الشيخ فهد والعنود

البارت السادس والعشرون'

آلكآتبــه شـهد آلطـآئي 👸🏻🐯'

انا لا أنتقـم أنا أعيد الشخص غريباً كما كان 😉🤘🏻"

💙.. 🧚🏻‍♀️.. 💙. 🧚🏻‍♀️.. 💙.. 🧚🏻‍♀️. 💙.. 🧚🏻‍♀️.. 💙

آلعنود : صارت الساعه 4 العصر رحنه
انه وهديل للصالون ع مود يسولي مكياج
بناتي حلو وتسويلي ذبه بحواجبي حلوه
وعفناهم يحضرون نفسهم لان الحفله
تبدي ساعه ب 5 ونص وتخلص ب 8 بليل
ماتاخرت اقل ساعه ورجعنه للبيت خابرنه

علي واجانه اخذنه اول ماوصلنه للبيت
كلتلهم يلا خل نروح ماعدنه شي وانطلقنه
للقاعه انه وهديل ولبنات ركبنه وي صلاح
وعمتي وامي وابوي وي علي وبيبي وي فهد

اول ما وصلنه للقاعه دليتهم ع الطاوله مالتنه
وكعدو وانه رحت لصديقاتي ضلينه نصور وشي
بعدين بدت الحفله ودخلنه كل 2 طلاب سوه
انه اختاريت صديقتي رقيه تفوت وياي
زحمه افوت وي ولد لو شي شعور كلش

حلو من تفوت واهلك فرحانين وامك
طش جكليت وتهلهل وبيبتك تهلهل وتصلي
ع محمد وابوك عينه مدمعه من الفرح
واخوانك فرحانين ويصفكون شعور يخبل

نوب صاحو باسماء الطلاب حتى ينطوهم
درع وبي صورتنه وصاحو ب اسمي اول
ماصعدت ع الاستيج وتفاجئة بدخول احمد
للقاعه ومبتسم وديباوع يمكن يريد يشوف

وين كاعدين باوعلي ولوحلي بيده(بمعنى هاي)
نزلت من الاستيج وكمت امشي سريع واخر
شي ركضت ورحت ذبيت نفسي بحضنه
وهوه كبل اخذني بين ادي وكال

.

احمد : يروح اخوها ليوم خريجه يمن
فدوه ونذر لاخيتي

.

العنود : من كال هيج نزلن دموعي وهل
مره دموع فرح واخيراً رجعت علاقتنه

.

احمد : هاج هاج كلنس مشي (مسحي)
عيونج وخشمج فضحتينه بين العربان
نوب راح المكياج طلعتي زلمه خشن

.

العنود : دروح والله انثى اطك بالكاع هههه

.

احمد : يالانثى راح يطردوج من الحفله
ماتشوفين الناس تباوعلنه ومنتظريج
ع الاستيج يلا روحي

.

العنود : شكد ماجنت فرحانه بتخرجي
وفرحة اهلي لي شكد ماهسا الدنيه
ماوسعتني داحس هم ونزاح مني
لان مو سهل تشوف اخوك سندك ميحجي وياك
وياتجاهلك وميحب يشوفك بس الحمدلله

رحت اخذت الدرع وشي واعتذرت
لان انتظروني نوب نزلت رحت كعدت بين
احمد وابويه نوب جابو الكيك قطعته
وزعنا علينه جانت كل كيكه لطاوله
بس انه طلبت بعد كيكه ع حسابي ض

لان عددنه جبير ف جابولي كيكتين
ختمنه الحفله بضحك وتصوير وجانت
الاجواء تخبل بعده طفو الاغاني لان خلص
وقت القاعد وكل الناس بدت تطلع