زفاف ميتة (روايات ليبية )

الحلقة3

#زفاف_ميتة
الحلقة الثالثة
كاتبةEbthaJ MAMAR
ماجد قعد فترة تحت دروج وعيونه معبيات دموع خذى قطوسه متاعه طلع يجري برأ حوش
سيارة في طريق عام يشاء قدر وتضرب ماجد ارتمى ماجد هو وقطوسته وكأنهم اي حاجه طاحت في ارض وصاحب سيارة كمل طريقه عادي 💔

معاذ:اسمعوا في كل مكان دورنا معندناش الا نتصلوا بأمن مرات بتطلع برأ ليبيا لانه مفيش وين تهرب

لؤي:اسمع بعد ماتاخذ جزاتها سلسبيل مصطفى لازم ياخذ حقه بسببه هربت سلسبيل ولبستنا عار

معاذ:قبل مانغسلوا عارنا سلسبيل نبيها في موضوع في استراحة بوها😉

لؤي:غير انت تبيها في موضوع كلنا هكي😉😂

معاذ:اتصل بمعظم صحابه في بوبات وقاللهم يتأكدوا من كل شي
_____________________
احلام توصل في امها لدار و سجى طلعت غطاء للعيلة بش يرقدوا عيلتهم متوصفة بكل صفات حقارة يعني لما تشوفوا بنات عيلة كل وحده فيهم لاهيا في شي مش فارقه معاهم اصلا الي تكلم في حبيبها بتلفون والي قعده تهدرز والي تاكل والي تحط في ظوافر....
سجى محكتش لحد على الي صار والي يسألها على بنتها ملاك تقول مع بوها كانوا كل حد فيهم منهار والي زادهم انه ملقوش حد من عيلتهم ولاحتى اهل زوجها يهون عليها

بدرية(مرت عم ):يا احلام تعالي بسرعه
احلام كانت حاضنه امها وقعده معاها مشت لمرت عمها

بدرية:اسمعي ره جعانين كلنا حتى عشاء مكليناش ومطرين نقعدوا معاكم ليلة لحد مايرجع معاذ

احلام :مفيهاش حيل بكل خشت للكوجينة وتعبانه هلبا ملقتش شن تطلع لعشاء مفيش طلعت خبزة وكل حاجه قدامها حطتها من ثلاجه احلام الي قلبها مكسور مجروحه من اختها ومن حالتهم قدام ناس ومن جرح الي كل مره اهل راجلها حاطين حق عليها في موضوع صغار وانه هيا متجيبش .....طلعت سفرة
بدرية:تعالوا يابنات الي جيعان يجي

صفاء:هذا عشاء قصدكم باهي كيف بناكلوا بدون شاهي

بدرية:احلام طلعي عصير مش فيه في مخزن الي داسينه للعزومه

صفاء:امي هذا عشاء توا من بكري جيعانه في آخير هكي

بدرية:شن بنديروا الله غالب كله من خوك الي ضرب على صدره مهوش راجع الا بدم سلسبيل

احلام طلعتلهم كل شي يبوه وعطتهم تصريح ياخذوا كل شي

مربوعة قعد فيها رجب وحاط ايده على رأسه ومعاه خوه وكبار عيلة تلفونه يرن رقم غريب بس مدارش اهتمام ابدا ليه وقعد مع رجاله لكبار الي مستنين يغسلوا عار اول بنت مذنبه في عيلة والي وسخت اسمهم ويتباهوا بدمها قدام ناس

راجل قعد يجري بسرعه كبيره وصل للمستشفى ومعاه ماجد بسرعه سعفوه للعمليات راجل مروح من خدمه ومعاه بنته لقوا ماجد مرمي في ارض ونزيف من رأسه وكل مكان في جسمه
EbthaJ MAMAR روايات بوجي ❤❤
________________________
لخفاش :يا سهام تعالي هني