Apo Sandawa

1. Mt. Kalo-Kalo

April 17, 2018
3:00pm
Alegria-Legaspi Trail, Cebu City

"GHAAAD! Grabe ka lisud diri kuya oy HAHAHA" Storya ni Menchi atubangan sa iyang go-pro na camera dala katawa, nag Vlog-vlog kuno. "KUYAAA HAHAHA KATKAT PA MORE!" Dugang pa niya.

Nagkatawa sad iyang mga kauban na mga doctors.

"Kuya Rey, layo pa?" Pangutana sad ni Doc Jasmine nga naglisngag na ang ilong. Actually, di pa kaayo taas ilang nasaka pero ang trail man gud kay steep kaayo tapos talinis kaayo ang mga bato. Ang elevation sa trail kay halos pa vertical na kinahanglan mag gunit na sila sa ugat para makasaka sa ibabaw.

"Hapit na Mam!" Tubag sa guide na magkatawa sa mga facial expression sa mga climber. "Gunit lang mo sa pisi maam, safe mana"

Si Riyanh sa pinaka ulahi kauban ang guide na nagpaulahi sad, hilom ra kaayo na mikat-kat sa lisud na trail. Gaapas nasad siya sa iyang ginhawa kay bisag mo-bu pa ilang nasaka, feeling niya murag magkurog na iyang tuhod sa kahawoy.

Hays! Nganong giuban paman kong Menchi diri uy! Kung naa pakos balay karun nagligid ligid ra unta kos akong higdaanan karun. Reklamo ni Riyanh sa iyang huna-huna.

Nahinumduman hinoon niya gahapon giunsa siya pag-pugos ni Menchi mouban sa Alegria. Kay naa kuno ang crush niya na Consultant si Dr. Yusoph Dumaguin.

3 days ilang medical mission diri sa Alegria ug sponsored sila sa mga dagko na pharma companies. Lima sila na consultants nga miari. Isa na didto ang ilang inahan na si Doktora Bernardita Escario.

Bag-o pang graduate si Menchi sa residency ug kasulukuyan pang ginapanday iyang clinic sulod sa ospital.

Actually, wala man untay apil si Menchi sa Medical mission, pero nanghangyo siya na ubanon siya kay nakabalo si Menchi na modayon si Doctor Yusoph.

Si Doctor Yusoph 30years old, fresh grad sad sa residency sa internal medicine gikan sa Cebu Doctors University Hospital, ug karun pareho silang afilliated sa usa ka Hospital, mas ganado na motrabaho si Menchi karun.

Si Riyanh, isip usa ka pharmacist sa ospital, permi jud mahibong na nganong permi man jud siya damayon ni Menchi sa iyang kabuang. Naa gud siyay sariling trabaho ug wala man siyay labot aning Medical mission kay di man siya Doctor?

Hinoon kay iyang mama si Doktora Madi, bisag di siya mananghid sa iyang chief pharmacist, di man ka alma kay Riyanh gud kay si Doc Madi lang naman ang may pinakadako na share sa Socoro.

Kada mohawa si Riyanh sa iyang area, magpanglingo nalang ang ulo sa iyang chief pharmacist. Pero di jud siya mahutdag pangayog sorry kay naa juy pagka spoiled brat ni si Menchi. She can do whatever she wants, and she can request whomever she wants. So kada tawag ni Menchi kay Riyanh, wala siyay mabuhat.

Nagpauban si Menchi kay siya ang mopuli sa iyang mama karun. Wala si Doc Madi sa Medical Mission, pero na cancelled man ang 1st day event nila due to circumstances. So here she is, ikog-ikog ni Madi sa kabuang.

"Are you alright?" Pangutana sa lalaki sa iyang unahan. Nihangad si Riyanh para makita kung kinsay naa sa iyang ibabaw.

"Ok raman ko Doc Yusoph" Tubag ni Riyanh. "Hawoy na kaayo akong tuhod" reklamo niya.

"Normal rajud na Mam, ayaw kabalaka mawala rana mam ug makita nimo ang peak" sabat ni Jun(guide) sa likod nga nagpaulahi.

"Take my hand" ingon ni Yusoph. Nakabantay si Riyanh na nilingi si Menchi sa ilang dapit. Siguro ginatan aw niya si Yusoph na ginatabangan siya. 

"Aw ok ra Doc, kaya raman" ngising hilaw ni Riyanh. Nigunit si Riyanh sa baga-baga na ugat para di dayun mabugto ug gitamak pasaka iyang tiil. Gipugos niya ang kabug-aton sa iyang lawas arun makasaka. Na feel jud ni Riyanh ang kahawoy sa iyang tuhod kay halos wala na kaayo siyay kusog sa abaga ug tuhod. Ikaw ba naman magkinat-katay sa mga ugat, magpugong pugong sa mga danlog na  steeps sulod sa hapit isa ka oras di ba manghawoy imung lawas.