عزوزتي الحرفه

نصيب

#عزوزتي_الحرفه
الحلقه :السابعه والاخيره
بقلم فاطمه سالم الورفلي
.....

غيثيه :بنسحرها

اني بي ابتسامه صفراء:احم... اهلا.. خيره وشاحي تبيه

غيثيه مرتبكه:ااا اه اا اي اي نبيه

اني :هههه علاش تاخدي في هدا بايد... خلي نعطيك واحد اخر

غيثيه :لا عادي حتى هدا

اني فكيته منها :لالا غر هاتي هاتي

....
خشيت لدار واني خايفه... وفتحت الدرج وطلعت وشاح جديد عمريش لبسته.. وعطيتهلها وهي خداته بي عين تبكي وعين تضحك

.....
وفاتو الايامات... وكل يوم نشوف مره سليمه ومره غيثيه تعطي في حاجه لي مصباح... وقلبي محروق حرق... في يوم من ايام...مشيت لي عزي جارتي وقتها بنتها توفت قعدت نفرق في الحنـةه يوم فراق السو... وفرفت بي اللود لايـد على الكل ولين وصلت في اخـر الصالـةه قابلتني بنـيةه صغيـرةه ومعـاها عزوز... والبنـيةه كانت مشدقـةه وبيضـةه لين حمراء وتناغي وتضحـك... عجبتني هلبااا❤... طبستلها وخديـت الحنـةه من الصـونيةه وحطيتهلها في ايدها وغطيتهلـها بالمـنديل وبوستـها..... شوي وسمعـت صوت عـزوز..تقول : "ربي يكون في عونك يا بنيتي... وديري بالك من حوشك وردي بالك تقزني صغيويرتك...جايك ضيم ومرار من هل دارك
....
استغربت!!! لكن رعشت وكشيت في بعضـي من كلامـها... التفتلها لقيتها تشبحلي!!!..وقلتلها بي استغراب ورعشـةه

انـي:نعم يا امي!

العزوز هزت راسـها وتنهدت :ديري لي قتلك عليـه وسلمي امرك لله لي ما يضيع ودايعه

اني بخوف :حاضر حاضر .... " ونضت واني خايفـةه ودقات قلبي في الالف وسمعت العزوز قالت:يا نويرتي عليها ربي يصبرها وخلاص
....
الأحباب يالأحباب بعد الدّالة
جرّبتهم ولقيتهم ختالة
الأحباب غرّوا بيّا
في القلب ما عندي ليهم نيّة
إني حالفة ومكتفات ايديّا
ما نخش غنّة حبلها نخّالة

ما فيهمش واحد طيّب
لا البعيد لا اللي حذاي قريّب
في غيبتي ولّا حنش وينيّب
يمضغ ذراعي كيف يتعداله

ما فيهمش واحد صافي
غير العزارة يلعبوا في قفافي
واني نحلب في الحليب الصافي
وهما يدانولي عقاب غسالة

ومن يومتها خايفه وكل يوم نقول زعما شن بيصير...لعند في ليله بلا ضحاها لقيته متزوج غيثيه.... اخخخ محرها ياناس.. قداش نقهرت
...
وخش عليا مصباح ومعاه غيثيه
..

مصباح :انتم جارات وتعرفو بعض... وبالله ما نبي مشاكل.. هنوني وهدا شرع ربي

غيثيه بخبث:حاضر حبيبي

مصباح ارتبك:اا خلاص خلاص هي غيثيه

غيثيه شبحتلي بمكر وقالت:هيا هي ياروحي