اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اقرووهه عمره خساره الي ميقراهه
..... حياتنه بدون بابا تدهورت كولش...صرنه منعرف شلون نتصرف ...انمار يحاول يكابر ويبين النه هو ممهتم ...وراح تنحل ...گاعده يم شباك الغرفة و لامه رجليه وصافنه افكر ليش كل هذا احنه ليش وصلنه احنه شوصلنه لهاي المرحله معقوله اني السبب اوگفو خلي أتذكر هذا الاسم "الضابط جود" يا ضابط وحق بابا اله اندمك واخليك تطلع بابا وانته ممنون ....ومرت لحضات من الهدوء ....
سمعت صوت عالي جاي من جوه...فزيت من صفنتي ورحت اركض لجوه ...لا يا الله ...عطت صووت
ملاك...انماااار ورحت ركضت عليه ولزمت ايده وعتيتهه بقوه و خزرته وگتله شلوون تتجرأ تضرب جنه ليش شسوينالك ليش مستخلي بينه بخلاف بابا وركضت على جنه وشبگتهه جانت فاحطه من البجي ...تقدم عليه انمار وهو يرعد وعيونه ناطه من العصبيه ماعرف شبي هذا الثاني واگفلنه على زله وصاح بصوت رح البيت رج وهو مقدم اصبعه بوجهي انمار...وللللج شلوون تتجرئين تناقشين اخوج الأكبر ولج شووو صايره قليله احترام
باوعتله هذا شبي ليش هيج صاير ...گمت وگفت على حيلي بهدوء وخرت ايده عن وجهي و گتله
ملاك..انمار شكلك انته مو بحيلك ولا بوعيك ما اگدر احجي وياك هسه إلا لمن تهدا ودرت وجهي على جنه لزمت ايدهه وگومتهه ودخلنا للغرفه بعدما تركنا اخونا يرعد ويهدد برا واسمع امي تهدي بي ... باوعت على جنه الي مغطيه وجهه بكفوف اديهه ولاول مره هيج يسوي انمار هو جنه مو اخوان لا أصدقاء تقدمت عليهه جانت گاعده على السرير وگعدت بالگاع لزمت اديهه و وخرتهم عن وجهه وگتلهه
ملاك..ها جنيوه تزعلين من انمار ولج معليج بي والله هو ديعاني خطيه كلشي تكوم فوگ رأسه لتزيدين عليه باوعتلهه شلون عيونهه حمر نزلت من على السرير و حضنتي وضلت تبجي مثل الطفله اووف يا بيتنا بعد شتتحمل من مصائب غصب عني نزلن دموعي اسمعهه تگول جنه...ملاك والله بعد ما أتحمل كل انسان اله طاقه واني طاقتي خلصت من بابا إلى ماما وهسه كملهه عليه انمار خلص خلص ملاك اني بعد ما اكابر
وخرت عن حضنهه وباوعتلهه و وخرت خصل الشعر المتلاصقه على وجهه ولزمت وجهه من الجانبين بكفوف اديه...
