..
..
البارت السادس ❤
.
.
.
.
انا : سلام 😳
وسكرت
وخشيت قابلني احمد
احمد : شن كنتي ديري برا
انا : نحكي بالفون
احمد بهدوء : مع مصعب
انا : اي
احمد : به خشي
وطلع قالب وجهه انا استغربت وخشيت
مر اليوم والايام ونا ومصعب نحكو وانتناقرو وقبل الفاتحه بيوم رن عليا رديت
انا : الو
مصعب : هلا حبيبتي
انا : اهلين
مصعب : اشتقتلك يا عمري
انا : مصعب
مصعب : يا عيون مصعب انتي قاعد مع الشباب وعقلي معاك ازح نبيك تفهمي انك واخذه كل تفكيري
انا فهمت انه حط سبيك : تسلملي عيونك حبيبي
مصعب : 😳😳😳 ناعلي منك بس اخيرا بكره مراتي ❤😳
انا : اي حبيبي
مصعب : قتلك بكره نبي نشوفك يا عسولتي
انا : لا نقدرش
مصعب : ليش
انا ؛ وين هنشوفك العيله كلها عندنا
مصعب : بعد يعدو
انا : لا اوبي نقدرش
ونسمع ضحكه وهمس : اوبي هههه
مصعب همس : سكر فمك يا فرخ
انا : شنو
مصعب : لا نحكيش معاك حبيبتي 😅😅
انا : حبيبي ماما تبيني توا هنشوفها
مصعب : اوك يا قلبي سلام نحبكك يا زوجتي العزيزه ❤
انا : me too زوجي العزيز 😹❤
وسكرت
وتنهدت
ثاني يوم كان الفاتحه وحوسه وجو ع العصر مشو الرجاله للجامع وقرو الفاتحه ودارو جو حلو ومشى اليوم ثاني يوم مشيت للكليه مضطره لانه عندي امتحان مشيت للقاعه وخشيت امتحنت وطلعت وقالبه وجي لاني محليتش لاقاني مصعب في الممر وجاني
مصعب : كنك
انا شفتله : كله منك
مصعب : شنو 😳
انا عيوني دمعن مصعب مسك يدي وخذني المكتبه وسكر الباب
مصعب : شن في سلا
انا : محليت شي اليوم 😭😭😭😭
مصعب : تي خلعتيني نحسبها قصه اخرى وكرني وحضني : اششش تبكيش بسيطه من الاستاذ
انا : دكتور عصام
مصعب : ما عليك هنحكي معاه ونشرحله الوضع وهيعاوده لك المحاضره الجاي تمام
انا شفتله : جد 😭
مصعب مسحلي دموعي : اي جد وخلاص طلعتي بكايا وحساسه 😹😹😹❤
انا : لا 😐
مصعب ضحك : اي واضح لا 😹😹😹❤
انا ضربته بشوي : مبردك جيعانه زوجي العزيز 😃
مصعب ابتسم : راجيني هنا هنجيبلك ونجي ❤
وشوي ومشى وجاء جايب تشكن وعصير طبيعي وشوكلاطات
انا ،: ناعلي انت احسن واحد 😍😍😍❤
مصعب ضحك وقعد جنبي كليت وهو يشوفلي ويبتسم كملت
مصعب : مراتي
انا شفتله
مصعب : عرسنا الشهر الجاي را
انا ؛ جهزت شي نا 😳😳😳
مصعب : متجهزي شي مغير دبشك حوشنا متاثث كله
انا : حوش هلك
مصعب ضحك : لا حوشنا نا وانتي نا عندي حوش في .... وماثثه كامل كله ناقصه انتي بس
انا : سمح
مصعب : اي هندزلك صوره اليوم
انا : اوك بس معش تعاود لقطت السبيك
مصعب : اضطريت زوجتي العزيزه 😃
انا : حسنا زوجي العزيز عندي محاضره توا
مصعب : تمام عديوتكملي ترني ع مالك وتقعدي في الباركي لعند يجي
انا : اوك
وصبيت وطلعت
مر اليوم والايام وحنينه خذتني وبدت تعلم فيا تسواي نظام حبس مع التعذيب مش تعليمه 😕 وبديت نبتت طبعا حددو العرس وخشينا في اسبوع العرس وجو حلو بكل يوم العرس وعيت الصبح بدري وع طول جهزنا ارواحنا ومشينا للكوفيرا ومشت معاي ندى ولقيت شهد وريم غادي
درت استشوار وقعدنا نحكو ونبصرو بعدها رن فوني ع الظهر مصعب رديت
انا : اهلا زوجي العزيز
مصعب : اهلين قتلك اطلعي خذي نصاص
انا : اوك شوي بس
وسكرت ولبست عبايتي ووشاح وطلعتله لقيته قدام الباب
مصعب ابتسم : هكي عروستي
انا ضحكت : شكرا عريسي
مصعب : يلا خشي را يشوفك حد
انا : اوك سلام
مصعب : سلام
خشيت وهو عدا
وكان جايب شاورما وعصير كليت نا والبنات بعدها بدت الكوفيرا فيا ميك اب ولبست الفيلو وكنت طالعه نجنن
البنات : ووواووو 😍😍😍😍😍❤❤❤❤
انا : حلو
ندى : تجنني 😍😍❤
ريم : تخبلين ❤😍
شهد : استاذ مصعب هينجن عليك اكيد 😹😹❤
ريم : اهم شي يمسك روحه قدامنا 😹😹😹❤
البنات 😹😹😹😹❤
انا : مبردكن 😑😑😑💔
شوي ورنينا ع مالك قاللنا انه برا لبست الكاب طلعت ركبت نا وشهد وريم من لورا وندى قدام
ومشى
انا : مالك ولعلنا شي ازح تقول مش عرس 😑💔
ريم وشهد وندى : 🤦♀️🤦♀️🤦♀️
مالك ولع وهو ساكت استغربنا
انا : كنك مالك مضايق من شي
مالك بهدوء : لا ليش
انا : مش عارفه معارضتش ولا قلت كلمتين هك وهك نعرفك تحشمش من شهد وريم كيف صار 😹😹😹❤
مالك : قلت اخر مره وانتفكا منك خليها وديه بس ميصير شي ضروري اتهزبي 😑💔
انا : ايوه هذا مالك 😹😹😹❤ بعدين اعترف انك هتشتاقلي 😌😌
مالك : من هذا اللي هيشتاقلك ما نرتاح غير منك ومن طولت لسانك
انا : تي نا اللي ديرتلكم جو في العيله 😌✌🏻 حرام هتكسدو من غيري 😃💔
مالك سكت
ندى تمت تبكي
انا : يا روحي خلاص بطلت نزوج تبكيش 😹😹😹💔
مالك : ندى اسكت را اختك اديرها 😹😹💔
شهد : ندو غمك عليها را درتها في عرس اختي وبكيت قعدت في الاسبوع تجينا ثلاث مرات ويوميا تحكي معانا فيديو كان خطرلي ما بكيت وقتها 😹😹😹💔
الكل : 😹😹😹💔
انا : كنها القاعه بعيده ازح 😑💔
مالك : ماهو طلباتك يا هانم تبي كوفيره معينه وقاعه معينه وكل وحده فيهن في راس شفره 😑💔
انا : عادي عادي اخي الغالي تحمل 😹❤
ووصلنا بعد مده ونزلت نا والبنات وخشينا للاستقبال وطبعا تعديلات وجو ويقرو عليا بعدها ولعت اغنية اية الكرسي وخشيت عليها والكل يشوفلي وع كم مره كنت هنطيح ع وجي بس نمسك في روحي بالغصب والممر كان طويل منقبل كمل 😑💔 ووصلت للستيج وقعدت وجني عد ومغطياتني ويحكن وجعنلي راسي وكل شوي جايه وحده تسلم والمشكله منعرف منهن وحده 😹😹❤ بعد ساعه تقريبا خشو هل العريس وكانو هبود نشاء الله وصلو للستيج وبدا جو دربيك ويردو ع بعض هلي وهل مصعب
(من عداتنا وتقاليدنا المكاسره واحلا جو في العرس اصلا 😹❤)
بعد كملنا بعدو هلي وجتني امه وحنتني وبدو يصفقو ع راسي شوي ونزلو ياكلو بعد نص ساعه قالو العريس جاء وبدت اغنية اختي حبيبتي وخشو مالك ومصعب و وكانو يهبلو لبسين بذل الاثنين بس مالك منغير الجاكه مصعب وقف في النص ومالك جاني ومسك يدي وتما ينزل فيا وطبعا لا يخلو الموضوع من دموع هلي وصلني المصعب ووحطلي يدي في يده
مالك : امانه عندك يا مصعب راهي غاليه ولو زعلتها بشي هننسى انك صاحبي
مصعب : ولو في عيوني يا راجل
انا : ناعلي فديته خوي 😍😍❤
مالك ابتسم وباس راسي وطلع
مصعب : يلا عد وتمينا نمشو ولبسوني الكاب وطلعت معاه وسط ضرب لسلاح والالعاب الناريه ركبني في السياره وحكا مع بابا وخوتي شوي وجاني وركب جنبي ومشينا
مصعب : طالعه حلوه اليوم ❤
انا : طول عمري حلوه يا سي 😌✌🏻
مصعب : الواحد ميشكركش بكل 😹😹❤
انا : اي نشكر في روحي بروحي اصلا 😹😹😹❤
ووصلنا للشقه طبعا شقه مفروشه خشينا وهو خذ شنطيتي معاه واول ما خشينا سلحت الكعب
اتا : اخيرا
مصعب ضحك : دامه موجعك ليش لبستيه
انا: قلتلهم نلبس كويش قلبولي وجوهم 😑💔
مصعب : 😹😹😹❤
تميت نشوف للشقه
مصعب : احم عدي بدلي وتعالي نصلو
انا : اوك
ومشيت بدلت ولبست بجامه كات وشرت ولبست متاع صلاة وحولت الميك اب
انا : ايوه هذي نا 😹❤
وطلعت صليت نا وياه ودعاء
مصعب : جيعانه
انا : اي مش مغير
مصعب : جايب عشاء في الثلاجه هنسخنوه وناكلو
انا : اوك
وحولت متاع الصلاة مصعب تما يشوفلي ومستك طبعا شكلي كان حلو وشعري مفرود تما يشوفلي وساكت
انا شفتله : شن جايب اكل
مصعب : احم سلا تقدري تلبسي طويل 😣
انا : تؤ ممعايش غير اللي هنلبسها بكره وبعده دبش طلوع يعني
مصعب حط يده ورا ارقبته بتوتر : به تمام جايب بيتزا وشورما وببسي وعصير
انا : اوك هنسخن
ومشيت سخنت وحطيت وكلينا مع بعض وخشيت للدار وكنت هنرقد خش مصعب
انا : كنك
مصعب قعد جتبي : لازم ندير شي قبل نرقد
انا : شنو
مصعب : لازم الكل يحس انه صار بينا شي ولازم يكون في اثبات لهالشي احم يعني لازم ندير علامتي الخاصه فيك
انا : فهمت شي را
مصعب ابتسم وقرب مني وخرت : اهدي وقرب اكثر وباس ارقبتي بقوه وبعد وشافلها ورد باسني وتما يبوس فيا بقوه ونا قلبي يدق بسرعه ومتوتره بعد بشوي وتما يشوف لرقبتي
مصعب : تمام هك وشافلي : توا هيقولو صار بينا شي
وصبا وطلع ونا مستكه خذيت فوني وحطيت ع الكاميره وشفت شن قصده وانصدمت بالعلامات الموجوده ع ارقبتي
انا : هييي قصده هذا يبي العالم يشوفوهن 😱😱
وصبيت سكرت الباب ورديت رقدت من التعب وعيت ثاني يوم ع صوت فوني رديت بصوت ناعس بدون ما نشوف من
انا: همم
مصعب : افتحي الباب ازح 😑😑
انا: به شوي
وصبيت وفتخت ورديت رقدت
مصعب خش وخذ دبشه ومشى دوش وطلعلي : صبي سلا يا فرخه صبي
انا قعدت : شن تبي مني ازح نبي نرقد 😑😑💔
مصعب : الساعه 10 هتدوشي ونفطرو وتمشي للكوفيرا
انا: اووف به
وصبيت ومشيت للحنام عين مغمضه وعين مفتوحه ومصعب يضحك ع منظري
دوشت ودرت لوشن ولقيت روحي ناسيه دبشي خبطت جبيني ع غبائي ولفيت الفوطه عليا وطلعت لقيت مصعب يشوفلي ومستك
انا بخجل : ممكن تطلع
مصعب : احم اووك وطلع ونا بدلت ولبست
ورفعت شعري فوق ونزلت شوي خصلات عطاني منظر حلو وبخيت برفان قوتشي وطلعت لقيت مصعب داير فطور قعدت وفطرت معاه وهو يشوفلي كل شوي من تحت التحت بس نا فطنتله
انا : كنك تشوفلي بالسرقه 😕
مصعب : شكلك حلو ومنبيش نشوفلك بس شي يخلي فيا نشوفلك مش عارف ليش
انا : امم كنك رقبتك توجع فيك والله شنو
مصعب حط يده ع رقبته : اي من رقدة الكتبه
انا صبيت وتميت نديرله في مساج خفيف وهو ارتاح بسرعه
مصعب : مريحه الحركه ❤
انا : مالك كان دائما يجي تعبان ويرتاحلها اكثر شي
مصعب ابتسم : يلا نمشو كان كملتي فطورك
انا : اوك نلبس عبايتي بس
ولبستها وطلعت نا وياه حطني في الكوفيرا وكملت ع العصر وطلعت نهبل جاني ومشيت القاعتهم ونزلنا وخششني ع اغنية غلاي انت حطني وباس جبيني وطلع بسرعه تقول يبو ياكلوه 😕
ومر جو العرس حلو وهك شوي وجتي وائام
وائام : اسميتي لنا توا عاد يا مرات ولد عمي 😹😹❤
انا : ايه يا حنه 😹😹❤
جتني بنت وشافتلي بنظرت تقييم :......... يتبع
بيسو ....
