زفاف ميتة (روايات ليبية )

الحلقة 2

#زفاف_ميتة
الحلقة الثانية
كاتبة EbthaJ MAMAR
مصطفى :هو شارع فاضي من وين طلعت هذي 😶
وفجأة ولد يرفع سرعته ويمشي استغرب مصطفى وكمل عادي ....

فاطمة:هيا نقعدوا حني وعروسه داخل
شيماء:لاتوا ناديهم ...سهام تعالوا هني
سهام :جاين دقيقة بس.. بصوت عالي .تمام بتخشي حمام باهي اني هني قعده معاهم
فاطمة:وينها عطلت
سهام:توا تجي بتخش حمام بس
__________________
منى:خيرك مبلبسيتش مزال يانور
نور:باهي مزال لحد بعدين بعد لعشاء بنمشوا
منى:عينك ماما قالت امشوا عاونوهم لانه تعبوا معانا في عرس احمد
نور:اوووف من قاللهم هو زي هم كل مره بيزوج بنت
منى:غير نوضي سلم اختي هيا
اكيد تسألوا من هاذوا🙂
اني منى مواليد95 متخرجه من تمريض مواصفاتي بيضاء وشعري طويل واسود ❤ عندها اخت واخ ...اختها نور مواليد 99تقرأ في قانون وحلمها تكمل وتوصل شخصيتها غامضة ومتحبش تجامل وصريحه هلبا مواصفاتها بيضاء وشعرها قصير وكيرلي وعيونها لونهم بني
اخ اسمه احمد مواليد89 يشتغل موظف عادي مواصفاته ابيض وطويل وضعيف بس شخصيته تمشي كيف ماتبي مرته يعني تحب حد يحبه تكره حد يكره وحياته كلها هكي
______________________
سهام جابت حاجات حنة كلها خلطت زيوت مع حنه ودارت فيها حاجاتها ومجهزه كل شي ...شيماء تنقش في حنة بلصقة بيضة وتجهز فيها
سهام:عطلت هذي خيرها مزال عندنا زباين اوووف
فاطمة:😶😞😞
شيماء:هيا تقول مش فرحانه بنت
فاطمة:متبيش تتزوج مزال ..بوها هك يبي لاكن شنو في نهاية هيا لي راجل
سهام:توا نجي ناديها بس
_______________
حوش سلسبيل اقارب بس تغدوا عندهم وقاعدين يفرشوا في خيمة ويتوا في حلويات ليلة حنة عند هذي منطقة بذات في مدينة مهمة يعني فيها يعقدوا وفيها تكون سهرية لبنات وجيران واقارب عيلة

منى:شن اخباركم سجو واحلام متجوش هلبا هني
سجى:ايه حني ساكنين بعيد من هني وحق حتى احلام منشوفش فيها هلبا بنتي صغيره ولاهيا بيها
منى:ربي يحفظهالك وانتي احلام مش مخبيتنا شي
احلام:مزال ربي مكتبش نبي نمشوا نعالجوا لاكن مهدي رافض
منى:مزال صغيره أن شاء الله ربي يكتبلك كل خير
ام سلسبيل:هيا يابنات استقبلوا ناس واقعدوا معاهم
نور:وهيا وين سلسبيل لحد توا عصر بيأذن مفروض توا هني هيا
سجى:توا تجي هيا وخالتي مش حيعطلوا هلبا
وطلعوا وقعدوا يستقبلوا في ناس وجوا اهل كرم زوج سلسبيل مستقبلا....هدى اخت كرم تشوف للحوش امس كنا عندهم امتى جهزوا هذا كله يلا توا يتزوجها ويلوحها بعد شهر زي غيرها
_____________________
منى:تفضلوا خشوا للمربوعه الخيمة فيها رجاله
هدى :تشبح لي منى من فوق لي لوطه وشبحات غريبه وكأنه دايره شي اني شايفتها في مكان هذي بس وين؟؟
___________________
فاطمةشاده راسها وقعده على ركبتها في ارض وتندب وتقرأ في ورقه وتعاود من سلسبيل طز فيكم بنهرب ونخليكم شيماء وسهام عليهم علامات صدمه لخفاش قعد يشوف من فوق وقريب يصفق لي شيماء على دور متاعها
فاطمة:بلهي عليكم استروا علينا بنت طايشه وتوا نكلم امها ونديروا حل بسرعه توا نرجعوها
شيماء:وين وين بترجعوها لا تجوني ولا تلبسوني بعار وحده تهرب يلا برأ قبل مايشوفوا زباين متاعي شي هذا
قبل دقائق......
سهام:بسرعه الحقوا ملقيتش عروسه ومزال حتى عبايتها وحاجاتها مش قاعدين
فاطمة تجري ...وصار الي صار
_روايات بوجي❤EbthaJ MAMAR ___________________
ايمان (ام منى):يا احمد تعالوا اوقف مع حوش جيارنكم في عرس بنتهم
احمد:ضروري يما مزال يوم اول
ايمان:ناسي قداش وقفوا معاك ولا شنوا
احمد:باهي توا نشوف كان غادة تبي تجي سلام توا
ايمان :غادة...اه ياكبدي متقولش اني الي خترتها وقدرت تسيطر على وحيدي
__________________
مصطفى:شن تقولي يما شن هذا بنت امانه معانا بيقتلها بوها
فاطمة :زي ماقتلك بسرعه تعال ندوروا عليها
مصطفى:وين بندوروا بس تي وااااك جايك
__________________
ام سلسبيل:مش معقوله هكي وين مشت مع من طلعت كيف بندير مع بوها
فاطمة:مش عارفه على بنتك حشمتنا حتى مع حنايه وين هربت معرفتش اني
ام سلسبيل:اكيد طلعت برأ حوش اجري دوري عليها انتي ومصطفى هيا كانت لما تزعل زمان هكي دير
فاطمة:أن شاء الله نلقوها بس باهي
شيماء:يلا برأ من هني بطولي مزال زبوناتي بيكوني عندي في اقرب وقت
فاطمة:ولدي قريب يجي اصبري شويه
________________
من باب خلفي لما نطلوا على حوش تاني تعال نقوللكم كيف عايشه هذي عصابة
هما شلة من اولاد مقسمين في مهام متشبهش بعض يعني كل واحد وشن قعد يدير فيه مسؤول على تجارة مخدرات وفيه الي قعد مكمل تجارة متاعتهم عادي وامور مسهالهم خالد ويقدروا يشتغلوا في ليل وفي اي وقت بسببه تجارة مخدرات وحتى متاجرة (بلبنات💔)قذارة
اكيد تقولوا من خالد هذا الي عنده كل هذي تصريحات كلها توا نقوللكم خالد مواليد86 يخدم ضابط في امن وتخرج بلواسطه ومسهل كل إجراءات لتجار ولزباين حتى ......عنده اخته اسمها اماني مواليد97حابسها في حوش متطلعش بكل  ومخلهاش تقرأ من شهادة عدادية ومش منقص عليها شي بكل بوه وامه توفوا وتربى شويه عند خواله وبعد ماعينوه في امن خلوه هو اخته يسكنوا بروحهم هو صح في صغره خواله عطوه كل شي لاكن ديما كان حاس بنقص ولفراغ يبي يكون عنده فلوس هلبا وبس وعنده اثنين يشتغلوا معاه مأمنهم على كل شي عصام وهيثم 
عصام:زبون كلمنا ره قال يبي نفس بنت متع مره الي فاتت
هيثم:امتى بنصفوهم دفعه الي فاتت
خالد:واااك اسئلتكم متكملش انتوا خلي نلموا دفعه باهيه من هذي مدينه ونشتغلوا بيها وبعدين ساهل ..وانت ارفعهاله بنت الي يبيها
عصام:باهي توا نرفعهاله بهي بنقولك بنت هذي مش كأنهاصغيره يعني متنفعش في خدمة
هيثم:من وين عرفت انت كان قصيرة معنها صغيره😂
خالد قعد يشوفلهم بس وبعدين ناض ومشى لدار الي فيها سلسبيل كانت وكأنها ميتة متخدرة بمخدر قوي هلبا قعد يشوفلها بس