الموضوع طويل بس في غاية الأهمية ارجو القراءة 💔🥺
رسالة لكل أم و أب 👫:
تعرفوا انكم محاسبين على اولادكم من و هما صغيرين من ناحية انكم تعلموهم امور دينهم و طاعة ربنا و الصلاة🤔🤔
كما قال الله تعالى : بسم الله الرحمن الرحيم
{يا أيها الذين آمنوا قوا أنفسكم وأهليكم نارا وقودها الناس والحجارة}.
وفي صحيح البخاري عن حديث نافع عن ابن عمر قال: قال رسول الله صلَّ الله عليه وسلم: (كلكم راع وكلكم مسؤول عن رعيته، فالأمير راع على الناس، وهو مسؤول عن رعيته؛ والرجل راع على أهل بيته؛ وامرأة الرجل راعية على بيت بعلها وولده، وهي مسؤولة عنهم؛ وعبد الرجل راع على مال سيده، وهو مسؤول عنه. ألا فكلكم راع، وكلكم مسؤول عن رعيته) 😳😳
⭐ أوعوا تسيبوا ولادكم من دون متعلموهم طاعة ربنا و سنة الرسول صلَّ الله عليه وسلم و صلاتهم و تقولوا ليهم قصص الأنبياء 😔
⭐ انتوا محاسبين على كل صغيرة و كبيرة بيعملوها غلط و انتوا ساكتين او تقولوا مفيش فايدة ومش هيسمعلي مهمتكم تفضلو تنصحوهم و تحاولوا تقنعوهم و تحببوهم في دينهم ❤️ 💪🏻
⭐ انتوا لازم تعلموهم انوا يدوروا على اللي يرضي ربنا و اخرتهم اهم مليون مرة من الدنيا ، انا مش بقول انكم متخليهومش يحققوا احلامهم و طموحاتهم .. بس علموهم ازاي يتبعو اوامر الله و الرسول صلَّ الله عليه وسلم 😍،، و انوا هناك في جنة و نار و ايه الحاجات اللي تدخلك الجنة و ترضي ربنا 🏞️و ايه الحاجات اللي تدخلك النار 🔥..
⭐علموهم انوا ممكن الواحد يموت في اي وقت المهم يكون عامل لأخرتوا ،، لأنوا هناك مفيش تاني ،، هناك في حساب على اعمالنا ،، هناك في يا جنة يا نار ..
⭐ علموهم على المواظبة على الصلاة ،، لأنوا دي مسؤوليتكم من وهما صغيرين لأنوا رسول الله صلَّ الله عليه وسلم :
«مروا أولادكم بالصلاة وهم أبناء سبع سنين، واضربوهم عليها وهم أبناء عشر، وفرقوا بينهم في المضاجع» [رواه أبو داود 494، واللفظ له، والترمذي 407، والدارمي 1431 وحسنه لألباني].
يعني تعلموهم من وهما عمرهم 7 سنين و تضربوهم و تحاسبوهم و هما 10 سنين ،، عيب اوي انكم متكنوش معلمينهم امور دينهم 💔
⭐ علموهم انوا الصلاة أول ما يحاسب عليه العبد يوم القيامة: قال رسول الله صلَّ الله عليه وسلم: (إنَّ أوَّلَ ما افتَرضَ اللَّهُ على النَّاسِ من دينِهِمُ الصَّلاةُ، وآخرَ ما يبقى الصَّلاةُ، وأوَّلَ ما يحاسبُ بِهِ الصَّلاةُ، ويقولُ اللَّهُ انظُروا في صلاةِ عبدي. فإن كانت تامَّةً كُتِبت تامَّةً، وإن كانت ناقصةً يقولُ: انظُروا هل لعبدي تطوُّعٍ ؟ فإن وُجِدَ لَهُ تطوُّعٌ تمَّتِ الفريضةُ منَ التَّطوُّعِ، ثمَّ قالَ: انظُروا هل زَكاتُهُ تامَّةٌ ؟ فإن كانت تامَّةً كُتِبت تامَّةً، وإن كانت ناقِصةً قالَ: انظروا هل لَهُ صدقةٌ ؟ فإن كانت لَهُ صدقة تمَّت له زَكاتُهُ).
