روايه العيله النازكه💛🔥.

روايه العيله النازكه 9💞

روايه عيله نازكهه ❤️🥺
حلقه تاسعه
🔥روايات كاتبات الاوجلياات
ghada ali
soso alojly
نبدو بسم الله
..........
يمني : شكرا سفيان غيرتي جوووي
سفيان: عفوا ولوو
يمني : نزلت من سياره وصبت علي باب وسفيان في سياره : هيا انا بنرقااا نتلاقوا
سفيان : تماام
يمني: بااي
سفيان : شير بيده بمعني بااي
وطلع بسيارته
__________________
......
عند رزان
طبعا مجتش صحبتها تعلمها ببجي فاتعلمتها من نت ويوتيوب 🙂🤦🏻‍♀️
نزلت لوطاا بدور معتز
لقيته في سيارته ومعاه صاحبه وطبعاا معتز سيارته ورواشن وسيااره مضلمه
لقت سفيان
رزان: سفيان شفت معتز
سفيان: شفته في سياره مبدري شوياا
رزان : تمام
مشت جيهه سياره
وفتحت الباب لقت معتز ومعاه صاحبه
تزلطت ومشاا وجي احمر سكرت الباب ومشيت نجري وانا قريب نموت كنت طالعه بدون وشااح 🙃🤷🏻‍♀️
لحقني معتز
معتز بصوت عالي و كرني من يدي : تي كيف تجي للسياره وتعرفي معايا صاحبي
رزان : يدي معتز توجع فيا
معتز : تي صاحبي شافك بدون وشااح وطالعه بلبسه قصيره هكي
روان بتبكي: والله ماشفته ماهو قزازك مضلم كله
معتز طلقهاا وعدي وهو متعصبب وقريب ينكلب كيف صاحبه يشوفهاا
رقت فوق وهي دموعها في عيونهاا
___________________
.
عند فرج
مرام خطيبته: ليش باهي هكي بدون سبب
فرج : خلاص مرام
مرام : باهي تمام اصلا في واحد جاي يبيني احسن منك
فرج: باهي منور وربي يهنيك هيا بااي وسكراا
وطبعا العيله كلها سمعت انه فرج فسخ
____________________
......
عند رزان
طلعت ورا حوش ركبت علي درجاحه ومركبه سماعات وتسمع في اغاني
جاء معتز قدامهاا
رزان حولت سماعات: نعم بتهزب اخر
معتز : رزان مهماا كان راه طالعه قدام صاحبي بدون وشاح وشاب هضا مش تمام ومن بدايه منبيش يخش حوش بكل عشان هكي كناا في سياره افهمي عليا
رزان : باهي منحسباش في سياره وخلاص مليت انا من تهزيب وعرايكك ديماا
معتز : خلاص اسف يا همي
رزان : باهي خلاص سماحتك
معتز : باهي شن تبي فياا جيتيني مبدري
رزان : تعلمت ببجي
معتز: تكذبي
رزان : والله هيا نجربوا نلعبو طرح
معتز : صبر هيا افتحي
رزان : نت حوشنا مش واصل لعند هنا
معتز : افتحي شفره
رزان : معنديش رصيد
معتز : زمرر كم رقمك ندزلك
رزان : 092..........
رزان : تمام وصل
معتز : هيا العبي
وبديناا نلعبوا 🤷🏻‍♀️🤷🏻‍♀️
معتز : باهي يصير منك
رزان : تي ليا فوق ١٠ ايام نتعلم فيهاا
معتز : كويسس
رزان : بنسألك
معتز : شني
رزان : كنه فرج فسخ
معتز : تي باهي فسخ لا تعرفيها بنت ولا تعرفيها زيت زيتون بارده ومزيته لا سماحه ولا دم خفيف زيتتت
رزان : هههههه مدام ميبهاش ليش خطبها
معتز : والله منعرف
رزان : باهي نعست انا بنرقاا
معتز: تمام تصبحي على خير
رزان : قدامك الخير
____________________
.
.
عند رؤي
رؤي : تعرفي خاطري نسأل فرج ليش فسخ
رغد : مشعارف امشي اسأليه
رؤي : وين بنشوفه عشان نحكي معاه
رغد : عدي بلكي تلقيه في جنان
رؤي : توا نطلع نشوف فضول بيقتلني
رغد :اطلعي
____________________
...
طلعت رغد برمت في جنان كله لقت فرج في سياره
فتحت باب وركبت
رؤي : طالع
فرج : لا توا كيف روحت
رؤي : امم
فرج : في حاجه
رؤي: لا بس كسااد وبرمت ملقيتش حد
فرج : اها غريبه شباب مطلعوش
رؤي : اي غريبه ... بنسألك
فرج: شني
رؤي : ليش فسخت خطبه
فرج : والله متريحت معاها مندري كيف وبصراحه نحب بنت تانيه
رؤي : اها من هيا
فرج : بعدين نقولك.
رؤي : تمام بنمشي انا
فرج : تمام تصبحي على خير
رؤي : قدامك خير ونزلت
______________________
.....
عند معتز: كانت مشاعره نحو رزان كيف ماهناا ومتغيرنش ومزال يحبهاا بس قرر ميفتحش معاها موضوع ولا يغصبها انه تحبه
__________________
..
عند رزان: كانت تبي تحكي وتخبر معتز انه تحبه بس مش عارفه كيف
__________________
...
عند رؤي : يلي كانت تحب فرج من هيا وصغيره بس حاولت تعفس علي قلبها بعد سمعت انه خاطب وكيف فرحتت لما عرفت انه فسخ بس ردت خدت صدمه تانيه انه يحب بنت تانيه
___________________
....
وعند رغد
يلي لتوا محد فهم قصتها ومش حتفهموها توا مزال 🙂
__________________
...
يمني كانت في جنان مقعزه علي نفوره وتتأمل 🙂🤷🏻‍♀️
سفيان : يمني
يمني : نعم
سفيان : تلفونكك نسيته في سياره
يمني : اها شكرا
سفيان : شن ديري هنا بروحك
يمني: شي كسااد
سفيان : باهي اركبي وقت متأخر راه ساعه 12
يمني : باهي شويا ونركب
سفيان : لالا توا اركبي قدامي
يمني : باهي
وركبتت فووق
__________________
.
.
بعد مرور اسبوعين
كلهم يوتواا للعيد ويطلعوا للمحلات يشرو في دبش ووووو
معتز : وين ماشيه
رزان: محلات
معتز : مع من
رزان : انا و رؤي واروي ورغد ويمني مع سفيان
معتز : بتسدلكم سياره كلكن
رزان : تسد .. وعدت
معتز : سفيان
سفيان جاء : شني
معتز : هذينا كلهن بتشيلهن
سفيان : ايواه
معتز : مش حتسد سياره خلي وحده منهن تجي وركب معايا مكسد مكسد انا
سفيان : باهي قولي دزلي رزان عليش لف ودوران
معتز :خزي يا مسخ امشي اقلب
سفيان : مشاا ويضحك
سفيان: اسمعن وحده منكن تركب مع معتز
يمني: توا نمشي معاه انا
سفيان : لالا اركبي توا تمشي رزان
رزان : والله عليش انا
سفيان :تي هيا امشي محلات بيسكرن
رزان: اففف ومشت ركبت سياره معتز
وركب معتز
معتز : كنك رقيلكك
رزان: شي
معتز : اممم
ومشوااا للمحلات وطبعا في سياره سكوت مفيش الا صوت الاغاني
نزلوا بنات ونزل معاهم سفيان
يمني : سمحه بنات هذي صح برمت وراه ملقتش حد كل وحده تبرم بروحهاا بس كان جنبها سفيان
سفيان: نعطيك رايي انا سمحه بس قصيره للعيد ولا
يمني : مشعارف ..... باهي شوف هذي سمحه
سفيان: اي هذي سمحه
.
.
.
بعد وقت برموا في محلات وكملوا وركبوا سيارت
رزان : معتز
معتز : شني
رزان : بنقولك حاجه
معتز : شني.
رزان: بعد ننزل نقولك
معتز: عليش
رزان : خلاص بعد ننزل نقولك
معتز : تمام
________________
.
.
وصلوا للحوش
معتز : شني قولي
رزان :
_______________
.
انتهت حلقه رايكممم ❤️
كاتبات الاوجلياات
ghada ali
soso alojly