#مُذنبه_ولكن
بارت1
👑 اللهم لا تاخذنا ان نسينا او اخطائنا 👑
لا تجعل العشره السيئه تفسد الاخلاق الحسنه 👍
👆هذه الجمله تلخص كل الحكايه
سأحكي لكم حكايه إمراه في نظر الناس مُذنبه
بنت في ال٢٠من عمرها اتجوزت شاب متعرفش عنه حاجه مخترتش اي حاجه في حياتها .. ملابسها كانت من اختيار اهلها حتي فستان فرحها لم يكن من اختيارها
عاشت حياتها مع الشاب ده وكان في اول جوزهم مهتم بيها وقريب منها . ... اول سنه جواز بس
بعد كده فاقت علي الحقيقه المره انه مش موجود في حياتها بيدي فلوس وبس . طول عمرها محرومه من الحنان والحب لان اهلها كانو مهملين فيها وافتكرت ان جوزها غيرهم ..
في يوم تعبت جدا والدكتور شك انها عندها مشكله صحيه وطلب منها تحليل واشاعات
رجعت بيتها وهي مصدومه وانتظرت زوجها تحكيلو عشان يقويها .
بس كل اللي عمله انه طلع فلوس وقالها تروح عند مامتها لحد اما تخف وترجع تاني. اتصدمت صدمه عمرها.
خدت هدومها زي ما طلب وراحت لمامتها ...بابها كان متجوز زوجه تانيه ويعتبر عايش مع الجديده وسايب مامتها لوحدها ..
هي بتحكي.
اسمها اسيل
أسيل خدت هدومي ورحت لماما وانا بعيط ومنهاره افتكرت انها هتكون الصدر الحنين اللي بيطبطب عليا
ماما : مالك يا اسيل
اسيل : انا عايزه اطلق
ماما : ليه
اسيل : هادي مهمل فيا علي طول مش عاجبه اي حاجه بعملها بيفضل يتريق عليا وبيقل مني . تعبت ونفسيتي تعبت
ماما : بطلي هبل الراجل مش حارمك من حاجه
اسيل بدموع : المشكله مش في الفلوس . انا حاسه اني وحيده . عايشه لوحدي. باكل لوحدي .بخرج لوحدي . حتي ال نوم بنام لوحدي معظم الوقت مش في البيت وبايت بره عمره ما فكر يطمن عليا . هعيش طول عمري كده . ده انا حتي اما تعبت قالي خدي الفلوس وروحي لمامتك
ماما : كتر خيره يا بنتي .
اسيل بصدمه : كتر خيره 😱
ماما : واحده غيرك تحمد ربنا ان جوزها مش بيشقيها ومش مخليها تشتغل وله بيبهدلها في الشوارع . معيشك ست في بيتك وملبسك دهب ومعاكي فلوس .اي اللي ناقصك
اسيل: ناقصني اعيش احس اني اني انسانه عندي مشاعر واحساسيس .
ماما: هتندمي لو اطلقتي منه
اسيل : انا عايزه اندم . انا مش هضيع حياتي مع واحد زي ده. خلاص تعبت يا ناس وجبت اخري. حاولت اتكلم معاه كذا مره بس مفيش فايده. مش بيتغير .
