌚
جنه :- هههه حتى وانتى تعبانه بتهزرى
(جنه اخت روان.. وقريبه من تسنيم جدا... عرفت من روان الحكايه وراحت لتسنيم)
تسنيم :- ايوا كده ياجنه اضحكى
روان بصوت فيه جديه:- قاعده على كرسى ليه
تسنيم قامت  :- بعمل صاصبينس وكدا يعني
روان عيطت؛ هو انا ناقصه كدا كمان... خضيتيني (وعيطت)
_______
*بعدها بشهرين*

روان بتعدي بمرحله صعبه جدا (قالتها جنه)
تسنيم: اللي حصل مكنش سهل بردو
جنه: بس هي صعبانه عليا قوي
تسنيم: لازم نخرجها مالمود ده
جنه: الغدر لما يجي من حد قريب بيكون أثره أكبر من الشخص العادي بملايين المرات
تسنيم: عندي فكره
جنه: كلي آذان ٌ صاغيه
تسنيم: إحنا نعملها خروجه كدا علي دريم بارك وخش بينا علي مطعم نأكل وبعديها يا باشا نجبلها كتابين علي رويتين كدا يعني هتحب الحوار
جنه: أتفق أصل حالتها صعبه
_________________________
تسنيم: رواااااعااااااان
روان: خرمتي وداني
تسنيم: باشا أنا بحبك
روان: في إن وأخواتها فالموضوع
تسنيم: أحبك وأنت نبيه كدا ومصحصح
روان: عايزه إيه؟
تسنيم: خروجههعهعه
روان بجديه :لا
تسنيم: لو مش خرجتي معانا هخصمك وهعملك بلوك من الواتس والفيس ومش هجيبلك تورته فعيد ميلادك هه بس وكمان لو مت زمبي فرقبتك ليوم الدين يا وحثه أنت صحبه مش جدعه أصلا
روان: خلاص خلاص كل ده خلاص جايه
تسنيم وجنه بصوت واحد وصراخ: هااااااااااا
________________________________________
راحو الملاهي ولعبوا وبعدها راحوا اتغدوا وبعد كدا اشتروا رويتين لحنان لاشين وواحده لمني سلامه وروان كانت مستجيبه معاهم
جنه:يا اوختشي
روان: نعم
تسنيم: نعم الله عليكي
روان: إيه دا
تسنيم: هو المرشيمللو زحلان ليه
روان: زحلان؟
تسنيم: بس بقا يووه مضيعيش اللحظه
روان بضحك: لحظه إيه يا مجنونه😂
تسنيم: دي واحده مش تستاهل الزعل عليها
روان: دي حاولت تقتلني
جنه: روان بس بقا اهي خدت جزائها ماتت زي الكلاب ماتت موته يشعه اصلا واحده خاينه وغادره
روان ببكاء: إن حد عزيز عليك يخونك دا شئ صعب
تسنيم: معلش بكرا الأيام تنسي صحبتك جمبك واختك معاكي ولا إيه جنه
جنه: طبعا هو أنا عندي كام أخت يعني
وبدؤا يكلموا روان وهي بدأت أنها تستجيب و بدأت تخرج من العزله والكآبة اللي كانت فيها من بعد اللي حصل مع نور💔
_______________________________________________________
الثقه … هُناك بعضُ الأشخاص لا تُدِرك معني هذه الكلمه … هُناك من يخون … ولا يهتم بما خلفه من جِراح … لكن الخيانه تكون مؤلمه بأضعاف المرات عندما تأتي من شخصٍ قريب … فلا تنخدع بسهوله … فاللسانُ معسولٌ … والقلبُ مغلولٌ …

#أبحث عن الوفاء في زمن الخيانه والخذلان 🖇️

#Tota Beh

# حفيدات عائشه🔮🖇️