الشيخ فهد والعنود

البارت الثامن'

الگآتبهہ‏‏ شـهد آلطـآئي👸🏻🐯'

العنود : امي كالت كومي ساعدي عمتج وهديل وانه صحت للبنات وياي حتى نساعده وجان اطلع من الغرفه كفخني عطر يسطر الواحد يخبل لتفتت اريد اعرف منين هل عطر
وجان اشوف المغرور واكف باب المطبخ وياخذ خيار من هديل وياكل فتت من يمه وجان هوه الحاط العطر
بس كرهت حتى العطر للاسف 😒

آلعنود : ضلينه نساعد عمه سمر وهديل وصبينه غده للزلم واجو ولد ماعرفهم بس ولد عمي عكاب اعرفهم بس مضلينه بالمطبخ
لان المغرور كال فوتن جوه وحس مااسمع بعد ماشالو بدينه نصب لنه وتغدينه وبدت الحر العالميه الثالثه وي المواعين
عمه سحر اخذت الجاي وكلناله كعدي احنه نغسلهن
يوو يمه هلكنه كد ماغسلنه خلصنه صعدنه لغرفه هديل دلتنه عليه اني والبنات بيه وامي وابوي بغرفه وصلاح وحده بغرفه
رحنه صعدنه سبحنه ونمنه ولليل يلا كعدنه

حوراء : ولجن كومن ساعه سبعه ليل

العنود : دروحي وعوفينه ميته تعب ونعسانه

حوراء : ولجن عيب هسا شيكولون علينه

زهراء : عيب علينه انتي روحي حتى ميكولون عليج شي
بس لا تضلين تصيحين بصوتج البشع يم روسنه

العنود : اووووف يلا زهراء كومي صدك فشله

زهراء : ترى والله نعسانه 😭

العنود : لعد انه الصاحيه دكومي وبعدين نام

زهراء : اييييي كمت ياربي لو تخليني انام لو تاخذ روحي 😭

حوارء : 😂😂 شكلج يضحك

زهراء : لججج حماره ولي عني

حوراء : صايره مثغفه بنت كاظم 😂😂

زهراء : هسا له تنكتلين يلا سكتين

حوراء : دروحي روحي انتي وكفشتج جنج خبل

العنود : كافي بنات صوتكم ترى احنه مو بيتنه لا تنسون يلا زهوره كومي غسلي وخل ننزل

زهراء : ماشي 😩

العنود : نزلنه وسلمنه وكعدنه انه كعدت بحضن ابوي والبنات بحضن امي لان ع طول البنيه الجبيره تصير المدلله تبع ابوه 😌

الشيخه ياقوت : يمه فدوه للبنيات شحلاتهن ولج عنيده ذاك اليوم شكبرج صغيرونه وهسا مره

العنود : بيبي لسا تصيحين عنيده ترى كبرت وبعدين اسمي العنوود ميصير هيج 🥺

شيخه ياقوت : ايي والله وصدك كبرتي ويراد نزوجج

العنود : يوو بيبي عفتي السالفه كله ولزمتي مال كبرت ترى جذب بعدني صغيره

ابو صلاح : شيخه لا تحجين هيج ترى كلبي ينقبض مااكدر ع فراك العنود هاي لبوة كاظم الاولى