جه يوم الرحله وكل بنت جهزت نفسها عشان تروح الرحله وراحوا عند كايلا
الاء:يلا يا كايلا هنتاخر كده
كايلا :مستنيه شادي هيجي معانا
الاء:طيب
شادي :انا خلصت يلا
مشوا البنات مع شادي وراحوا شرم
#بعد ١٠ساعات #
الاء:اخيرا وصلنا ياه
نور :الحمد لله
كايلا :يلا بينا ننزل ولا ناويين نقعد في العربيه
الجميع :يلا
(في مكان تاني كان يوسف واصحابه وشافوهم)
يوسف :انا رايح اعمل مكالمه وجاي
ابراهيم :طيب
بعد ما مشي يوسف
ابراهيم :انا لازم اعترفلها النهارده مش هفضل ساكت كده كتير
احمد :وانا كمان خلاص تعبت كل يوم اقول هقولها ومش بقول حاجه لازم اتشجع بقا
ابراهيم :طيب يلا نطلع الغرف بتاعتنا لحد ما يخلص الباشا
احمد :يلا
#عند يوسف #
يوسف :الووو
حسن :ايوه ياباشا
يوسف :التنفيذ النهارده جهز نفسك عايز الفيديو ده النهارده فاهم
حسن :فاهم متقلقش
يوسف :سلام
بعد ماقفل يوسف طلع الاوضه بتاعته
#بالليل #
شادي لقي كايلا واقفه لوحدها علي جمب وبتعيط
شادي :مالك بس اي اللي حصل
كايلا :افتكرت ماما
شادي :اهدي اهدي ادعيلها هي مش محتاجه غير دعواتك
كايلا:ربنا يرحمها
(نسيبهم ونروح مكان تاني )
احمد وابراهيم لقيوا الاء ونور مع بعض
احمد :انسه نور كنت عايز اتكلم مع حضرتك علي جمب
نور:اتفضل
احمد :نور انا بحبك
نور سكتت شويه وبعد كده قالت :انا اسفه بس انا مش بفكر احب حد
احمد :ليه بس
نور :دي اسباب شخصيه لو سمحت
احمد :كان في حد في حياتك
نور بدات تنهار :لا مكنش فيه بس مش حابه اكرر غلطة امي اني احب واحد واتجوزه ويفضل يهين فيا ويضرب فيا كل يوم .انت عارف انا امي انتحرت علشان ترتاح من العذاب اللي هي فيه وانت جاي تقولي اعمل زيها انا اسفه عن اذنك
مشيت نور واحمد فضل باصص عليها لحد مامشيت وحس انه وصل لحيطه سد
احمد :لا مش لازم اكون يائس كده لازم اخليها تحبني زي ما بحبها لازم
#عند ابراهيم والاء #
ابراهيم:الاء انا
الاء :انت اي
ابراهيم :انا بصراحه بحبك ومن زمان
الاء اتكسفت وسكتت
ابراهيم :الاء انتي بتحبيني ولا لا
الاء هزت راسها :اه بحبك بحبك من اول مره شوفتك فيها وخفت متكونش بتحبيني
ابراهيم ابتسم وفرحته كانت كبيره كانه ملك الدنيا كلها :انا مش بس بحبك انا بعشقك وان شاء الله اقدر اسعدك وبعد مانرجع هاجي اطلب ايدك من اهلك
الاء :ان شاء الله ،عن اذنك هروح اشوف نور
ابراهيم :اتفضلي
الاء مشيت وابراهيم راح لأحمد
ابراهيم :ها عملت اي
احمد :للاسف مش بتحبني بس انا مش هستسلم نور دي بتاعتي ومش هتكون لحد غيري ،المهم انت عملت اي
ابراهيم:طلعت بتحبني زي ما بحبها انا مش مصدق نفسي
احمد :ربنا يسعدكوا يا صحبي
#عند الاء ونور #
الاء :نور احمد كان عايزك في اي
نور :احمد بيحبني بس انا رفضته
الاء :مش ناويه تنسي بقا يا نور
نور :لا مش هنسي عشان اللي ماتت دي امي
الاء :طيب اهدي يا حبيبتي ربنا يرحمها يلا نروح عند كايلا وشادي نرخم عليهم
نور :هههه يلا
#عند كايلا وشادي #
الاء :العشاق الحلوين اي راعوا السناجل شويه
شادي :حد قالك تبقي سنجل
الاء :متخفش انتم السابقون ونحن اللاحقون
كايلا:اي في اي
الاء :هقولك بعدين
كايلا:طيب
جت رساله علي تلفون كايلا من رقم غريب وكانت فيديو ليها وهي بتغير هدومها بس في رساله تانيه ومضمونها (تتصلي حالا وتنفذي اللي هقولك عليه والا هيكون الفيديو ده علي تلفونات الشباب كلها )
كايلا:عن اذنكم هعمل مكالمه وجايه
شادي شك من شكلها المتوتر ان في حاجه فقرر يروح وراها
شادي :عن اذنكم ثواني
#عند كايلا#
رنت علي صاحب الرقم وكان يوسف
يوسف :ها يا حلوه عجبك الفيديو
كايلا:انت واحد حقير وزباله
يوسف :لمي لسانك يا قطه بدل ما اقطعهولك كايلا:وانت عايز اي دلوقتي
يوسف :تجيلي الاوضه نقضي ليله حلوه ها قلتي اي
كايلا:ده لو طلعت روحك قدامي مش هعمل كده
يوسف :براحتك انزل الفيديو ده وفضحتك تبقا في جلاجل علي العموم هسيبك تفكري شويه وتردي عليا باي يا قطه
شادي بزعيق :كايلا مين اللي كان بيكلمك ده وعايز اي
كايلا :ده ده
شادي :من غير كدب فاهمه اياكي تكدبي
كايلا:حكتله كل حاجه
شادي :اه يا ابن ال***وحيات امك لاندمك علي اليوم اللي ولدتك فيه امك ،يلا نرجع للبنات ومتشغليش بالك بالحوار ده
كايلا :ماشي يلا
شادي :روحي انتي وانا جاي وراكي هعمل مكالمه وجاي
كايلا:طيب
شادي رن علي رعد دراعه اليمين
شادي :عارف اشرف السيوفي عايز كل شراكته تخسر ويفلس وعايزه هو وابنه متكتفين في بدروم الفيلا فاهم
رعد :فاهم يا باشا
شادي :سلام
قفل شادي ورجع للبنات
شادي :يلا عشان ننام يلا
قاموا البنات بس شادي خد كايلا اوضته عشان يوسف مياذيهاش
شادي :هتنامي علي السرير وانا هنام علي الكنبه تمام
كايلا :تمام تصبح على خير
شادي :وانتي من اهلي
استووووووب خلص البارت
يا تري شادي هيعمل اي في يوسف ووالده وياتري احمد هيعرف يخلي نور تحبه ولا لا قلولي توقعاتكم ،رايكم اي في البارت حلو ولا وحش اشوفكم البارت الجاي سلام يا حلوين
بقلمي /اريج شوقي
