#عزوزتي_الحرفه
الحلقه :تالته
بقلم فاطمه سالم
......
...
اااه ياربي ساعدني ساعدني ياربي راني تعبت تعبت خلاص واني في عز بكاي سمعت عزوزتي تقول
عزوزتي :الا ما نزوجه ولدي... اما عاد تبدا تمكر فيه والله هادا ما نراجي منها هلمفعوصه
حميده :غر فوتي هلايامات... وبعدين اني نخطط لموضوع هادا
عزوزتي :ان شاء الله تزوجيه غوله مهم نسحنو كبدها بنت التارزي
حميده :كوني هانيه
....
قعدت ناكل في روحي... وحتى النوم طار من عيني... لين دورره نسمع في صوت جاراتي ..
سعديه :سميره.. يا سميوه
نوريه "عزوزتي " :خشي خشي يا سعيده
مبروكه :زعما راقده؟... رجعه قالت مبكريكا شافتها مروحه من حوش اماليها في هدكايا الصقع... لواه خيره العفو مصباح مخليها هكي
نوريه طرمت شواربها :والله هوا هادا بلكي ما عنداش بنزينه وليدي... كان هادا ما يخليهاش مراته تردح على رجليها
مبروكه بخبث:لالا يا خيه مصباح فات بسيارته من حداها
حميده ونوريه تخزرطو....ومعاش عرفو ما يديرو
نطت سعديه ترقع :غر نشوفوها احني
"اني نسمع فيهم وسامطتني في كبدي... حتى جيران يضحكو علينا اخخ ياربي... فتحت الباب واني خطوه قدام وعشره لاورا . . . لين طلعت عليهم
مبروكه :اهيا جت... اهلا اهلا
سعديه وقفتلي :كيف حالك شخبارك سميوه...
اني :حمدالله في نعمه
سعديه: اني نبي بنيتك طشيشه بس
اني ضحكت بحسن نيه:هوينها في دار نوم راقده نوضيها
ناضت سعديه ولحقتها مبروكه كيف فريره... مشي نوريه ما عاجبهاش الوضع نخصت بنتها حميده... ولحقتهم
نوريه :خليك فطينه يا بهيه... حوشي ما نبيه رديف
اني لفتت وجهي عنها غادي وخليتها تنقنق..دوره وجت سعديه ومعاها بنتي موده ومروه....وفي جرتها مبروكه واخر وحده حميده شكلها سقدتهن 😂
مبروكه :تعرفو زهرة جارتنا في شارع الدوني راجلها تزوج عليها مره اخرى
نوريه :لواه مش على اساس حالتهم على قدهم وحكاية
سعديه :رجاله مليهمش امان
مبروكه بضحكه :عاد ردي بالك يا سميوه مرات مصباح يديرها!
سعديه ضحكت وقعدت ترقص في وتغنيلها ومروه تناغي :وبوك بيجيب مراه وبوك بيجيب مراه
نوريه وحميده يشبحو لبعض ويضحكو
مبروكه بخبث :.... يتبع
شورهم نوريه وحميده مش ناويين على خير 😁
