#مذنبه ولكن
بارت 10
👑اللهم ارزقنا راحه البال والعافيه والرضا👑
اسيل : شهاب تعال اقعد في الشقه
شهاب: هههههه .موافق
اسيل: انا هروح اقعد عند خالتو سعاد
شهاب: ليه بس ما نقعد مع بعض
اسيل: لطيف اوي .
شهاب : انتي لسه شفتي حاجه
اسيل: بطل هزار ونتكلم بجد تعال اقعد وانا هروح اقعد مع خالتو . مش هينفع تفضل قاعد في فندق
شهاب بهزار: نقعد مت بعض يا اما بلاش
اسيل: بتكلم جد. هقولك علي حاجه قاعد في الشقه و ظبطها عشان اما نتجوز نسكن فيها بدل ما ندور علي شقه جديده
شهاب: هجبلك شقه جديده مش هينفع اقعد هناك
اسيل: ليه بقي
شهاب: مش هينفع الراجل هو اللي بيجيب البيت مش العكس
اسيل: انا وانت واحد وحرام الشقه تتقفل هنجددها وبفلوس اللي هتدفعها للشقه الجديده. نروح نعمل شهر عسل .
شهاب: ده مش هيبق عسل ده هيبق مربي وقشطه وكل الحاجات الحلوه
اسيل ضحكت : ان شاء الله . وافق بقي عشان خطري .
شهاب سكت
اسيل: كلم مامتك كمان . اطمن عليها علشان حرام اكيد هي قلقانه عليك
شهاب: حاضر
اسيل : حضرلك الخير . روح هات الشنطه وتعال اقعد في الشقه
شهاب: انتي مصممه ليه ..انا مرتاح كده
اسيل: هترتاح اكتر في الشقه وقت اما تكون في الشغل هاجي انضفها واغسل هدومك واعملك الغدا
شهاب: لا متتعبيش نفسك . انا كده كويس
اسيل: اما ترجع بقي من الشغل هتشوف حد يجي يدهنها ونغير اوضتي ونجيب اوضه نوم جديده
شهاب : مش عايز حد يتكلم
اسيل: محدش هيتكلم ولو علي بابا فانا اصلا مش فارقه معاه. فاضل شهر ونص ونكتب الكتاب. نلحق نشوف محتاجين ايه ونعمله
شهاب: حاضر يا اسيل. اي طلبات تاني
اسيل : شكرا
شهاب راح الفندق وخد شنطه وبعدها رجع هو واسيل علي الشقه وهي خدت هدومها ووصلها لخالتها.
كان كل اما يكلم مامته تقفل الموبيل في وشه وتشتمه عشان لسه مصر علي الحوز من اسيل ..
بتعدي الايام وشهاب واسيل مشغولين بتجديد الشقه وشهاب جدد كل حاجه في الشقه. وهي اشترت لبس ليها جديد وحاجتها الشخصيه والمفروشات للشقه .
..............
قبل الفرح باسبوع شهاب اتفق مع ابو اسيل مدحت علي مكان كتب الكتاب ..
راح لمامته .. شهاب باس ايديها وراسها ورجلها وهي بصله وساكته
