أنا كنت عايزة اقول حاجة بس انا لما كتبت الرواية ونشرتها علي واتباد مكنش في ناس كتيير بتقرأ فكان لازم اعملها دعوة وفعلا عملتلها دعوة علي الفيسبوك ونزلت لينك الرواية بالغلاف وأظن أنكم عارفين لأن معظمكم قرأتوا الرواية من الدعاية اللي كنت عملتها علي فيس بوك وانا كنت نشرتها تقريبا في كل الجروبات اللي بتخص الروايات مش الرواية لا الدعاية بتعتها ومعظمكم قرأ الرواية من خلال الدعوة وبقيتوا بتابعوها هنا علي واتباد وشكرا ليكم واتمني تكون عجبتكم .
النهاردة انا كنت عاملة دعوة علي جروب يخص الروايات فاتفجئت بواحد بيقول لي انتي كذابة انتي سارقة الرواية وانا بقي حبيت أرد عليه طيب تمام حضرتك بتقول ان انا اللي سرقتها تمام حضرتك تقدر تجيب لي بقي اللي كاتبها قصدي اللي بيقول انه كاتبها ويقول لي حلقة واحدة بس حلقة واحدة بس من الرواية انا منزلة سبع حلقات لو قدر يجيب الحلقة الثامنة ويثبت للناس اللي هو اللي كاتبها انا هعتزل وبعدين هو واخد الغلاف اللي عليه اسمي اصلا 😂 حضرتك بتقول اني سرقتها أظن حضرتك ما شوفتش الأسم يعني اللي سرقها واخد غلاف اللي عليه اسمي طب كان يغيره او يشيل الأسم بس الحمد لله لأن الصورة دي تركيب وبشكر اللي صممها شكرا ليكي أحب اوجه كلمة بس للناس اللي بتسرق الروايات انتوا مش بتفكروا قد ايه احنا بنتعب بنفكر وبنراجع علشان تطلع حلوة بالمنظر ده وانتوا بتيجوا تخدوها علي الجاهز من غير تعب ولا مجهود أحب اقول لكم إن الناس اللي بتسرق الروايات أو القصائد والشعر أو المقالات أيا كان أنتوا أكبر فاشلين أنتوا عارفين أنكم مش محققين أي حاجة في حياتكم وشايفيين الناس بتكتب وبتنشر وشايفينهم ناجحين وانتوا قاعدين بتتفرجوا فبتقولوا لنفسكم انا ليه اقعد اتفرج انا هسرقها منه وهبقي انا المشهور أحب أقول لحضرتك غلط وأكبر غلط ما هو مش حضرتك تقعد ماسك الموبايل ليل نهار وناس بتسهر ليالي لتحقيق حلمها وتقول انا محققتش انجاز وانا فاشل ما حضرتك لو سبت الموبايل من إيدك هتعرف تفكر في حياتك تخطط لمستقبلك كلنا عندنا مواهب كلنا بلا استثناء بس الفرق الطموح والأكتشاف حاول تكتشف موهبتك كل الناس عندها قدرات هائلة وكلنا عندنا مواهب بس الفرق كمية الطموح اللي عندنا خلي عندكم طموح وثقة بنفسكم وشكرا ليكم ولدعمكم ليا وبالنسبة بقي للشخص اللي بيتهمني والسارق وعد هرد عليكم وهنشوف مين اللي غلطان لان انا واثقة في ربنا انه دايما معايا وهو اللي هيثبت الحقيقة ومش خايفة ابدا لان ربنا معايا وعارفة انه هينصرني وينقذني زي كل مرة بحتاج له فيها وهو ابدا مش بيخذلني اللهم لك الحمد ولك الشكر حمدا كثيرا طيبا مباركا فيه .
انا حبيت اقول لكم بس علشان حبيت اشاركم همي بجد انتوا عائلتي الثانية وشكرا جدا لدعمكم شكرا لكم أحبائي
أنت تقرأ
معاقة لكن اعشقها....(مكتملة)
Romanceهي بنت جميلة رقيقة لديها عيب خلقي في يدها اليمني وتخشي ان يأتي يوم ويتنمر شخص ما عليها ولا تضع فكرة الزواج في رأسها لأنه من وجهة نظرها لا احد سيقبل ان تكون زوجته معاقة هو شاب وسيم ذو جسم رياضي يبحث عن فتاة لا تريد امواله بل تريده هو وتحبه هو لا أمو...
