صقر وصل عند بيته وفضل واقف قدامه يجمع نفسه متوتر من موجه ملك مش عارف هتتقبل اللي حصل هتفهم انه كان غصب عنه ولا اي والاهم ملايكا هتفهم اللي هو هيقوله ولا لاء اخد نفس طويل وبعد كدا طلع وحب ان هو يخبط عشان مش يفجائهم
وفتحت لي بنت
صقر .....انتي مين
البنت.....هوالمفروض مين اللي يسال اللي بيخبط والااللي بيفتح
صقر رفع حاجبه ....نعم
يونس....مين ياسها ....ومجرد ماشاف صقر نط عليه حضنه
يونس ....بابا انت واحشتني اوووي يا مامااااااااااا بابا رجع ياماما يامليكه ياملايكااااااا
صقر حاضنه وكان واحشه اووي اووي
يونس ....كنت متاكد انك راجع و عمري ماشكيت فيك خالص
صقر نزله وابتسم ليه.....انت حبيبي
مليكه سمعت يونس بيقول ان صقر جيه جت تجري عليه
مليكه.....بااااااابي واحشتني واحشتني واحشتني كتيييييير
صقر.....حبيبه بابي واحشتني اكتر
ملك خرجت من المطبخ علي صوت داوشه عيالها واتصدمت بوجود صقر وولاده حواليه
ملك......صصقر
صقر قام من علي ارض وبصلها ومش عارف يقولها اي ومش لاقي كلام يقوله ليها
ملك قربت منه ذي ماتكون شاكه انه مش حقيقي او انه حلم قربت منه في حزر ودموعها نازله
صقر مش فاهم رده فعلها او ليه بتعيط
ملك....انت بجد صح انت رجعتلي صح صح
صقر ....انتي شايفه اي
ملك كانت بتضحك وتعيط مع بعض وحضنته جامد
صقر رفعها من علي ارض ولف بيهالانها كانت وحشاه بدرجه ماتتوصفش وبعد كدا نزلها
صقر.....واحشتيني اوووي
ملك....وانت كمان بس هو اي اللي كان بيحصل انا مش فاهمه حاجه
صقر.....هفهمك كل حاجه بعدين ....ودور بعينه علي ملايكا شافها واقفه بعيد بصه عليهم
صقر راح ليها....واقفه بعيد لي مش واحشتك مش عايزه تسلمي عليا
ملايكا بصاله ومش بترد
صقر......اي طيب
ملايكا.....انت زعلان مني
صقر....انا مين قال كدا
ملايكا.....انت هناك مش كلمتني
صقر.....انا اسف بس مش زعلان منك انا بس كان عندي شغل هو انا مش بروح الشغل مش بتروحو معايا
ملايكا....اه
صقر.....بالظبط.كدا
ملايكا.....يعني انت خلاص مش هتمشي تاني
صقر......لا
ملايكا ....بسعاده .....بجد
صقر....جد جدااا بس اي مفيش حضن لبابي ولا اي
ملايكا حضانته جامد
ملك دخلت جابت عمر وجت
ملك ببتسامه.....في واحد انت مستلتش عليه وكدا ماينفعش علي فكره
صقر ابتسم واخده منها ....باحبيبي وبصلها بمعني اسمه اي
ملك.ً.....عمر شي مانت كنت حابب
صقر قرب ملك منه وباسها من دماغها ......ربنا يخليكو ليا
وفضلو وقت طويل مع بعض ولاده رافضين يسبوه ويبعدو عنه وهو ملك بيبصو لبعض ويضحكو
في جهاز المخابرات
عز بعصبيه.....يعني اي انا مش فاهم حاجه
رائد.....ولا انا
عز.....انت هتستعبط يارائد اما مين اللي انت قبضت عليهم
رائد.....انا مكنتش اعرف حاجه صدقني انا اتفجئت ذيك بالظبط وفعلا لحد دلوقتي مش فاهم حاجه
علي .....يعني صقر رجع
عز لم حاجته وبيستعد.يمشي
رائد ....انت رايح فين
عز ....رايحله انا لازم افهم اي اللي حصل دا
رائد....هوالبعيد غبي يعني الراجل بقالو اكتر من سنه بعيد عن بيته وولاده ولسه راجع مش بقالو كام ساعه وانت عايز تروح ليه دلوقتي روح بكرا علي اقل
عز.....مايخصنيش انا هروحله حالا
وسابهم ومشي
رائد.....دا اتجنن خالص
علي .....انا رايح معاه
رائد....لا دا انتم ضربتو خالص وجري وراهم
وبعد وقت كانو وصلو بيت صقر
صقر.....انتي مستنيه حد
ملك .....لا ممكن يكون علي اوماما عاليه
يونس......انا هروح افتح
صقر....ماشي يابطل
صقرقرب من ملك ....هما عيالك دول مش هينامو
ملايكا......لامش هنام احنا هنفضل معاك
صقر بصلها وضحك
يونس فتح واستغرب دخول عز بهجوم وعلي وراه ورائد.كمان
عز......هو انت هتبطل طريقتك المستفزه دي يعني انت اي اي الاستهتار اللي انت فيه دا
صقر.ببرود......عايز اي
عز.....صقر مش وقته برودك دا
علي....صقر احنا محتاجين نفهم
صقر....تفهمو اي
عز.....انا عايز افهم اي اللي حصل
صقر......اترزع طيب هتفضل واقف كدا
عز قعد.وهو مضايق ومنتظر صقر يتكلم
صقر باصص ليه ومبتسم
عز.....يابني انت حد مصلتك عليا ما تتكلم
علي....ماتكلم بقي ياجدع الله
صقر.....طبعا انتم كنتم عارفين ان كنت مكلف اروح المعمل عشان اجيب الجهاز ووقتها مش كان في اي مخطط لاي حاجه بس محمود بيه اداني جهازين واحد احطه ف وداني والتاني كان متركب ف زرار القميص عشان يسمعو اي حاجه تحصل والجهازين دول طبعا حجمهم صغير جدااا المهم ان ام القوات حصرتني هوكان سامع اللي بيحصل وهو اللي طلب مني اوافق علي كلامهم وانفذه واخليني وراهم وطبعا كل كلمه كانت بتبقي واصله عند المخابرات وبعدها بفتر تيا ادتني ساعه ودي فيها GBsومايك عشان كل خطوه انا بتحركها يكونو علي علم بيها وكل المعلومات اللي بوصلها كانت بتوصل للجهاز في لحظتها وكانت اخر مهمه مطلوبه مني كانت دي الناهيه ليهم عشان كدا بلغت رائد انه يجهز القوات ويهجم
عز....واشمعنا رائد بتقف فيه اكتر من صاحب عمرك ولارائد اكفء مني ياصاحبي
صقر.....انت عبيط يالا مفيش كلام دا بس اللي حصل ان اولا رائد كان موجود.في الجهاز وقتها ف وصلنا ليه وتنبيه كان اسهل ثانيا والاهم ان حضرتك مجرد ما عرفت بوجودي جيت مستعجل ومصبرتش حتي لبكرا وجيت ليا ف وقتها ف طبيعي لوحد بلغك كان هيبان عليك وهو كان لي ناس مراقبه الجهاز فهمت
عز باصص ليه ومش بيرد
صقر.....هتفضل متنح كدا
علي.....بقولك اي ياعز فكك بقي المهم ان صقر باشا رجع ولا اي يا صاحبي
صقر بصله وضحك
عز فرحان برجوع صقر بس زعلان انه لجأ لرائد وهو لاء
قامو سلمو عليه وعز بصله بعتاب وبعد كدا سلم عليه
صقر حضنه....صدقني مفيش عندي اغلي منك بس فعلا اما كنت خايف المهمه تضيع ف الاخر انا تعبت فيها اوي ياعز وكانت ضربيتها غاليه اووي
عز ابتسم......المهم انك رجعتلنا بالسلامه
صقر....حبيبي
فضلو وقت قاعدين مابين العتاب وكلام وصقر نفسه يقولهم اطلعو باره عشان محتاج يتكلم مع ملك واحشته اووي
اخيرا مشيو وعيالو دخلو نامو
صقر......دي عيال خنيقه اي دا
ملك ضحكت
صقر....عارفه ان مستني اللحظه دي بقالي اد اي
ملك.....وانت عارف انت واحشتني اد اي
صقر.....لا مش عارف
ملك.....واحشتني اووي اوي اوي
صقر بيقرب منها....دا بجد و
ملك زقته....مين البت اللي كانت معاك دي
صقر....اعوذو بالله في اي مالك اتحولتي كدا لي
ملك....صقر انطق مين البت دي
صقر.....هي مين دي اصلا
ملك.....صقررررر
صقر ضحك.....قصدك البنت اللي حطتتلها الشطه في العصير
ملك تنحت.....انت انت عرفت اذاي
صقر.....الحركات المجنونه دي ماتطلعش غير منك يابنوتي
ملك.....مين باردو دي
صقر....دي بنت البير
ملك.....طيب انت عايز تقبض علي واحد مجرم اي بقي سبب لازقت بنته
صقر.....كانت معجبه بيا وانا محبتش ارفضها الصراحه هي جميله جدا و....صقر مكملش كلامه من اللي حصل وكانت صدمته ان ملك مسكت ازازه المايه اللي جنبها وغرقته بيها
صقر....يانهارك اسود اي دا انتي مجنونه
ملك....انت لسه شوفت جنان انا هوريك الجنان اللي علي اصله وقامت بس صقر كان مسكها وبيضحك ....اهدي يامجنونه اي هتهببي اي تاني
ملك.....ابعد سيبني وسع
صقر بيضحك....خلاص طيب انا بهزر والله في اي
ملك ....لامش بتهزر. وسع
صقر .....اولا انا مفيش واحده ف الدنيا كلها تقدر تشغلني او تهزني غيرك انتي وبس قلبي مش بيدق غير ليكي انتي حياتي ملكك انتي وبس ف اي واحده ف الدنيا بالنسبه ليا ولا حاجه فهمتي بقي ياقطتي وعلاقتي بتيا كانت عشان هي بتشتغل مع بباها ويمكن اخطر منه كمان لانها دكتوره ف تصنيع الادويه وبتعمل بلاوي
ملك بصاله .....وتقبل منها ساعه لي ان شاء الله
صقر.....شغل ياملك وبعدين الساعه انا رميتها اصلا
ملك....لي كنت خليها زكري
صقر.....كنت عايز اعمل كدا لانها كانت عجباني اووي بس للاسف بقي
ملك...والله طيب وسع بقي
صقر ....خلاص بقي قلبك ابيض ......بس اللي انا مش فاهمه عرفتي اذاي اني ف مهمه
ملك.....مصادري الخاصه
صقر.ً...اذاي بقي
ملك.....اولا انا كنت متاكده انك عمرك ماتخون بلدك مهما حصل واتفضل تموت عن ماتعمل حاجه ذي دي ولاتخوني انا كمان بس اللي اكدلي انك كن بتبوص علي ساعه كل شويه ووتتلفت حواليك ذي مايكون كنت عايز تقولي ان احنا متراقبين بس
صقر ضحك ....واضح ان قعدتك معايا خليتك تفكيرك بقي مخابراتي اووي
ملك....طبعا طالعه لبابتي حبيبي
صقر حضنها. .....وانتي قلب بابتك
صقر وملك فضلو وقت مع بعض يتعاتبو ويحكو لبعض عن كل اللي مرو بيه
تاني يوم الكل اتجمع واحتفلو برجوع صقر وكانو بيسلمو عليه
صابر.....انا لحد دلوقتي مش مصدق اللي حصل
صقر....دنيا بقي
عاليه....حمد لله علي سلامتك ياحبيببي ربنا يخليك لينا يا حبيبي
صقر.....وبخليكي ليا ياست الكل
كمال متابع كلامهم بصمت
صقر قام من مكانه وقعد جنب ابوه.....انا اسف
كمال....اسف علي اي
صقر......اسف اني ظلمتك انت كان غصب عنك انك اختارت البعد مش فهمت غير اما اتحطيت ف نفس الموقف اتمني انك تسامحني
كمال......انا مقدرش ازعل منك انت اب و اكيد فاهمني والمهم انك رجعت بسلامه لبيتك
الايام عدت وصقر قاعد في البيت بيعوض ايام بعاده ولاده مش بيتحركو من جنبه كانو مفتقدينه جداا وهو كان بيتمني يرجع ليهم بفروغ الصبر
استوووووووب❤❤🥳
بارت تاني اهو ذي ماطلبتم 🙈🤭
ماتنسوش تعملو فوت 🌟❤
اي رأيكم في البارت والاحداث اي 🙄👀
وفضلا يعني تكتبو رايكم كدا بكل تفاصيل عن كل موقف مر ف الاحداث 🥰😊
أنت تقرأ
ملك الصقر
Lãng mạnهو ذي الصقر ف هيبته وقوته مش بيسيب فريسه هي مثل الفراشه الطايره الجميله بالوانها الزاهيه تخطف العين من اول نظره الظروف فرقتهم بس هي فضلت ف قلبه ذي الوشم حاول كتير يوصلها بس رغم نفوزه فشل ياتري هيقدر يوصلها ولانبته حبهم هتموت من قبل ماتكبر
