إلى كل بنت و شاب 🧕🏻👳🏻
قبل أي حاجة احب اوجه الشكر لكل أم و ارفع لهم القبعة على جهودهم الرائعة و جزاكم الله كل خير 🎓👑
✨ الأم هي جوهرة و كنز كبير فعلا إذا فقدناه راحت معاني الحياة 💔
✨الأم هي اللي استحملت 9 شهور حمل و كانت مستنياك بفارغ الصبر لأنك من صلبها 😍
✨الأم كانت بتسهر جنبك و بتبقى قلقانة لما تتعب 😔
✨ الأم مهمتها صعبة اوي مستعدة تضحي عشان أولادهم و عشان تريحهم 😟
✨الأم بتضغط على نفسها في وقت تعبها و بتشتغل رغم تعبها عشان تريحنا 😢
✨الأم مهما تكون زعلانة بتحاول تبين انها عادية و مفيش حاجة وهي كويسة 😔
✨ الأم هي الأمان و الحنان إذا فقدناه ضاع أكبر كنز وهو رضاها 😳
✨الأم رغم اعتراضنا على الأكل بتحاول تعمل كل اللي بنحبوا عشان ترضينا 😔
✨الأم دايماً بتحب تشوف أولادها متميزين و أحسن منها 😢
✨الأم رغم اننا بنغلط معاها بس بتسامح بسرعة عشان احنا ولادها 😍
✨ الأم لو رحتلها و حكتلها مشاكلك هتسمعك و تقف معاك و تنصحك بكل صدر رحب 🤗💕
✨الأم لو جبرت خاطرها بكلمة حلوة هتلاقي منها دعوة من قلبها ❤️
✨ الأم بتفرح لفرحك و تحزن لحزنك 🥺❤️
✨ الأم بتستحمل وقت تعبها و ألمها و بتكون عيونها مليانه الم و ارهاق و تقول أنا كويسة سبحان الله على قدرة الأم 😢💔
💟 قال تعالى: (وَوَصَّيْنَا الْإِنسَانَ بِوَالِدَيْهِ إِحْسَانًا ۖ حَمَلَتْهُ أُمُّهُ كُرْهًا وَوَضَعَتْهُ كُرْهًا ۖ وَحَمْلُهُ وَفِصَالُهُ ثَلَاثُونَ شَهْرًا ۚ حَتَّىٰ إِذَا بَلَغَ أَشُدَّهُ وَبَلَغَ أَرْبَعِينَ سَنَةً قَالَ رَبِّ أَوْزِعْنِي أَنْ أَشْكُرَ نِعْمَتَكَ الَّتِي أَنْعَمْتَ عَلَيَّ وَعَلَىٰ وَالِدَيَّ وَأَنْ أَعْمَلَ صَالِحًا تَرْضَاهُ وَأَصْلِحْ لِي فِي ذُرِّيَّتِي ۖ إِنِّي تُبْتُ إِلَيْكَ وَإِنِّي مِنَ الْمُسْلِمِينَ)
💟 سأل رجل رسول الله -صلى الله عليه وسلم- فقال: (يا رَسولَ اللَّهِ، مَن أحَقُّ النَّاسِ بحُسْنِ صَحَابَتِي؟ قالَ: أُمُّكَ قالَ: ثُمَّ مَنْ؟ قالَ: ثُمَّ أُمُّكَ قالَ: ثُمَّ مَنْ؟ قالَ: ثُمَّ أُمُّكَ قالَ: ثُمَّ مَنْ؟ قالَ: ثُمَّ أبُوكَ).
✨ فقد خصّ الرسول صلى الله عليه وسلم الأم بمكانة خاصة وعظيمة
فقد كرر كلمة ” أمك ” ثلاث مرات للتأكيد، مما يوضح لنا أنه يجب علينا أن نطيع الأم ونبرها ونوقرها
وكذلك يكون الأمر مع الأب أيضاً .
🌸 جربت أعيش يوم واحد و اتحمل مسؤولية البيت كامل مكانها ،، و أقسم بالله اني اندم اشد الندم على اي يوم قصرت معاها و كنت بكون مخنوقة و مضايقة لو طلبت مني حاجة و اقول ليه انا😭💔 ،، لما جربت عرفت قد ايه مدى المعاناه اللي بتعانيها من شغل بيت و ترتيب و غسل المواعين و غسل الملابس و عمل الاكل و تنظف ورانا و لو كمان بتشتغل و بتفكر كل يوم تعملنا اكل حلو عشان ناكلو ،، و الله تعب جدا جدا حسوا بأمهاتكم 😔
💫 اوعوا تقللوا من أمكم و اوعوا تعلو صوتكم عليها و اوعوا متسمعوش كلامها و اوعوا ترفعوا ايديكم عليها و اوعوا تغلطو فيهم بالسب و اللعن و اوعوا لما تنادي عليكم و تطلب منكم حاجة تعملوها او تجيبها تقولوا لأ او تقولوا ليه أنا او تقولوا مش قادرة لأنوا دة اسموا عقوق 😭💔
💫 مش عيب لما الولد يساعد والدته و يغسل المواعين او يعمل الاكل او يجبلها مستلزمات البيت او يساعدها في شغل البيت مش هينقص حاجة من رجولته بالعكس مقامك عند ربنا كبير و هتلاقي توفيق في حياتك
💫 ارضوا امهاتكم و لما تقول حاجة تنعمل في وقتها حتى لو انت تعبان استعين بالله و ارضي امك و متنساش انوا دة باب من ابواب الجنة مش مهمة بينك و بين أخواتك أو بيزنس بينك و بين والدتك
💫 لو والدتك لسة عايشة روح احضنها و قولها انك بتحبها و لو بعيدة عنك اتصل عليها و فرحها و قولها بحبك و لو متوفية ادعي ليها بالمغفرة 😍❤️
✨ إذا ماتت الأم يموت معها كل شيء جميل 💔😢
✨ والله مهما عملت مع والدتك من بر و طاعة مش هتكون وفيت ليها حقها مهما عملت 😢
💟 يروى أنه بينما رجلا في مكة حول الكعبة بأمه طائفاً بها حاملها على ظهره لقي سيدنا عمر بن الخطاب رضي الله عنه , فسائله هذا الرجل ( في ما معنى قولهما ) ألا تراني قد وفيت أمي حقها ؟! قال له عمر رضي الله عنه : لا و الله ما وفيتها حقها ولا طلقة من طلاقاتها , إلا انك تتمنى موتها ..
ما أعظمك يا اماه 😭💔
💖 اللهم أعنا على هذه الطاعة التى هى من أعظم الطاعات . وأعنا على وصل آبائنا واجعلنا بارين مطيعين .. مبتغين بذلك رضاك وعفوك وطامعين فى جنتك ..
💖 “اللهمّ ارزقها عيشاً قاراً، ورزقاً داراً، وعملاً باراً، اللهم ارزقها الجنة وما يقربها إليها من قولٍ أوعمل
وباعد بينها وبين النار وبين ما يقربها إليها من قول أو عمل”.
💖 “ربّ لا تريني بِأُمي ضعفاً يبكيني واجعلني بها من البارين”.
💖“اللهم اجعلها من الذاكرين لك، الشاكرين لك، الطائعين لك، المنيبين لك، اللهمّ واجعل أوسَع رزقها عند كبر سنها وانقطاع عمرها.
ختاماً : الحقوا نفسكم قبل فوات الأوان وقبل ميجي اليوم اللي مش هتلاقيها قدامك و راجعوا تصرفاتكم و بروا امهاتكم و اسمعوا كلامهم و ارضوهم و تذكروا عن النبي صلى الله عليه وسلم قال : ( رضى الرب في رضى الوالد , وسخط الرب في سخط الوالد ) و احذروا من غضب الام و دعائها عليك لأنوا دعوتها مستجابة فبرها و اسعد قلبها 😍❤️
" سُبْحَانَكَ اللَّهُمَّ وبَحَمْدكَ أشْهدُ أنْ لا إلهَ إلا أنْتَ أَسْتَغْفِرُكَ وأتُوبُ إِلَيْكَ"
#ريهام_أشرف❤️
