روايه العيله النازكه💛🔥.

روايه العيله نازكه 14💚☻

روايه عيله نازكهه ❤️🔥
حلقه رابعه عشر
🔥كاتبات الاوجلياات 🔥
ghada ali
soso alojly
نبدو بسم الله
________________
..
رزان : عطيني تلفوني
معتز : قولي حتا سلام عليكم
رزان : عطيني تلفوني
معتز مسكها من يدها وقعمزها علي كرسي: اعصابك
رزان : معتز راه رقيتلي عطيني تلفوني
معتز : شني باسورد تلفونك
رزان : والهي
معتز : والله مانك راكبه لين تفتحيه
رزان: اففف جيب
معتز : كم باسورد
رزان : اكتب معتز بالانكليزي يا همي
معتز: نجيها يلي حاطه اسمي
معتز : فتح تلفون وخش علي كاميرا ..... قربي هنا
رزان : تحكي جد بتصور معايا
معتز : كرهاا من يدها وصور معاها وحطها خلفيه
رزان : تبحت فيه
معتز : عطالها تلفونها: هيا اركبي وقت
رزان : باهي تصبح علي خير
معتز : قدامك الخير
ركبت رزان وخش معتز لحوشهم
______________________
...
مالك : ولهي يا رغد اسف واخر مره مش حنخونك مره تانيه انا نحبك وندمت علي كل شي
رغد: باهي خلاص موافقه انا
مالك: تمااام نحبك .
رغد : حتناا
وتمواا يهدرزا
زعما مالك صح ميخونش رغد مره تانيه ولا يرد يعاود كيف ما دار مره الاوله؟؟
______________________
..
سفيان : يمني يمني
يمني تلفتت لسفيان : نعم
سفيان : تعالي اركبي سياره نبيك شويا
يمني : ركبت سياره
وركب سفيان
سفيان : بنقولك موضوع
يمني : شني
سفيان : اسمعي يمني انا نحبك
يمني : بحتت فيه بصدمه .
سفيان : كنك .
يمني : اءء شي
سفيان : باهي قتلك نحبك
يمني : اءء باهي اسمع بعدين نكلمك ونقولك وفتحت باب سياره ونزلت تجري
سفيان : هبله
___________________
..
رؤي تكلم في فرج بتلفون
رؤي : اسمع فرج
فرج : عيون فرج
رؤي : حوش مزال تبي صح
فرج : شويه مش واجد تبي زواق واتات بس
رؤي : اها.
فرج : عليش
رؤي : نسأل
فرج : باهي تنزلي برا في جنان
رؤي : لا راسي نحس روحي بنمرض معنديش نيه ننزل
فرج ؛ لابأس شن تحسي
رؤي : بطني بس
فرج : من شني
رؤي : شي خلاص
فرج : باهي قولي جايتك حشم جدي
رؤي : بلا سخافه فرج
فرج: مقلت شي انا
رؤي : هضا كله مقلت شي
فرج : اها مقلت شي
رؤي : باهي اسمع
فرج : شني
رؤي : بنرقد
فرج : ارقدي وخلي خط مفتوح
رؤي : شن تستفاد
فرج : مش شورك ارقدي
رؤي : باهي تصبح علي خير
فرج : قدامك الخير
_____________________
...
ابتهال : ماما
ام ابتهال : نعم
ابتهال : عادل كلمني قالي بكرا بيجيب دبله وبحدد فرح بعد اسبوع
ام ابتهال : تبصري شني بعد اسبوع امتاا بنلحق نوتي دبشي ودبشك
ابتهال : ماهو بيدير فرح وبيمشي لي تركيا عنده شغل غادي
ام ابتهال : يارب كيف بنلحق وانتي اطلعي اشري دبشك
ابتهال: بكرا في صبح توا نطلع ونشيل معيا رزان ورغد
ام ابتهال: وانا توا نبرم علي حوش ونضفها ونحجز موالح وحلويات
ابتهال: باهي تمام بنمشي نرقد عشان نوض بدري
ام ابتهال: باهي قلتيها لباتك
ابتهال :لا قوليها له
ام ابتهال: باهي هيا تصبحي على خير
ابتهال: قدامك الخير
_____________________
...
صباح يوم جديد ساعه 11
ابتهال ترن علي رزان
رزان : نعم شن تبي سكنان علي صبح زح راقده
ابتهال : صبي يا حيوانه فرحي بعد اسبوع بنمشي نشري دبش تعالي معيا
رزان : اسمعي ابتهال راه بنرقد وبلا سماطه ومقالب معتز
ابتهال: والله الله بعد اسبوع
رزان : تي شني انتي بعد سبوع فرحك بعد سبوع
ابتهال: تي ايواه زح هيا سقدي البسي
رزان : باهي باهي
وسكرت
رزان : عيله بتجيبلي جلطه فرحها بعد اسبوع 🤦🏻‍♀️
طلع رزان للحمام توضت وصلت وطلعت للمطبخ
ام رزان : غريبه نايضه بدري
رزان : بنمشي مع ابتهال محلات محددين فرحها بعد اسبوع
ام رزان : بعد اسبوع
رزان : ايواه
ام رزان: غريبة
رزان : انا بنطلع نلبس توا نجي
ام رزان: باهي
____________________
....
رغد: تي والله ما ني نايضه
ابتهال: يا كلبه نوضي امشي معايا
رغد : اسمعي انا ذوقي مش سمح وميصيرش مني في سوق
يمني ذوقها سمح ويهبل شيلها هيا
ابتهال: باهي يا كلبه
______________________
...
ابتهال : صباح خير يمني
يمني : صباح نور
ابتهال: اسمعي البسي وتعالي عندي نبيك تمشي معايا محلات
يمني : شن تبي في محلات
ابتهال: بعدين نقولك
يمني :باهي تمام
سكرت
__________________
..
ركبت رزان ويمني وابتهال في سياره شايلهن معتصم يمني
يمني : باهي شن تبي في محلات
ابتهال ؛ حددو فرحي بعد اسبوع
يمني بصدمه: تكذبي بعد اسبوع
معصتم؛ تبصري شني بعد اسبوع
ابتهال: يرا كنكم زحح ويلي نقوله ينصدم
رزان : كنكم مستعجلين
ابتهال: ماهو عنده شغل في تركيا عشان هكي بيدير فرح علي طول
رزان : العب علي صقع تركيا
أبتهال : ايواه نبدا نتجكتر عليك 😂
رزان: ديريلي جوو شنطتي من تركيا ومناكيري من محل هذا ماركه ديري جو سالمه عيد
ابتهال: هههه حيوانه وربي كان تسمعك
رزان : فوتيها يارده تحساب روحها غير وفاء كيلاني تقعمزي حداها تبدا فيك اسئله اسئله
كلهم : 😂
_____________________
...
نزلن ابتهال ويمني ورزان برمن في محلات لعند ساعه 5
رزان : طبخ سعدك كرعيااا خلاص بنمووت
يمني : حتنااا خلاص
أبتهال: تحملن توا بكرا بس خلاص خديت حاجات مهمه مزال حاجات بسيطه
يمني : باهي كويس
ركبنا في سياره وروحنااا
_____________________
...
خشت رزان للحوش غيرت دبشها وطلعت بتشرب ميه
ام رزان : رزان كنسي معاك الحوش
رزان : نكنس روحي حوش شني ماما تعبانه ينخش نرقد
ام رزان : باهي خشي ارقدي
دق باب
ام رزان : افتحي باب باهي
رزان فتحت باب: ابتهال
ابتهال: بنجي نتمرقد هنا في حوش خلاتي وبنات مقيماتها
رزان : خشي خشي حتنا بنرقد
ام رزان: مبروك تحديده ابتهال
أبتهال: الله يبارك فيك
ام رزان : ارقدن انا بنمشي لامك
رزان أبتهال : تمام
خشت ابتهال ورزان رقدن طوول
_____________________
......
بعد مرور اسبوع اليوم يبدا فرح ابتهال واليوم كانت بتلبس بودري وبدير جو توعيد عزوبيه
.
.
كانت ابتهال مقعمزه علي كرسي وطبعا كنااا في جنان ولابسه بودري ومحنيه
رزان : رغد جيبي دربوكه وطبل وتعالي
رغد: باهي
التمن بنات كلهن وقعمزن يديرن في فرح

رزان : يامولاي علي آكتبها

دبلة ولد عمي صاحبهاا🔥💃🏻
بنات : حيييي العبييي

رغد : صــوب غــلانـا يــانــشـاده😌♥
نــحـن رعـيانـه اسـيـاده
بنات : حي حي

سمر بنت خالت أبتهال : يا موش لها يلي قالوا
موش لها خذاته وتما راجلها😂👏
بنات : خداته وتما رجاله خداته وتما رجاله حي حي حي 👏🏻👏🏻

يمني : لا عيــب ولاسيــئهه درنــا
مععــروفين بهــيبةة ههلــناا😌
بنات : العبييييي 👏🏻

اروي: ودك غير اتعيط عيطه
اينوض قديم انتله بحيطه👏💃😹
بنات : العبييي 😂👏🏻

رؤي: اللحيه امرتبها ترتيب 🤤 امخلي حال العين عطيب

رزان : يامـولاي نكـون حـلالـه
يرقـد ونفتـش نـقالـهه 😂😂
بنات : حي حي 😂👏🏻

يمني : سلم روحي مانشكرهااا
في الكوجينه يبان خبرهااا 😂
بنات : العبيييي 👏🏻😂
ودرن فرح بنات لعند ساعه 12 وخشن ابتهال لدارها ورقن بنات كلهن يغرن في دبشهم بيش يبنزلن يياتن لوطاا
___________________
...
نزلت رزان لوطاا لقت قدامها
معتز:
رزان :
كملت الحلقه
✨روايات الكاتبات الاوجليات✨
🔥Ghada ali alojliy
Soso alojliy 🔥
يتبعع..