صقر بيفتح الباب بايد ببترعش احاسيس بتوتر عمره ماحسه هو مش فاهم اي الشعور دا احساس غريب عليه
ومجرد مافتح الاوضه ودخل وهو بيضغط اكتر علي ايد ملك كانه بيستمد منها قوته واللي شافه كان صدمت عمره هي قدامه نايمه باين عليها التعب مغمضه عنيها بوجع صقر حاسس ان الزمن رجع بيه سنين كتير او يمكن وقف مش مستوعب اللي هوشايفه او مش فاهمه مش قادر ينطق باصص ليها وبس جواه كل حاجه ونقيضها نفسه يروح يترمي ف حضنها اللي اتحرم منه فجاه بدون سبب نفسه يسالها لي اتخليتي عني لي سبتيني لي رمتيني لي دا انا حتي ابنك حته منك
ف الوقت دا هي فتحت عنيها مش مصدقه وجوده قدامها
عالية......صصصقر
ملك حاسه انها شافتها قبل كدا بس مش فاكره هي مين ومستغربه عرفت صقر منين
صقر بجمود .....حمد لله علي سلامتك
عاليه ابتدت تقوم من علي سرير واتوجعت بسبب وجعها
ملك لسه هتروح تساعدها بس صقر مانعها بايدها
عاليه بدموع...ً.انا مش مصدقه انك
صقر قاطعها.....ممكن اعرف اي اللي حصل
عاليه بفرحه ان ابنها خايف عليها .....انا كويسه مات.....
صقر.....واضح انك كويسه ودا انا شايفه مش محتاج حضرتك تقوليه انا عايز اعرف اي سبب وصولك للمخزن ومين عمل فيكي كدا
عاليه بصاله مش مستوعبه هو بيقول اي بصاله بتوها مش عارفه ترد تقول ااي
صقر.....انا بكلمك يامدام عاليه
عاليه بصدمه اكبر .....مدام عاليه صقر انت مش فاكرني
صقر بجمود.....كلامي واضح ياريت تردي علي اسالتي
عاليه ودموعها نازله.....انا امك ياصقر انت مش فاكرني انا
صقر ببرود......مدام عاليه مين ورا اللي عمل فيكي كدا في تحقيق لازم يتقفل
عاليه بتحاول تقوم من علي سرير تروحله وبعد معانه قامت وراحتله ودموعها نازله ذي المطر مش بتقف
عاليه.....انا عارفه انك زعلان مني و
صقر قاطعها......زعلان من حضرتك لي هوانتي عملتي ليا حاجه انا اول مره اشوفك حالا
عاليه بزعيق ....صقر كفايه برود حرام عليك حرام عليك اللي بتعمله فيا دا كفايه اللي انا شوفته يابني انا ما صدقت لقيتك
صقر.....والمطلوب
عاليه....انت بتعملني كدا لي حتي اسمعني افهم
صقر.....انا مش فاضي للكلام دا عن اذنك هيجي ظابط ياخد اقوالك واه جوزك راح ف داهيه وياريت تدوري علي واحد تاني تتجوزيه
عاليه بصاله بصدمه ووجع من كلامه ووجعها اكتر انه رافض يسمعها ....
عاليه.....انت ظالمني انت لازم تسمعني انا
صقر بصوت عالي.....انا اللي ظلمتك انا انا مش شوفتش حد بالبجاحه دي بجد بعد دا كله انا ظلمتك انا اللي اختفيت من حياتك فجاه انا اللي رميت كل حاجه ورا ضهري وابتديت حياه جديده انا اللي هببت كل دا والمفروض جايه بعد 14سنه تدوري عليا والمفروض اقولك اهلا بيكي بالاحضان دا ابعد من خيالك انتي فاهمه انتي ميته بالنسبه ليا من يوم ماسبتيني واختفيتي فاهمه يعني اي
أنت تقرأ
ملك الصقر
Romanceهو ذي الصقر ف هيبته وقوته مش بيسيب فريسه هي مثل الفراشه الطايره الجميله بالوانها الزاهيه تخطف العين من اول نظره الظروف فرقتهم بس هي فضلت ف قلبه ذي الوشم حاول كتير يوصلها بس رغم نفوزه فشل ياتري هيقدر يوصلها ولانبته حبهم هتموت من قبل ماتكبر
