احبك يا بنت عمي
🔸الفصل الثاني🔸
مي ومنار قعدوا يلعبوا فترة كبيرة تحت المطر وبعد كدة روحوا
مي اول ما دخلت البيت
سعاد : اية دة يا مي مجتيش لية اول ما ابتديت تمطر
مي : اعمل اية في منار المجنونة
سعاد : طب يلا بسرعة غيري هدومك
مي : حاضر يا ماما
غيرت مي هدومها ونامت
وعدا شهرين وخلصت مي امتحانات نص السنة
وفي يوم
سعاد : مي يامي يامي
مي : طلعت من اوضتها جرى على اوضة مامتها و أول ما دخلت الاوضة أمها اغمي عليها
مي قعدت تعيط ماما ماما قومي اية جرالك يا حبيبتي مي طلعت بسرعة على جارتهم أم منار وقعدت تخبط على بابهم بسرعة
أم منار : مين إلى بخبط على الباب كدة استر يارب
منار : مش عارفة يا ماما
اول ما فتحت الباب لقت مي بتعيط
مي : الحقيني يا طنط ماما اغمي عليها ومش عارفة حصلها اية
أم منار : متخفيش يا حبيبتي، منار اتصلي بسرعة بالاسعاف
منار : حاضر يا ماما
وراحوا مع مي جرى على الشقة وجت عربية الإسعاف وخدت سعاد
في المستشفي
الدكتور خرج من اوضة الكشف
مي : خير يا دكتور
الدكتور : مرحلة متأخرة من سرطان وكان لازم تبدأ بالعلاج الكيماوي من فترة
مي : سرطان
الدكتور : هو انتوا مكنتوش تعرفوا ولا اية
أم منار : سكتت
مي : انتي كنتي عارفة يا طنط ؟
أم منار : اة يا بنتي بس هى حلفتني مش اجبلك سيرة ورفضت العلاج الكيماوي لانة مكلف وقالت عشان تسبلك حاجة تسندك من بعدها
الدكتور : طب استاذن انا بس حالتها متدهورة ومفيش حل غير العلاج الكيماوي
مي : يحرق الفلوس يا طنط مقولتليش لية حرام عليكي لية
سمعتي كلام ماما انا دكتورة و عارفة ، كدة يا طنط هعيش من غيرها ازاى
أم منار : سامحيني يا بنتي والله هي حلفتني غصب عني
منار : اهدي يا مي أن شاء الله هتبقى كويسة
مي : يااااااارب
مي : راحت للدكتور وقالتلة يبدأ العلاج الكيماوي وكانت بتحاول تبتسم اول ما تشوف مامتها
عدا شهرين وكل الفلوس إلى معاهم خلصت ومبقتش عارفة تجيب حق العلاج منين
وفي يوم قاعدة هي ومنار في الصالة
منار : طيب هتعملى اية
مي : هسيب الكلية واشتغل
منار بصوت عالي : اية تسيبي الكلية
مي : وطي صوتك امي تسمعك
منار : انتي مجنونة ازاى تسيبي طب
مي : آمال يعني اسيب امي تموت وقعدت تعيط
منار : سكتت ومكنتش عارفة تنطق
أم مي كانت واقفة ورا الباب وسمعت كل حاجة واغمي عليها
منار : طب يلا نروح نشوف طنط
دخلوا الاوضة لقوها مغمي عليها
مي انهارت
نقلوا سعاد المستشفي
سعاد : فين مي يا منار
منار : برا مع الدكتور يا طنط
سعاد : طب انداهلها يا حبيبتي
منار : حاضر يا طنط
دخلت مي واعطت مامتها بوسة فوق رأسها سلامتك يا ست الكل
سعاد : الله يسلمك يا قلبي
مي : انا كلمت الدكتور وهنبتدي الجلسة بعد شوية
سعاد : اسمعيني يا مي انا خلاص يا حبيبتي باباكي مستنيني وانا شيفاة
مي : لا يا ماما متقوليش كدة هتخفى يا ماما
سعاد : مهما حصل معاكي اياكي تسيبي كليتك مهما حصل يا مي دة حلمنا من زمان أننا نشوفك دكتورة قد الدنيا
مي : حاضر يا ماما بس ارتاحي انتي متتعبيش نفسك
سعاد : اسمعيني يا بنتي لازم ترجعي لأهل ابوكي
مي : انا مش هسيبك ومش هرجع للناس إلى اتبروا من بابا وطردوة
سعاد : دول مهما كان أهلك وهما اولى الناس بيكي هي دى وصيتي ليكي يا مي
مى : قعدت تعيط وكمان منار وكمان أم منار
سعاد : حطت ايديها على شعر مي خلى بالك من نفسك يا بنتي
سعاد : أشهد أن لا إله إلا الله وأشهد أن محمد رسول الله وماتت
مي : لالالالالا متسبنيش يا ماما انا مليش غيرك وانهارت وقعدت تحضن في أمها
منار كمان انهارت
أم منار : مسكت مي وطلعتها برا وحدي الله يا بنتي
مي : هعيش من غيرها ازاى بس يارب خدتها منى لية
أم منار : وحدي الله يا بنتي ربنا مش بينسي حد
وانهارت مي واغمي عليها
ونكمل الحلقة الجاية أن شاء الله
أتمنى أن تنال اعجابكم ❤ ❤ ❤ ❤
