رسالة لكل شخص :
⭐ كفاية تعيروا بعض ، و كفاية لما الشخص يبدأ يتغير للأحسن و لسة في اول الطريق (( تحبطوه و تكسره خاطره و تتكلمو عليه و على ماضيه )) بجد كفاية لأنوا بقينا في زمن فعلا مقرف
مش كل شخص يبدأ يشوف طريقة صح و يعمل لأخرته ترجعوه مليون خطوة لورا و تقولوا انت فاكر انت كنت ايه زمان ،، ليه بتعيروه ليه متكونش زيه و تقولوا يلا مع بعض في الطريق سوا ،، ليه بقينا من ابسط حاجة نتريق عليه و نكسره ..
انت مش هتفيده لما يموت على معصية و تكون انت السبب في الانتكاس لو الشخص مش عجبك سيبه بس بلاش تفكره بالماضي و لا تكسره لأنوا اصلا هو بيجاهد عشان يكفر عن ذنوبة و يقرب من ربنا اصل انت لا هتنفعه في قبره لما يموت ولا هتنفعه يوم القيامة كل واحد هيقول نفسي نفسي لا ام ولا اب و لا اخ ولا اخت و لا عم ولا خال و لا حد من أهلك و أصحابك هيكون جنبك لما تتحاسب فبلاش تحبطوه و خليه يكمل الطريق ..
🦋هو انت مسمعتش الحديث اللي بيقول :
عَنْ ثَوْبَانَ عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( لَا تُؤْذُوا عِبَادَ اللَّهِ ، وَلَا تُعَيِّرُوهُمْ ، وَلَا تَطْلُبُوا عَوْرَاتِهِمْ ؛ فَإِنَّهُ مَنْ طَلَبَ عَوْرَةَ أَخِيهِ الْمُسْلِمِ طَلَبَ اللَّهُ عَوْرَتَهُ حَتَّى يَفْضَحَهُ فِي بَيْتِهِ ) .
🦋و هو انت كمان مسمعتش الايه القرآنية اللي بتقول :
{ يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ وَلَا نِسَاءٌ مِنْ نِسَاءٍ عَسَى أَنْ يَكُنَّ خَيْرًا مِنْهُنَّ وَلَا تَلْمِزُوا أَنْفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَنْ لَمْ يَتُبْ فَأُولَئِكَ هُمُ الظَّالِمُونَ } (سورة الحجرات: 11).
و آخر حاجة حابة اقولها : كفاية استخفاف بالناس و انكم تبصو ليهم بنظرة سخرية و استهزاء و كرة و حقد و انكم مش طيقنهم و قرفنين منهم ..
اصل دي ناس بتجاهد عشان توصل لربنا و توصل للجنة و تكون مع الرسول صلَ الله عليه و سلم و الأنبياء عليهم السلام و الصحابة والمرسلين و الصديقين و الشهداء ..
كفــــــــــــاية بجد كفـــــــــــــــــاية سيبو كل واحد يقرر عايز ايه لأخرته و بلاش توقفوهم و تكسروا خاطرهم اتعلمو جبر الخواطر محدش هيفيد حد يوم القيامة 💔
🦋وما أحسن قول الشافعي رَضِيَ اللَّهُ عَنْهُ:
إن شئــت أن تحيـا سليماً مــن الأذى وحظك موفور وعرضك صين
لسانــك لا تـذكر بـه عـورة امـريء فكلك عــورات وللنـــاس ألسـن
وعينــــك إن أبـــدت إليـــك معائبــاً فصنها وقل يا عين للناس أعيـن
وعاشر بمعروف وسامح من اعتدى وفارق ولكـن بالتـي هي أحســن
#ريهام_أشرف❤️
