الشيخ فهد والعنود

البارت السابع '

الگآتبهہ‏‏ شـهد آلطـآئي 👸🏻🐯'

العنود : من سمعت كلام المغرور وصلاح صدك حسيت بشعور حلو واخواني مو وحدهم اكو من يسندهم همه وابوي بعدين خلصنه وقفلنه البيت ودعنا بالدموع واتجهنه للمستشفى حتى ناخذ بابا
واول مادخلنه للغرفه شفت مو بابا واحد ثاني الوجهه اصفر شكله نحلان ومهزوز كبل رحتله اركض وابجي يابه اسفه كل الصار وياك بسبب اسفه والله

ابو صلاح : كومي بنيتي انته ماغلطانه تربيتي واعرفج اكثر ماعرف نفسي كومين وشدي حيلج لا تضلين تبجي ميلوكلج البجي انتي لبوة كاظم لا تنهزين بكد الشعره

العنود : كلام ابويه ريحني كلش مثل الواحد جان يريد ينتحر وسمع صوت القرآن وارتاح وماانتحر هيج وضعي
نوب بعدين سلمن علي اخواتي وهم يبجن وكاعدنه كلنه وفات المغرور

شيخ فهد : السلام عليكم

الكل : وعليكم السلام

شيخ فهد : ها عمي شلونك اليوم

ابو صلاح : زين الحمدلله

شيخ فهد : يعني نتوكل ونروح للبصره

ابو صلاح : اي بويه نروح بس احمد وين

شيخ فهد : احمد راح لبغداد مساع خابرته كلتله تروح ويانه كال فد يومين واجي وراكم لان صديقه ابو ميت وكال زحمه اعوفه

ابو صلاح : ها خير ان شاء الله

شيخ فهد : صلاح تعال وراي

صلاح : ها فهد

شيخ فهد : شوف صحت عمي مو كلش تمام ف راح نروح للبصره ونشوف شلون نحل المشكله بس من غير مااعمي يدري
واذا سئل ع احمد كلوله رجع للبيت يكول ميصير محد يضل بالبيت

صلاح : بس شلون مانكله

شيخ فهد : شبيك صلاح اذا حجيناله اخاف يصير بي لا سامح الله شنسوي بذيج لحضه ف خليه من جوه ليجوه

صلاح : وباسم وعمي طه اذا كالوله

شيخ فهد : ابن امه وابو ليحجي حرف اعرف شسويلهم

صلاح : خير ان شاء الله هسا خل نمشي بس خل نطلع من الكربلاء

شيخ فهد : صلاح اول منوصل شكو شريحه لكم كسروه وتحركونه وها احمد هسا خابره كله خل يغيره لان كلشي يصير

صلاح : اي والله هسا راح اخابره

شيخ فهد : انه رايح العمي اطلعه انه ولولد وانته شوف عمتي واخواتك

صلاح : ماشي

العنود : اجه المغرور ويا 2 شباب بس من صاح لواحد محمد تذكرته لجنت اكتله واخذ قمر الدين مالته 😂
لو مو هذا حالنه جان اروح اذكره بسوالفنه قبل بس يمكنه ماتذكرني لان جان اصغر مني طلعو ابوي وكال فهد انتو ظلو ع ماصلاح يجيكم انه راح اخذ عمي وياي