حفيدات عائشه 💙

حزن الحياة لا يدوم طويلاً

سائره لا حول لها ولا قوه في الطريق عينها شاخصتان لا تدري من حولها او ماذا يفعل وكأنها وحيده في صحراء لا في طريق مشحون بالماره والسيارات فصدمة موت امها لم تكن بالهينه  لم يعد لها احد سواه، سبق ومات والدها ووعدته والدتها بلقاء قريب والان حان وقت وفاء والدتها بوعدها...
______
 تييييييييييت تيييييييت طااااااااخ
محستش بعدها بشي اخر ما شافته تجمع الناس حولها 
نزل من العربيه بسرعه لقاها مُغمي عليها والناس اتجمعت وداها علي المستشفي بسرعه
بدات تفتح عينها 
مراد: انتي كويسه ياأنسه سمعت صوت رجولي قامت برفق فتحت عينها وقالت اه الحمد لله بس راسي وجعانه شويه 
مراد: من اثر الخبطه انا اسف 
ليلي: لا انا الا مش كنت مركزه انا الا اسفه وشكرا انك جبتني هنا 
 وهيا بتقوم 
مراد:انتي هتمشي استني شويه عشان الدكتوره تطمن عليكي 
ليلي:لا مش ليه داعي انا لازم امشي 
مراد:برحتك ياانسه طب اجي اوصلك 
ليلي:لا شكرا انا هاخد تاكسي
وقامت خرجت من المستشفي  ودموعها علي وجنتيها بتتسابق والسباق طبعا للاسرع   حزنها علي موت امها لم يَكن بالهين قط..
____
مراد في نفسه:غريبه البنت دي بس ماشاء الله علي احترامها 

في ثواني دخل عليه صاحبه اسامه وهو بيجري عليه 
اسامه: اي اللي حصل
مراد:مفيش خلاص صحيت ومشيت 
اسامه:انت مش كنت شايف افرض كانت ماتت كنت روحت في دهيه دلوقتي
مراد:خلاص حصل خير ربنا سترها 
اسامه:طيب مالك زعلان ليه 
مراد: مش عارف اول ما شوفتها حاسيت بحاجه غريبه وشكلها مألوف جدا...
اسامه: قولي كانت لبسه ايه وشكلها ايه
مراد وهو  بيبص   لاسامه بنظره مميته
أسامه:مش قصدي حاجه والله بس انتي شكلك عمال تفكر فيها كتير بس كنت عاوز اعرف فضول
مراد:كانت لابسه فستان رمادي  وفي خطوط زهري وخمار غامق وكوتشي ابيض 
اسامه: بس كفايه وفين غض البصر يامراد 
مراد: انا غضيت بصري والله وبعدين انا مش لمستها اصلا بنات اللي شالوها وطلعوها العربيه ودكتوره اللي كشفت عليها 
اسامه وهو بيبصله بنظرة خبث:اي الاهتمام ده كله 
مراد:اساااااامه يلا يابابا علي شغلك الموضوع خلص علي خير 
اسامه:انا غلطان اني جيت جري  وسيبت اللي في ايدي عشانك قولت حد مات ولا حاجه
مراد:شكرا يااخوياا يلا نطلع من المستشفي  مش هنفتح حوار صحفي هنا 
اسامه:يلا  
خرجوا مراد واسامه من المستشفي وراح كل حي لحاله (اللي هو الشغل يعني🌚🌚)
ليلي وصلت البيت ولقت صاحبتها عِطر مستنياها 
عطر:ليلي كنتي فين قلقتيني عليكي
ليلي وهي بتعرج عرجه بسيطه:كنت راحه اشتري شوية حاجات ياعطر وسمعت الخبر في التلفون
عطر:البقاءلله وحده  انا اول ما عرفت جيتلك
ليلي: لا اله الا الله
وانهارت ليلي في العياط في حضن اعز اصدقائها عطر وصديقة الطفوله  ورفيقة الصِبا وبكت عطر معاها
عطر:لازم تبقي قويه ربنا قال في کْتٌآبًهّ آلَکْريَمً "وٌآلَذِيَنِ آذِآ آصّآبًتٌهّمً مًصّيَبًهّ قُآلَوٌآ آنِآ لَلَهّ وٌآنِ لَيَهّ رآجّعٌوٌنِ" وانتي ربنا جنبك احسن من الكل وكمان اخوكِ معاكِ وانا كمان مش هتخلي عنك ابدا و دلوقتي مش يجوز عليهم غير الرحمه والمغفره ادعلهم ربنا يرحمهم "کْلَ نِفُسِِ ذِآئقُةّآلَمًوٌتٌ"
ليلي:ونعم بالله ربنا يرحمهم يارب وبكت
عطر: معلشي  ياحببتي ربنا يصبرك 
قاموا إاكرام الميت وهو دفنه وجت ناس للتعزيه 
تلفون احمد بيرن احمد:الو
مراد:البقاءلله انا لسه عارف مش قولتلي ليه
احمد:والدوام لله معلش والله كنت متلخبط ونسيت 
مراد:ولا يهمك ياصاحبي عامل اي... انا جايلك انتم دفنتوها؟
احمد:الحمدلله بخير... اه
مراد:مش تزعل يا احمد "کْلَ نِفُسِ ذِآئقُةّ آلَمًوٌتٌ" 
احمد:ونعم بالله 
مراد: هتعوز  حاجه
احمد: سلامتك مع السلامه
مراد:مع السلامه... انا ف الطريق
دخل احمد علي ليلي الغرفه ولاقاها مُنهاره
احمد حضنها و: ربنا يرحمها ويغفر ليها ويرحم بابا متخافيش انا معاكي علي طول وكمان احنا معانا ربنا نخاف من اي
ليلي بصوت مبحوح يكاد يخرج من كتر الشهقات المتتاليه :انا مش خايفه من حاجه وعارفه انك جنبي بس ماما هتوحشني اوي وبابا كمان وحشني 
شدد من حضنه و دموعه نزلت وقعد يملس علي  شعرها لحد مهديت ونامت وطلع يستقبل المُعزيين
____
بعد شهرين 
احمد:ليللللي ياليلي قومي بقاا ده كله نوم الساعه2 
ليلي:اسنتي شويه يمكن اصحي 
احمد:ايه ده عسل نايم يولاه وهو يهزها اصحي يلا 
ليلي:عسل وانا بقول الدبان متلم ليه 
احمد وعنيه بتطق شرار:انا دبانه 
ليلي: انا قُلت كدا... مين قال كدا.. دانت سيد الدبان.. احم قصدي سيد المعلمين يا اخويا... سيدهم
احمد :ايوا  اتعدلي كدا..
ليلي : بتصحيني بقا  ليه ياخوياا عاوز ايه... تاخد فلوس