Apo Sandawa

Prequel

"MAM! AYAW UG AGI DIHA DELIKADO DIRA" Siyagit sa guide nila. "MAM, WALA PA NAMO NAEXPLORE DIRANG DAPITA BASIG MAUNSA KA....potangina!" Naghaguros najud ang kakulba sa guide kay di niya pwedi biyaan si Doc nga gadugo. Kinahanglan niya mag lapat ug first aid sa iyahang tiil bag-o mainfect.

Atay, hastang laloma baya sa samad. Hung-hong sa guide. Naproblema jud ug maayo ang guide kay di man ingon kataas ang ilang gisaka na peak, pila ra ka metros gikan sa ubos, ug sa iyang kadugay dugay sa pagiging guide sa mga mountaineers, wa pajud siya ka experience ug disgrasya niining bundoka maong confident kaayo siya na walay first aid kit na dala. Usa pa, wala sab siyay flashlight dala kay dapat before 6pm nakababa na sila sa kampo. Naa pay hayag ug kaya pang naugon ang bundok. Wala jud ni giexpect sa guide na mahitabo.

Niabot najud ang kangitngiton ug wa nay halos hayag na makita, nisamot kadelikado ang trail paubos kay misugod ug bundak ang ulan sa kalasangan. Samot ka frustrated ang guide ug wa najud kahibaw sa iyang buhaton. Kay sa iyang huna huna, gusto niya sundan si Riyanh kay kulbaan siya basig naa say mahitabo atong bayhana. Di sab niya pwedi byaan si Doc nga nagkadugo ang agi. Pila ka segundo napagdesisyunan niyang sulbaron usa niya ang kahimtang ni Doc ug mitindog para daganon ang first aid sa ubos. Gihubo niya ang bandana sa iyang ulo ug gigisi-gisi para iyang paundangon ang dugo sa pag-agas.

Ug iya na unta ning hikton pero gipug-ngan siya sa babae nga basa nasad kaayo sa ulan. Nakuyawan ang guide kay nakabalik si Riyanh nga walay gasgas ug gaapas sa iyang ginhawa. Nilingkod si Riyanh sa atubangan ni Doc nga gapugong pugong sa kasakit.

Nakita ni Doc ug sa guide na naay dala si Riyanh na mga dahon-dahon ug gisulod niya ni tanan sa iyang baba ug gikaon human giluwa ug gibutang sa panapton.

Ngit-ngit kaayo ang lugar, halos pitch black na, pero na manage pa ni Riyanh na hikton ug tarong ang tela sa tiil ni Doc.

"Tara" pasiuna ni Riyanh. "Babaha nalang si Doc ya, kay di jud na kalakaw" ingon niya habang gatulo-tulo ang tubig-ulan sa iyang dagway.

"Ikaw dai, gahi kaykag ulo ba, nganong niadto man ka didto? Wala pa naexplore dira dapit wala ta kabalo unsay naa diraa" suko kaayong guide. "Ayaw patakag lakaw kung wala kay kauban, sunda ming mga guide kay ug mga unsa mo, kami baya ang ma-buthan sa inyong mga ginikanan. Gusto namo maensure inyong safety ba"

Nahilom si Riyanh. Pero sa iyang huna-huna walay laing dalan na sayon kaayo panaog.

"Pasensya kaayo ya, pero diri dapat ta moagi, mas safe moagi diri" tudlo ni Riyanh sa dalan kung asa siya gikan ganiha.

"Unsa may alam nimo ning lugara?" Iritado na tubag sa guide.

"Gikan ko dira, ug nakita na ko na mas dali agian dira kaysa sa giagian nato gaina. Katung pagkuha nako sa dahon sa bayabas, nakita nako ang gamayng siga gikan sa atoang camp. Sure ko na mas dali agian diri kaysa sa main trail" explain ni Riyanh. "Kung didto ta moagi, kahibaw man ka unsa ka danlog sa dalan didto unsa pa kaya karun na gauwan? Diri sa dalan na akong nakita kaya ra kaayo nimo babahon si Doc na di jud ka maglisud" dugang pa niya.

Napuno sa frustration ang guide kay nisamot kakusog ang uwan. Ug kahibaw siya na grabe ka dalin as na karun agian ang trail ug iya nalang gisunod si Riyanh bisag sakit kaayo sa iyang ego. Siya ang guide, dapat siya ang sundon kung asa sila moagi. Nganong mas naa may alam si Riyanh nga first timer sa trek?

"Ngit-ngit kaayo Riyanh, makita diay nimo ang dalan??" Pangutana ni Doc Yusoph sa iyaha nga murag nikalma na sa kasakit sa iyang tiil.

"Ou Doc, makita nako kaayo ang dalan, hayag kaayo na murag gasiga ang bulan" Kung sa laing sitwasyon siguro magkatawa siguro si Doc tungod sa ka boriton ni Riyanh pero seryoso man gud kaayo iyahang nawong ug walay bahid sa pagbugal-bugal ang pagstorya ato ni Riyanh.

Gibaba ni Rey(Guide) ang samaran na si Doc, ug nagsugod na sila paglakaw panaog. Maglisud jud ug tamak si Rey kay halos wa jud siyay makita hasta jung ngit-ngita. Mura silag galakaw na walay mata sa sulod sa lasang. Kada tamak ni Rey, makulbaan siya basig mapandol siya sa mga ugat sa kahoy pero ginagayran man siya ni Riyanh na di siya ma-slide o di siya mapandol.

"Diri tamak ya, ayaw dira ya, diri dapit ya,gamay nalang ya, ayaw kahadlok ya" Ang tingog rajud ni Riyanh ang madunggan nila ni Doc sa mangitngit ug maulan na kalasangan.

Pila lang ka metros, finally! Nakita rajud ni Rey ang hayag sa ilang base camp. Ug didto rasad napansin ni Rey na nagsubay ra diay sila sa sapa katong medyo nihunong na ang ulan. Kusog kusog na haguros sa tubig iyang nadungog nga di tantong layo sa ilahang giagian na trail ug tama jud si Riyanh kay wa jud siya kabati ug kalisud sa dalan bisan gababa siya kay Doc.

Pero di jud mawala sa huna-huna ni Doc ang behaviour ni Riyanh towards the trees. Nirehistro sa iyang huna-huna ang facial expression ni Riyanh katong nakita to niyang punoan. Unsa may special atong kahoya?? Ngano mang murag amazed kaayo si Riyanh sa kahoy? Bisag si Doc na weirdohan sa actions ni Riyanh.

There's something off about her.