[ Unicode ]
( Zawgyi version Below)" Gureum..."
ကျွန်တော့် ပါးစပ်ကအသံထွက်အောင် ရေရွတ်မိသည်။ မျက်လုံးများကတော့ သူမရဲ့ အကြည့်စူးစူးတွေကိုသာ တွယ်ကပ်နေရင်း...
" Kookie မင်းဘယ်နေရာကိုကြည့်နေတာလဲ? ဘာလဲ ငါ့ဘေးနားမှာများ..."
ကျောချမ်းကာ ကြက်သီးများထလာသော Taehyung က Jimin နားကပ်ကာ လက်မောင်းများအား ဖက်တွယ်ထားသည်။
Jungkook အကြည့်များအား ဆွဲခွာလိုက်ရင်း...
" ကျွန်တော် သူ့အခန်းထဲ ဝင်ကြည့်လို့ရမလား?"
အဒေါ်ကြီးက ခေါင်းငြိမ့်ပြတော့ သူမက မကျေနပ်ဘူးထင်ပါတယ်။ အမေဖြစ်သူအား မျက်စောင်းထိုးကာ ကြည့်နေသည်။ သူ့အခန်းထဲ သူစိမ်းဝင်မှာ မကြိုက်ဘူးထင်ပါရဲ့။
ကျွန်တော် မတ်တပ်ထကာ တစ်ယောက်တည်း အပေါ်သို့ တက်လာသည်။ အခန်းရှေ့ရောက်တော့ တံခါးဖွင့်မယ်အလုပ် တံခါးက သူ့ဘာသာသူ ပွင့်လာသည်။
အနည်းငယ်ဟနေသော တံခါးဝမှာ သာမန်သူတွေသာဆို ဘာမှမြင်နိုင်မှာ မဟုတ်ပေမယ့် သွေးများပေကျံကာ ညစ်ပတ်နေသော အဖြူရောင် ရှူးဖိနပ်တစ်စုံ။
ကျွန်တော့်မျက်လုံးများ တဖြည်းဖြည်း အပေါ်သို့ တက်လာသည်။
သွေးများနှင့် အညစ်အကြေးများ စွန်းနေသော ခြေသွယ်သွယ်လေးတစ်စုံ။ ဆွေးနေပြီဟုထင်ရသည့် ကျောင်းဝတ်စုံ။ ထို့နောက် ငရဲအိုင်လို ပူဆွေးခြင်းတွေနဲ့ ပြည့်နှက်နေတဲ့ မျက်ဝန်းတစ်စုံ။ တိတိကျကျပြောရရင် မျက်ဖြူသား တစ်စက်မှ မရှိဘဲ မျက်လုံးမည်းမည်းကြီးတွေ။
ဒုတိယအကြိမ် ကျွန်တော်တို့ အကြည့်ဆုံသွားတော့ သူ အနည်းငယ် အံ့သြသွားသည်ထင်ပါသည်။
ကျွန်တော့အား သူ့လက်သည်းရှည်ကြီးများနှင့် လက်ညိုးထိုးကာ...
" ရှင်.....ကျွန်မကို မြင်နိုင်လား?¿"
သူ့အသံက ကျွန်တော့်ရဲ့ နားထဲ ဟိန်းသွားသည်။
အာ...သရဲမရဲ့ အသံ။ နောက်တစ်ခါ ထပ်မကြားချင်တဲ့အသံဘဲ။
ကျွန်တော် သူ့အား လျစ်လျူရှုကာ အခန်းထဲသို့ သူ၏ကိုယ်အား ဖောက်ထွင်း၍ ဝင်လာခဲ့သည်။
ESTÁS LEYENDO
Lonely | 전정국
Fantasía" အထီးကျန်မှုဆိုတဲ့ ချောက်နက်ကြီးကနေ ကိုယ် မင်းကို ကယ်ထုတ်ခဲ့ပေမယ့်.... ကိုယ်ကိုယ်တိုင်က အဲ့ဒီချောက်နက်ကြီးထဲကို ကျသွားတာပါလား " started on || 24 May 2020 Status || On Going A Jungkook Fanfiction! Warning!🚫 Include a little bit of Horr...