ليه عملت كتاب مشوار السعادة وليه اخترت بارت 19 بالظبط عشان احكي عن هدفي وما عملتو في اول الكتاب ⁉
طيب اول شيء كنت قاعدة وبفكر في حالي من سنة وشوية لما كنت حاجة مظلمة كدا ما بتكلم الا للضرورة وم برد على زول وما بتونس مع اي بني ادم وطول الوقت سرحانه وفكري مشغول ولمن كانت علاقاتي مع اقرب الناس لي مرهههقققااااني لمن كان نهاري ليل وليلي نهار عشان ما عاوزة اكلم زول وعاوزة اكون برااي لحدي ما دمي اتحرق من السهر ولحدي اسي في الاضرابات دي ....اتذكرت كل الحاجات دي فجأة وبقيت بفكر في الحاجات الخلتني من زولة زي دي ☝ابقى زولة فرفوشة وبضحك على اتفه الامور 😂...وخفت
-خفت من شنو بالظبط ؟،!!😕
خفت انسى كل الحاجات اللي ساعدتني دي و ارجع تاني لحالتي الفاتتت لانو انا انسان وبينسى وقررت زي ما بعمل كلو مرة اني اكتب الحاجات دي عشان كل ما اضعف ارجع اقراها والحاجه دي عندها مفعول السححر 🌟انك ترجع تاني تقرأ اسباب سعادتك حتحس انك عاوز ترجع تاني للسعادة دي وحترجع 💝...وبعد ما فتحت مذكرتي اللي بكتب فيها دايما افتكرت انو ليه ما اخلي كل الناس تستفيد من النصايح دي بدل ما احتكرها لي انا وبما اني اصلا بكتب روايات على واتباد اخترت اني اعمل الكتاب واساعد اي بني ادم عشان كلكم اخواني في الله وبتهمني سعادتكم ونفسي نكون كلنا مبسوطين لانو كدة حنقدر ننجز وبلاش بالله نحجز نفسنا في مراية الاكتئاب الووههههمييية ايوة وهمية بعد ما تعاينو ليها من بعيد وبشوية عقلانية بعييدا عن العاطفة حتلقوها ولا شيء وحتندمو على الوقت الضيعتوهو وانتو حاجزين نفسكم فيها صدقونو بس جربو ...
(🎶والمشكلات ستصغر لو نراها من بعييييييد🎵 والخوف الذي تملكني لم يعد منه مزيييييد🎶 ....قد حان الوقت لانتصارات كي اختبر كل القدرات بلا حدووود تمنعنيييي امضيييي....🎶)👈بعشق الفلم دا وحاضراهو 100 مرة 😂💜...
حاعمل بارت كامل عن الاكتئاب بإذن الله ...
اما بالنسبة للبارت 19 كل الموضوع انو دا يوم ميلادي 😄ورقم مميز وجميل 💛 فعشان كدا اخترت اخط فيهو هدفي 💕....+ اني دايما بدي الحاجات البتخصني اهمية وبحاول اخليها في كل خطواتي عشان احس باهتمام نفسي اكتر 😂 الحاجة دي بتفرحني بصراحة .. .
دا كان كل شيء عن السبب وبتمنى الكتاب يفيدكم ويعجبكم .....
# في رعاية الله 💕
