..
..
البارت الثالث ❤
.
.
.
.
انا : 😑😑😑💔 المطلوب عشان متقولش
مصعب : امي تبيني نزوج ونا منبيش
انا : وبه شن نديرلك يعني 🌚💔
مصعب : .نزوجو نا وانتي
انا : وات 😳😳😳 بتمزح معي اكيد 😃
مصعب : لا ما بمزح معك بنوب 🌚💔
انا : 😳😳😳
مصعب : زواجنا زواج اتفاق يعني انتي لك حياتك ونا ليا حياتي مجرد نسكنو في نفس الخوش وهيكون زواج ع الورق فقط انتي تاخذي حريتك واجد ولك كامل الحرية ديري اللي تبيها طبعا ماعاد العلاقات ونا نكون راضي امي فشن قلتي
انا : اممم تاخذني شهر عسل لنيويورك 🌚💔
مصعب : تبصري 🌚💔
انا : لا هذا شرطي 🌚💔
مصعب : تمام 🙄🙄
انا : متفقين يبقى اصلا نا كنت مقرره نعنس بس دامه هنزوج هك فموافقه 😃
مصعب : انتي كنتي معنسه منغير ما تقرري 😕
انا : يا خفت دمك 😑😑💔
مصعب ابتسم : تمام يبقى هنخطبك من مالك بكره
انا : تؤ يصير شي بكره هلي ماشيين عمره
مصعب : يعني
انا : اخطبني بعد يجو 🌚💔
مصعب : به 😑😑💔
خش حسام وشافلنا : من امتى انتي هنا
انا : من عشر دقايق تقريبا
مصعب : هذا كله تجيب في دخان
انا شفت الحسام بصدمه : تدخن 😳😳😳😳
حسام : منور مصعب 😐
مصعب : واذا يعني يدخن
انا : توا نقولها الجدو يا حسام وهتشوف 😌😌
حسام : طشه خلنا اصحاب 😅
مصعب : شن فيها لو دخن يعني
انا شفتاه : جدو مانع شباب العيله من الدخان ومره عبدو دخن مسك الدخان وطفاه في يده وحبسه اسبوع في المخزن وللان عبدو مستحيل يشوف للدخان اصلا 😹😹😹😹💔
حسام : يسمعك عبد المهدي تحكي في قصته يقتلك 😹😹😹💔
انا : لا عبدو طيب 😹😹💔
حسام : انتي ما يمشي معاك غير اسامه 😹😹😹❤
انا : بارد هذ 😑😑😑💔
حسام : 😹😹😹❤
مصعب : حسام باركلي هناسبكم
حسام : تناسبنا في من معندنش بنات في العيله 🤔
انا : ماهو نا ندى شماعات 🌚💔
حسام ومصعب : 😹😹😹😹💔
حسام: تقوليش ام لسان هذي 😹😹💔
مصعب : اي ام لسان هذي توسطلي عن مالك واشكرني واجد عند عمي عمر
حسام : تي يا راجل مش بعيد يعطوها لك ومعاها هديه 😹😹😹💔
انا : حسام بنت خالك نا وهو صاحبك نا اقربلك ع فكره 🌚💔
حسام : ع فكره نا مفروض نضربه ونهزبك بس لاني عارف صاحبي مش متاع جو وجاي من الباب طول وكتاكد انه مش حاكي معاك قبل توا والسبب الثاني اني عارفك مش متاعت لا حب ولا جو فرخات وعارفك اهم حب في حياتك هو حبك للاكل 😹😹 وانكم ميمشيش عليا زواجكم اكيد زواج اتفاق او حاجه زي هك فاختصرو وقولولي القصه كلها
مصعب : ارتزع
حسام قعد ومصعب حكاله
مصعب : بس هذي لحكايه
حسام : تمام بس منبيكش تزعلي الطشه هذي
مصعب : ولو يا راجل
حسام : تمام يبقى هنحكي مع عمي عمر وهو تاجلت مشيته للاسبوع الجاي فتعال اخطب بهالفتره
مصعب : تمام
انا : به سومي يلا ماما دايره باميه اليوم 😍❤
مصعب : انشاء الله تقعدي تعرفي تسوي بعد عشقك للاكل هذا 😹😹❤
انا : نعرفش نقلي دحيه 🌚💔 عموما باي زوجي المستقبلي يلا سومي 😃
حسام : يلا 😹😹😹❤
وطلعت معاه ومصعب ابتسم وضحك عليا
وصلت للحوش وخشيت لفيت مالك قاعد
مالك : جيتي مع من
انا : مع حسام
مالك رفع حاجبه : بروحك
انا : لا نا وحسام 🌚💔
مالك : وشن مشاك معاه بروحك 😠😠
انا : ما مشيناش جينا في السياره 😕
مالك: تي 😠😠
انا : هو قالي مالك شوري عدي عصب عليه 🌚💔
ومشيت للمطبخ
انا : باميه 😍😍❤
ماما: اصبري هناكلو مع بعض
انا نغمس من الطنجره : تي اكلة الطنجره غير 😍😍❤ وتميت ناكل ونحكي والاكل في فمي : جاني عريس
ماما : شنو 😳😳
انا زمطت اللي في فمي : جاني عريس هيطلبني الفتره الجاي وحسام هيحكي مع بابا عليه 🌚💔
ماما : ولد من وكيف تعرفيه ومن قالك ووين يسكن نعرفوه نحن وكيف حسام يعرفه
انا : بشوي شوي يا نبع الحنان اي نعرفوه مش يعني نعرفوه نعرفوه هو مالك وحسام يعرفوه وعبدالله وبابا يمكن يعرفوه عموما هو صاحب مشترك بين حسام ومالك
ماما : من هو صاحب مالك نعرفهم كلهم
انا : معصب اسمه
ماما : مصعب 😳مشاء الله عليه بس كيف شافك 🤔🤔
انا : يقري عليا 😃
ماما : كيف يقري عليك وهو دكتور 😒😒
انا : العب دكتور 😳 يعني هنزوج دكتور اخخ حلم حياتي تحقق 😍😍
ماما : تحشمي ع وجك مزلنا ما وفقنا ولا هو طلب 😑😑
انا : تي يا نبع الحنان موافقه نا ماهو نا اللي هنتزوجه وهو هيطلب ما عليك 😃
ماما : به اسكتي را يسمعك مالك يقتلك 😑💔
انا : اوك
وكملت اكل من الطنجره ضربتني ماما ع يدي
ماما : معش تاكلي هناكلو مع بعض 😡😡
انا : به 😖
وطلعت وبدلت دبشي ونزلت لقيتهم حطين الاكل قعدت وتميت ناكل ومالك يشوفلي كل شوي
انا شفتله : تي خليني نسمسم وانت حاط عينك في تبسيي 😑💔
مالك: تحكي معاه 😡
انا : من 🤔
مالك : يعني من مصعب تحكي معاه 😡😡😡
انا بغباء : مصعب من 😕
مالك : مصعب صاحبي اللي يقري عليك 😡
بابا: شن في يا مالك
مالك : اصبر شوس جاوبي انتي 😡😡
انا : استاذ مصعب نحكي معاه اها اليوم طلعني برا المحاضره 😕
مالك : طلعك من المحاضره 😕
انا : اي رنت عليا ندى وشفت الندى : بعد خطرها شن تبيني
ندى : بالغلط 😅😅
انا : كنت حاطه الفون عام ولما ران قال وتميت نقلد فيه : التليفونات صامت ع ما اظن مفروض تكونو حافظين تفضلي اطلعي يا انسه ومخالنيش اناقشه حتى وقبل ما نطلع قالي شن اسمي عشان امس تاخرت واليوم تلفون واجد 🙄 قلت اسمي قالي انتي اهت مالك قتله اها قالي به اطلعي قبل ضربته استفزني 😑😑
مالك : بس
انا : اها بس شن تبينا نقولو اخرى🌚💔
مالك: شي 😤 يا باتي مصعب طالبها شن تقول
انا : طالب بابا والله طالبني نا خذ رأيي 😑😑💔
مالك : سكري فمك 😑😑💔
بابا : والله هو راجل كويس بس القرار لسلا
مالك : دامك شايفه كويس خلاص هذي مش هتفهم مصلحتها اكثر منا هنعطيه الموافقه هو اصلا مينرفضش
بابا : القنه ما ينرفض تمام عطيه الموافقه
انا: ماهو نا شماعه متاخذوش رأيي 🌚💔 من قاللكم اني موافقه
مالك: محط طلب موافقتك وهتزوجيه غصب عنك 😤😤
انا : مواليد الكم هو شكله كبير 🌚💔
مالك: بنفس عمري 😑💔
انا : مبين عليه بداية الثمانينات الحق 😕
عبدالله: تي كيف هيتحملك 😹😹😹💔
انا : هو يطول 😌😌
مالك : القنه صاحبي صعبان عليا 😹😹😹💔
انا : 😑😑😑😑💔
كملنا غداء وغسلنا المواعين ومشيت نا وندى نجهزو في ارواحنا عشان عرس صاحبة ندى ...
نا لبست فستان عنابي طويل و كتافه طايحات مع كعب بيج و روج عناني
وفردت شعري ودرته فلو خفيف بكل من الاطراف جاء طول الفستان وبخيت برفان قوتشي خفيف ومسكره وايلاينر وندى لبست فستان اسود قصير مع سندل كعب اسود وبخت برفان ما اروعك وشفنا البعض برضاء عن شكلنا
لبسنا عباياتنا ونزلنا لقينا مالك قالب وجهه مش عاجبه مشيتنا
مالك : شن اللي حاطته ع وجك منك ليها 😳😳😳😳
انا : ميك اب 😃💔
مالك : اغسلي وجك يا فرخه انتي وياها والله مفيش مشي 😡😡😡😡
انا : باااباااا شوف ولددك 😑💔
بابا: مالك سيبهن ماشيت المكان كله صبايا 😑😑💔
مالك : يركبنش معايا هك يلبسن خمارات 😡
بابا : يلا يا بابا البسن خمارات
انا : اوك 😑💔
ولبسنا وطلعنا ومالك قالب وجهه
وصلنا للقاعه
مالك : نص ساعه ونجيكن
انا : نص ساعة شنو تي ختى العروس ما تجي في نص ساعه بعد يكمل العرس هنرنو عليك 😑😑💔
ونزلنا وهو عدا
خشينا للرسبشن وحولنا الخمارات
ندى : تي نموت ونعرف كيف تحكي مع مالك هك نا مغير يشوفلي نموت 😕
انا ضحكت : مانتي خوافه 😹😹💔
وخشينا اول ما خشينا عطونا بوكس صغير وعصير وميني كيك مشينا وقعدنا ع الطاوله تبين كل شي عشان نعيشو العرس لحظه بلحظه 😹😹💔
وقعدنا بعد سلحنا عبايتنا شوي وجتنا اخت العروس وسلمت علينا وحكت معانا شوي وعدت وبدا جو العرس
انا: نبي نرقص 😍😍❤
ندى : اقعدي بلا فضايح 😑😑💔
شوي وجتنا اخت العروس اسمها وئام
وئام : صبن ارقصن كان تعرفن را مفيش حد من العيله يعرف مغير ريم وتذل فينا 😑😑💔
انا ضحكت : تي وينك من بدري 😹😹😹💔
وئام ضحكت : صبي صبي
انا صبيت معاها وخذيت الوشاح وعلقو احلام اليمني وتميت نرقص عليها وكنت نرقص بطريقه حلوه
جتني مرا وتمت ترقص جنبي وحسيتها تبي تنزلني بس ع مين يا عسل تميت نرقص نا وياها شوي ونزلت هي وتمت تصفق
وائام : ايوه سلو قويه 😹😹😹❤
انا ضحكت
وائام : نعلقولك مصري
انا : اعلقيلي خطوه
وائام : تم
وعلقت خطوه
وركبت معاي
وائام : نا ليا في المصري مش هتنزليني
انا ضحكت : هنشوفو
وبدينا انتراقصو عليها وكنت نا خير 😌✌🏻
شوي ونزلت ورقصت نا شوي ونزلت وفكيت الوشاح وقعدت ع ااطاوله
ندى : وسعتي خاطرك 😹😹
انا : مش مغير 😹😹😹💔
شوي وجتنا مرا وقعت معانا : بشنو تعرفن العروس انتن
ندى : صاحبتي
المرا : اها العيت من انتن
ندى : العيت ....
المرا : اها هلكم مشاء الله بنات ريم انتن
انا : اها
المرا شافت الندى : كم عمرك انتي
ندى: 22
المرا :تخرجتي
ندى : لا مزلت خامسه طب
المرا : اها به محكي فيك مخطوبه والله متزوجه
انت : لا مزالت
المرا : اها به كويس وانتي
انا : كني
المرا : محكي فيك
انا: شبه مخطوبه
المرا : اها ربي يتمملك ع خير
انا : انشاء الله
المرا شافت الندى : والله خشيتي خاطري نا عندي وليدي ضابط وندورله في بنيه ومن اول نا شفتك هك خشيتي خاطري وتميت نبيك له هنتفاهم مع امك بكره انشاء الله
وصبت وعدت
انا : شكلها قصقاصه 😕
ندى : عيب يا فرخه 😑
انا: وين بدينا في دفاعات حماتي من توا 😹😹😹💔
ندى وجهه تما حمر : لا يا حيوانه
انا ضحكت عليها
شوي وجت العروس وسلمتا عليها وجو وجاء العريس بعد مده وروحت طلعت فوني نبي نتصل بمالك لقيت 10مكالمات منه وفوني صامت طبعا😹😹💔
كلمته
مالك : الحمد لله تكرمتي وتنازلتي ورديتي 😒😒
انا : كان صامت 😕 عموما تعال خذنا 😃
مالك : قاعد قدام الباب تعالن 😑💔
انا : اوك 😃❤
وسكرت وطلعت نا وندى ومشينا للسياره كان مصبي مع ........يتبع
بيسو ....
