صدفة مراهنة(مكتملة)

البارت الاخير حصراً

بدت ساعه الصفر اضغطو اعجاب و شاركوهه وي اصدقائكم

اعطوني ارائكم
.............

اباوعله شلون فتح عيونه بوسع و يباوعلي يحجي و هو متوتر
جود...ملاك ملاكي صدگ هذا الحجي احجي عيدي
ملاك...ااا انسه جود انسه كلشي كاافي
جود...شلوون انسه موو هيه هيينه ملااااك اني....

درت وجهي عليه و خليت اديه على شفايفه
ملاك...اذا عندي ذرة معزه عندك لا تحجي أي شي كافي

هز راسه و وخر ايدي من على شفايفه و باس باطنهه جريت ايدي و خزرته ابتسم
بله هذا عليمن يتبسم

كملنه الطريق كله ساكتين و نصه نايمه كنت گاعده دگ الموبايل
الاب...هاا حبيبتي گليلي اخباركم
ملاك...هلا بابا زينين كلشي ماكو هسه راح نوصل
الاب..أي بابا و الله هذا اخوج بلاني شوفهه وين صارت
ملاك...يعمري سلملي عليه اشوفكم على خير

غلقت الموبايل و رجعت حطيت ايدي تحت خدي و اباوع للجامه
جود...ننزل ناكل جعت كلشش
ملاك..ما تنزل تاكل منو لازمك اني ما اشتهي
جود...ملاك تره ما يصير هيج هاي ثالث مره ننزل و متاكلين شنو شبيج احجي
ملاك...يعني شنو هيه لبسه و هم تجبرني عليهه بكيفي ما اريد تره و الله هسه اذب روحي من السياره و ابليك
جود..استغفررك ربييي

نزل هو و اني ضليت شويه و اجه جايب اكل و خلاه يمي ما تدنيت و لا اكلت

لمن وصلنا
..................

بتول...قبل اسبوع

گاعده بالليل و حايره بهمي الي كل واحد شامره بكتر شويه و اجت رهف تركض
رهف..الحگي ولج الحگي
بتول...يااا خير يا ستار
رهف...اجه اجه واحد يريدج و يگولون دافع مبلغ يكسر ضهور يوفي دين اخوج و يزيد
بتول...هههه تتشاقين هذا شنو منو

گاعد احجي شويه و اسمع صوت راشد و حازم من ورا
راشد...بتول حضري نفسج باجر جايب امه و اهله الج
بتول...و الله خوش مو اني سلعه عندكم كل ما تردون تبيعوني تشمروني شنوو سالفتكم تره اني بشر
حازم...اگلج لا تضلين تونين ما عدنه غير هذني الخيارين هذا الولد و الشايب سالفتج

لزمتني امي تهدي بيه حتى لا ادوس بالحجي
همه طلعو و كانو ما مسوين شي ضليت احوس احوس باجر العقد و النيشان

طلعت ركضت لغرفة رهف دگيت الباب و دخلت
بتول...رهف اريد احجي ويا قبل ميصير العقد و النيشان حبابه رهف حياتي بايدج
رهف...يااا جا اني شنو بايدي الج
بتول...حاولي تاخذين موبايل حازم رهف اترجااج
رهف...أي أي شبيج حتى راح تموتين اني ادبرهه

رجعت لغرفتي اروح منا و ارجع منا اخير شي رحت لفراشي و غفيت ما احس الا و و احد فوگاي و اني طفرت
رهف...اگعدي ووولجج اگعديي
بتول...هااا هااا گعدت احجي
رهف...هاج اني جبتلج الرقم و الباقي عليج و ما دخلني بيج و اذا صار شي لا اعرفج و لا تعرفيني لا تورطيني وي حازم ابدد
بتول...يييله مااشي