ملك الصقر

الجزء الثاني البارت 4

ملك بصدمه......اكيد انت غلط صقر مستحيل يعمل كدا صقر لا انت فاهم صقر مايعملش كدا قول يا علي. قوله صقر مايعملش كدا صح انت تلميذه قوله صقر عمره مايخون بلده
علي بص ف الارض ومانطقش لانه مش عارف يقولها اي

ملك.....انطق انت ساكت لي قوله يا علي
علي....ممكن تهدي بس
ملك بصريخ......اهدا اي انا مش ههدي قوله انه فاهم غلط وان صقر مش خاين قوله
ملك لاحظت ان علي مش بيتكلم وموطي ف الارض بعدت عنه بصدمه
انتم كدابين صقر مش خاين فاهمين مش خاين انا متاكده.....ووقعت اغمي عليها
علي .....ملك حبيبتي فيكي اي اي ...انا قولتك استني نمهد ليها انت اي يابني ادم انت
وليد بص لملك برعب.....هي هي هتكون كو
علي شالها ....لو جرالها حاجه ياوليد ساعتها رد فعلي مش هيعجبك
كمال ....تعالي يابني نفوقها الاول
علي هوخارج بيها.....ملك عندها صدمه ياعمي محتاجه تروح مستشفي
وخرج بسرعه وكمال ووليد وراه وبعد وقت كانو وصلو المستشفي ودخلوها اوضه الكشف وانتظرو خروج اي حد.يطمنهم عليها وكل واحد فيهم ف دوامه من افكاره
وليد غله وكرهو لصقر مالوش حد ونفسه لو ينتقم منه بسبب حاله ملك
علي حزين علي ملك واللي وصلت ليه وخايف عليها وحزنه الاكبر علي مدربه مش قادر.يصدق اللي حصل
كمال صدمته كبيره معقول ابنه يكون يعمل كدا اكيد في سر وسر كدخطير وهو لازم يعرفه بس يطمن علي ملك الاول
وبعد مده من الوقت خرجت الدكتوره وكلهم جريو عليها

علي ......خير يادكتوره طمنيني
الدكتوره.....واضح انها اتعرضت لازمه نفسيه او صدمه كبيره مقدرتش تستحملها ياريت تبعدوها عن اي توتر عشان دا هياثر علي حاله الجنين
وليد بصدمه....جنين
الدكتورة....اه المدام حامل في شهر تقريبا هي هتفضل هنا لحد بكرا وبعد كدا تقدرو تاخدوها عن اذنكم
كمال سمع كلام دكتوره وحزن علي حال ملك بعد عنهم واتصل بصاحبه
كمال .....اذيك ياصابر
صابر.....الحمدلله
كمال.....عايز اشوفك حالا
صابر عارف كمال عايزه ف اي فوافق
كمال رجع ليهم تاني دخل يطمن علي ملك كانت مغمضه عنيها وملامحها باين عليها الحزن
وسابهم وخرج لانه محتاج يفهم وبعد مده كان اتقابل هو وصابر.
كمال......هواي اللي بيحصل دا
صابر....صدقني انا لحد دلوقتي مش مصدق اللي حصل
كمال....نعم دا اذاي يعني
صابر.....انا معرفش حاجه انا بتابع مصادر وكل المصادر بتاكد ان صقر اتفق معاهم وهو اللي نفذ عمليه اغتيال العالم انا مصدوم اكتر من اي حد صقر انا اللي مربيه علي ايدي ياكمال ومش قادر اتخيل ان دا ممكن يحصل
كمال قعد علي كرسي لانه مبقاش قادر يقف كان حاسس ان صاحبه هيقوله دي مهمه وصقر بيضحك عليهم لاكن لاسف هوحزين اكتر منه
صابر .....الموضوع صعب عارف ياكمال بس يمكن في سر
كمال.....سر اذاي يعني
صابر.....يمكن هددوه اواجبروه علي شغل معاهم
كمال.....تفتكر صقر ممكن يتهدد ياصابر
صابر بص ف الارض وسكت لان دا مستحيل حد يقدر يهددوه وبيقدر بكل سهوله يثبت انه مالوش عزيز
صابر بتبرير.....بس صقر ليه نقطه ضعف ياكمال مراته وولاده و اكيد هما استغلوهم
كمال......وانت هتقدر تقول كدا للجهاز هيكون دا مبرر لمنع صدور قرار قتله وجود صقر حاليا خطر ياصابر لانه لو بقي عدو لينا هتبقي كارثه
صابر .....صقر عمره مايخون ياكمال
كمال بحزن.....عارف بس انا هتجنن عليه مش عارف هو ليه عمل كدا خايف عليه من الي جاي ياصابر