#مذنبه_ولكن
بارت2
👑سبحان الله وبحمده ... سبحان الله العظيم 👑
اسيل بعتت طلب صداقه لشهاب و فضلت طول الوقت ماسكه الموبيل وبتتفرج علي صوره وعلي وشها ابتسامه
قلبها بيدق ومتوتره زي اللي منتظره نتيجه الثانويه العامه
بعد ساعه .وافق علي الطلب . فضلت تبوس في الموبيل وهي بتضحك زي المجانين .. وفجاه اتصدمت
تنحت في الموبيل اول اما بعتلها رساله بيسالها مين
اسيل : اقوله انا مين وله لا. اصلا اكيد مش فاكر انا مين.
بعت شهاب رساله تاني عليها علامه استفهام
اسيل لازم ترد بس زي التلميذ اللي في لجنه الامتحان وفي سؤال خايف منه او مش عارف يجاوب ازاي. استجمعت شجاعتها وردت عليه
اسيل : اسمي اسيل
شهاب : عاشت الاسامي.
ضحكت .. شهاب: انتي تعرفيني
( اسيل مش حاطه صورها علي الفيس بوك )
اسيل : ممكن اأجل رد علي السؤال ده بعدين
شهاب: معني اجابتك انك تعرفيني . طيب انا اعرفك
اسيل: برضو مش هجاوب
شهاب: بتحيرني يعني
اسيل: يعني .
شهاب: اوك . هقفل انا عندي شغل
اسيل: ربنا معاك.
(شهاب بيشتغل مهندس طيران واسيل عرفت عن طريق معلوماته اللي علي الاكونت بتاعه )/
.........
بعد اما خلص شهاب كلامه مع اسيل كانت اسيل حاسه انها مش ماشيه علي الارض من كتر الفرحه. بتتفرج علي الصور بتاعته وهي بتضحك.
اليوم ده مفتحش النت. هي كانت مراقبه الاكونت بتاعه نفسها يكلمها ...
تاني يوم راحت الكورس بتاعها هو يومين في الاسبوع
السبت والتلات ....
رجعت البيت كان شهاب فاتح النت ضحكت وبعتتله رساله
اسيل : عامل ايه
بعد وقت ... شهاب: الحمد لله اسيل
اسيل : دايما في حمد .
شهاب : مش ناويه تقولي تعرفيني منين
اسيل : مش ناويه. انت مضايق اني بكلمك
شهاب: بصراحه شكله مقلب من واحد صاحبي
اسيل ضحكت اوي،: هههههههههه ..لا والله انا بنت
شهاب: اثبيتيلي
اسيل: ازاي
شهاب: ابعتي صورتك
اسيل،: لا طبعا
شهاب : لا ليه
اسيل : عشان لسه مش واثقه فيك .
شهاب: طيب اسمع صوتك.
