#مذنبه_ولكن
بارت4
👑 سبحان الله عدد ما كان وعدد ما يكون عدد الحركات وعدد السكون 👑
اسيل راحت لمحامي ترفع قضيه طلاق او خلع علي جوزها لانها خلاص يأست من ابوها انه يساعدها. مش عايزه مؤخر وله اي حاجه منه. حتي ياخد كل حاجه عنده هي عايزه حريتها. بس.
كانت بتنزل تاخد الكورس بتاعها اللي بيخليها تتنفس وتطلع من الكبت اللي هي فيه.
شهاب اوقات كان بينتظرها. اليوم عيد ميلاده
اسيل بعد اما خلصت المحاضره بتاعتها نزلت كان قاعد في العربيه ومنتظرها اول اما شافو بعض ابتسمو
اسيل : عامل ايه
شهاب: الحمد لله وانتي
اسيل: الحمد لله. يلا انزل
شهاب: تعالي اركبي
اسيل : اسمع الكلام . يلا
شهاب نزل من العربيه وقافلها : ها وبعدين
اسيل : هنروح ماك ناكل انا جعانه وعزماك
شهاب: اخيرا الست هانم رضيت عليا
اسيل: متتعودش علي كده.
شهاب: حاضر.
اسيل: هنمشي مش هنركب العربيه. ماك قريب
شهاب: طيب هاتي الاسكتش
اسيل : لا .. يلا بقي.
راحو هما الاتنين . اسيل : بتحب المشطشط
شهاب: طبعا. وانتي
اسيل : اه
شهاب: اقعدي وانا هطلب
اسيل: لا انا اللي هطلب وعزماك .
شهاب: بس يا ماما . اقعدي
اسيل : اشش . اسكت
شهاب: بت اسكتي . معنديش انا الكلام ده . اقعدي
قعدت اسيل وهو طلب الاوردر وقعد
اسيل طلعت هديه من الشنطه : كل سنه وانت طيب
شهاب ابتسملها : وانتي طيبه . افتكرتك نسيتي
اسيل: لا . مش نسيت .
فتحها وكانت جايبله ساعه شيك اوي وماركه
شهاب: زوقك حلو اوي .. لبسهالي
اسيل: تؤ. البسها انت .
قلع ساعته ولبسها: مش هقلعها تاني
اسيل : هههههه .
شهاب: شكرا
اسيل : العفو.
فتحت الاسكتش علي صورته وهو اول اما شافها ضحك بفرحه وبص لصورته كتير وليها.
اسيل : ها . عجبتك
شهاب:جميله جدا جدا . تسلم ايدك. انتي بجد موهبه
اسيل : ميرسي
شهاب: رسمتيني ازاي .
اسيل : بالقلم
شهاب ضحك: بجد
اسيل: انت بتسال اساله غريبه
شهاب: مش قصدي يا ناصحه . قصدي منين من خيالك وله معاكي صورتي
اسيل : ها
شهاب: ها انتي
اسيل: من الاكونت بتاعك والواتساب عليه صورتك
شهاب: امممم . انا كمان عايز يبق معايا صورتك عشان اشوفك دايما
