حفيدات عائشه 💙

نوفيلا بقلمي_ deda _ al farawla

الجزء الأول: أنا هُنا معك↗️
سراج: بحبك
آيه: وأنا كمان بموت فيک
سراج: أحببتُكِ حُبًا لو وزع علي الناس جميعًا لملئ الأرض… وفاض حتي وصل للُب الأرض…
آيه: إيه الرومانسيه دي كلها يا عم لأ كدا كتير الصراحه قلبي الصغير لا يتحمل ت المزيد
سراج لسه هيغلس عليها قام سمع رزع عالباب وزعيق باااابعااااااااا ماماااااعااااعاااا
سراج: خير اللهم اجعله خير
آيه: مش تتفزع كدا دول عبد الرحمن و محمد اتخانقوا تلاقي عبده ضرب محمد ولا حاجه
سراج يادوبك فتح الباب لقي اللي فوشه هوب كان هيتقليب عالارض
محمد ببكاء: ماما عبده ضربني
عبد الرحمن بغيظ: عشان أنت قليل الأدب
سراج بضحك: أعوذ بالله من الشيطان الرجيم انتِ مخاويه و لا إيه
آيه بضحك: لا مخاويه ولا حاجه قلب الأم بقا
محمد ببكاء: مااااااااااماااااااعااااااااعااااااا
آيه: خرمت ودني يا بني آدم أنت َ
محمد قعد يعيط وعبد الرحمن بيبص بيرود له
سراج: احم احم في إيه يا ولاد
عبد الرحمن: بابا لو سمحت قول للبني آدم ده مش له دعوه بيا أنا زهقت منه ومن قرفه بيقعد يبوظلي حاجاتي كدا كتير دا قطع الاجنده بتاعتي اللي بكتب فيها الحكم والمواعظ الي بتعلمها فحياتي
سراج بهدوء: ليه كدا يا محمد؟
محمد ببكاء: بابا عبده مش بيقعد معايا طول الوقت يا ماسك كتاب يا بيكتب فالاجنده دي أنا عايزه يقعد معايا هو  مش احنا اخوات يا بابا حضرتك وعمو آسر وعمو جاسر وعمتو نور بتقعدوا مع بعض دايمًا وماما وخالتو نسمه وخالتو اسماء مش بيسيبوا بعض وخالو حسن علي طول بيكلم ماما ويطمن عليها هو وخالو زين كمان أنا مش ليا دعوه اشمعني يعني عبده مش بيقعد معايا ولا بيهزر معايا
وقعد يعيط جامد
آيه وقفت مزهوله ولما سراج جه يتكلم قام عبد الرحمن معيط وحضن محمد وباسه من راسه وقاله: حقك عليا يا عبده أنا بحبك والله بس مبعرفش أعبر بجد أسف إني مش بقعد معاك بس إن شاء الله نقعد مع بعض علي طول ومش هزعلك تاني
محمد بدأ يمسح دموعه وقال: وأنا أسف إني قطعت الأجندة بس كنت بكرها عشان سرقتك مني
سراج و آيه بصوا لبعض وابتسموا
عبد الرحمن: مش عنت تقطع حاجتي يا محمد وأنا بشهد ربنا ثم ماما وبابا إني هجيب واحده جديده واكتب كل اللي كان فالقديمه بس معاك وإن شاء الله افهمك كل حكمه وموعظه فيها
سراج حضنهم وقال هما دول ولادي اللي أنا أعرفهم
عاااااااعاااااا
سراج: يا ساتر يا رب بيطلعوا امتي دول
آيه بحزن مستنطع: يعن مليش مكان فالحضن
محمد جري عليها وحضنها وعبد الرحمن قالها أنت الخير والبركه وسراج باس راسها وحضنوا بعض وبعدين آيه قالت بمناسبه إن سي عبد الرحمن وسي محمد اتصالحوا هعملهم كب كيك بااشيكولاته
محمد؛ هااااااااااا
عبد الرحمن: تسلمي يا ست الكل
سراج: يلا روحي اعمليها أنا جعت من دلوقتي
آيه راحت عالمطبخ وسراج خد عبد الرحمن ومحمد وراحوا يلعبوا بليستيشن
(هذه أسره سراج عبد الفتاح آمين مرزوق عائله بسيطه مكونه من الأب سراج و آيه الأم وولدين عبد الرحمن ويبلغ من العمر 11سنه و محمد الذي يبلغ 6سنين عائله بسيطه من الطبقه فوق المتوسطه يجمع بينهم الحب والألفه ويعيشون علي حب الله وإتباع أوامره واجتناب نواهيه)
**************
آيه: حبيبي مالك سرحان كدا
سراج: هه ولا حاجه
آيه: سراج انتَ مش عاجبني  بقالك فتره، سراج أنا آيه حبيبتك اللي مبتخبيش عنها حاجه عمرك ما خبيت عني حاجه دايمًا تيجي وتشكيلي ، سراج أنا هنا عشانك عشان اسمع همومك واخفف عنك أنا هنا جمبك
سراج وعنيه ملاينه دموع وهو ماسكها من دراعها: آيه أنت أغلي حد فحياتي وعارفه قد إيه بجبك وعارفه معزتك عندي وغلاوتك عندي بس أنا عندي مشكله كبيره قوي
آيه وهي بتحاول تضبط أعصابها: خير يا حبيبي
سراج: أنا خسرت شغلي والشقه لازم نخليها خلال الشهر دا ومش معايا أي فلوس اجيب شقه سكت وبدأ يلهث
آيه: حبيبي قوم صلي ركعتين قضاء حاجه عما اجهز الأكل
سراج: م…ماشي
بعد ما خلص صلا طلع لقا الغدا جاهز و آيه بتنادي الولاد عشان ياكلوا
قعدوا سوا ودماغ سراج تروح وتيجي هي مش ظهر عليها حاجه ليه … تكونش هتاخد الولاد وتمشي عند اهلها … لأ آيه بتحبني ومستعده تتحمل أي ظروف  … بس مالها مش فاهم حاجة …
خلصوا اكل و سراج طلع البلكونه مش عارف يعمل إيه و آيه غسلت المواعين وعملت عصير و طلعتله البلاكونه
آيه: سراج اتفضل
سراج أخد العصير وبيحاول يعرف بتفكر ازاي
سحبت كرسي وقعدت شردت شويه وبعدين قالت : إنا لله وإنا إليه راجعون اللهم أجرني في مصيبتي واخلفني خيرا منها وبعدين بصت له وقالت له : سراج حبيبي أنت َ اتجوزتني وعشنا سوا أيام جميله قوي عمرك ما خليت فنفسي حاجه أنت َ كنت الأب والأخ قبل ما تكون زوجي وحبيبي كنت لما تيجي مدايق من شغلك أو في مشكله معاك كنت بحسك إبني لما تيجي تقعد عالكنبه وتنام علي رجلي وتغمض عيناك وتحكيلي عاللي ضايقك كنت معاك دايما عالحلوه وعالمره سكتت شويه وبعدين كلمت: مش هاجي بقا دلوقتي واسيبك إيه يعني خسرت شغلك يا بشمهندس إيه يعني لازم نسيب الشقه تدور علي شغل جديد وناخد شقه علي قدنا بالايجار ونعيش سوا القليل بيكفي وبيفيض لو فيه بركه سراج يا حبيبي الواحد لما بيموت بيسيب ماله كله وبيُسأل عليه كله سراج عملك لن يقوم بيه غيرُك ورزقك محدش هايخده اللي ربنا كتابه هو اللي تستاهله دور عالاخره مش عالدنيا عايزين قصر مش شقه قصر فالجنه سراج مش تشيل هم الدنيا علي كتفك … ويكون فعلمك إني هشتغل عشان نلحق ننقل من هنا بسرعه ومش هقبل نقاش وخلي فعلمك ولادك رجاله وهيستحملوا أي حاجه
آيه: ها لوقيت شغل
سراج: أنا مش عارف أقولك إيه
آيه بحب؛ تقول إيه بس يا سراج ما انتَ ياما فرحتني ووقفت جمبي دوري أقف جمبك
سراج: ربنا يخليكي ليا
آيه: ويخليك ليا
***************
سراج بحزن: لأ
آيه: أنا لقيتلك شغل
سراج: إيه؟
آيه: صاحب زين عندو شركه صغيره كدا وكانوا طالبين فيها مهندس صحيح مرتبها مش عالي زي اللي أنتَ شغال فيها بس مش مشكله و نسمه قالت ليا إنها هتهتم بموضوع الشقه بس طلبت من نور تساعدني كمان عشان نضمن شقه كويسه بأسرع وقت
سراج: ربنا يخليكي ليا
آيه: ويخليك ليا يا رب، يلا معدتش فاضل عالعصر غير عشر دقايق قوم اتوضي وخد عبده ومحمد عالمسجد
سراج: ماشي
سراج اتوضي هو ومحمد وعبد الرحمن وراحوا المسجد و آيه فعدت تفكر
" يا تري الزمن مخبلنا إيه تاني لازم ألاقي شغل بأسرع وقت ممكن حسن أسماء جابتلي شغل هشتغل فشركه وهكون السكرتيره بس سراج مستحيل يوافق بس لازم شغل أنا ممكن استفاد من لغاتي أنا الحمد لله بعرف أتكلم انجليش فرنساوي و إيطالي ممكن ألاقي شغل فالترجمه كانت صحبتي نرمين جابتلي شغل قبل كدا بس سراج مرضيش وقال إنه متكفل بكل حاجه بس دلوقتي الوضع أتغير لازم أكلم نرمين مفيش غيرها دلوقتي" قطع حبل أفكارها آذان العصر قامت صلت ودعت ربها كتير وقعدت تعيط وهي ساجده وتقول يارب مليش غيرك يا رب هونها علي زوجي يا رب وارزقه الحلال يا رب وخلصت صلا ومسكت مصحفها وقرأت جزء من وردها
******************* ************* ******************
ألو مين؟
آيه: إزيك يا نرمين عامله إيه أنا آيه نستيني ولا إيه
نرمين: إزيك يا آيه وحشاني مووووووووووت معلش اصلي عملت سوفت وير للفون والأرقام كلها اتمسحت وأنتِ مرنتيش عليا خلاص وأنا زحلانه منك (قالتها بنبره طفوليه)
آيه: ما أنتِ لو تعرفي بس ظروفي
نرمين: خير اللهم اجعله خير
آيه: بصي______________________
نرمين: يا ختاي كل دا وأنا معرفش
آيه: أهو اللي حصل بقا
نرمين: وجوزك اترفد ليه طيب
آيه: سراج عارف ربنا قوي اللهم أحفظه يا رب شاف زملاته بيشربوا حشيش مش سكت وعمل هوليله وقال دا تسيب وزعق للمدير وكدا قاموا قالوا له روح
نرمين: لا حول ولا قوه الا بالله، أقدر أساعدك
آيه بحرج: هو ممكن لو تساعديني ألاقي شغل يعني
نرمين: عسللللللل حظك مالسما يا جميل عندنا فالشركة بتاعتنا عايزين موظفه وعيزنها لغات وأنا واثقه أنه بعون الله هتاخدها يا نصه
آيه: نصه!!😹😹😹
نرمين: اهاا نصه وربع كمان😹
آيه: ماشي يا لماضه
نرمين: بصي بقا البت ليلي شغاله معانا هناك
آيه: اوبا ليلي البت دي وحشاني طحن
نرمين: هتتبسط قوي لما تعرف انك هتبقي معانا
آيه: معانا إيه كونتي شوفتيني اشتغلت لسه
نرمين: أنا مُتفائل
آيه: يا رب
نرمين: يلا سلام أصل حسام لسه جاي من برا هحطله الغدا
آيه: في رعايه الله
نرمين: في أمان الله
*****************
نرمين: السلام عليكم
_ وعليكم السلام ورحمة الله وبركاته
نرمين: أسفه إني ازعجت حضرتك يا أستاذ طارق بس أنا محتاجه خدمه من حضرتك
طارق: اتفضلي يا نرمين أنا تحت أمرك
نرمين: واحده صحبتي محتاجه الشغل اللي حضرتك طالب واحده للعلاقات العامه وهي بتعرف تتكلم تلت لغات
طارق: خلاص ماشي هنعملها انترفيو واللي فيه الخير يقدمه ربنا
نرمين: بجد متشكره قوي يا أستاذ طارق مش عارفه أقول لحضرتك إيه
طارق: شكر إيه وكلام إيه دا انامعملتش حاجه، واعتبري صحبتك اتعينت
نرمين: متشكره قوي، عن إذن حضرتك
طارق: مع السلامه
*********************
آيه: سرااااااااااااااااااااااااااااااااااااااااج
سراج: في إيه ؟!
آيه: أنا لقيت شغل
سراج بحزن: أنا أسف إني اضطريت اخليكي تشتغلي
آيه: بطل شغل الأطفال دا
سراج: بس شغل إيه
آيه: هشتغل فالعلاقات العامه فشركه كبيره
سراج بتفكير: ماشي بس مين صاحبها
آيه: واحد إسمه طارق الدسوقي
سراج: اممم ماشي هشوف كدا
آيه: أخبار شغلك الجديد إيه
سراج: الحمد لله بخير والشغل جميل جدًا ووافقوا يدوني سلفه عشان أقدر أنقل شقه تانيه هو يمكن المرتب مش زي اللي فات بس بردو المبلغ مش شويه أنا الحمد لله بقبض راتب كويس جدا غير إني حاسس براحه وسط زملاتي الجُداد
آيه: ربنا معاك
سراج: الشغل هيستمر مده وبعدين هتقعد
آيه: اللي تشوفه يا حبيبي أنتَ عارفني مش بتاعت شغل
سراج : والله أنتِ أكبر نعمه فحياتي
آيه :ربنا يباركلك
___________________________ ___________________________________
الحياه قد تكون قاسيه … لكن كُل شئٍ يهون … إذ كان لديك شريكٌ يمضي معك ويعينك … يكون بقربك ويهون عليك … أهم شئ هو التوكل علي الله … عش علي طاعه الله ولا تقنط من رحمته…
  هذه هي بطلتنا آيه … الزوجه المخلصه لزوجها … الحياه بدأت تقسو عليهم … لكن هذا ليس كُل شئ … مازال هُناك صعوبات أكبر من ذلك … لكن ماذا سيحدث؟ … سراج و آيه كيف ستمضي الحياه معهما ؟… ماذا يُخبئ لهما القدر …سنعرف ذلك فالحزء القادم إن شاء الله … وأتمني أن يعجبكم هذا الجزء …
#deda🖤🖇️
# حفيدات عائشه🌻