نبض💔💕💓💓💓

نبض.... البارت الاول

#نبض#.البارت الاول

غدير وسام

ماكنت حلمي ولم تكن اختياري . ماذنبي اني كنت فجاة اصبحت تحبني هاجرا احلام طفولتك وصباك ماذنبي انك فجأة شعرت بلحب تجاهي لترسم مسار حياتك معي متجاهلا طموحاتي
اختيارك لي لا يمثل ماحلمت به لكنه كان قدري ليس اختياري

بغداد ..كراده خارج .الساعه ال٧ صباحا يوم شتائي ماطر شديد البروده .. جنت مجهزه لبسي على الجربايه والصوبه معلوكه يمي نفسي الدافئ ضبب شباك غرفتي الي جنت اباوع منه على الشارع الي امتلئ بمي المطر تمنيت مااروح بس اليوم عندي امتحان والدكتور بهذي الماده بلذات كلش متشدد ويانه . البارحه شدد بنهاية المحاضره علينه وعلى الامتحان نبهني صوت ماما من افكاري
يله ماما .. مبدلتي ابوج منتظركم حتى يوصل ليونه وياخذج بطريقه

نبض .جيت ماما اوووف لوما الامتحان

لبست سرحت شعري . لبست عليه كلاو يتناسب ويا لبسي . ولفاف من نفس النسيج واللون.بيجي وبي ورده و رديه صفح . بلوز صوف وردي وبنطرون بيجي طلعت بوتي البيجي وجنطه مثله رتبت وجهي مااخلي مكياج طوخ بس كحله وقلم وردي طبيعي لان بشرتي بيضه وعيوني كبار . لونهن عسلي .فاتح .
طلعت لكيت بابا يلبس بحذائه ولين واكفه على راسه يله بابا تاخرت حباب

صيحي اختج بابا اني شعندي

جيت جيت

ماما كالت متتريكين لعد

لين شتتريك ماما تاخرت خرب والله حروح مشي

لج بنتي صبر اني افوت وياج للاداره خلي اختج تاكل تعرفيها من متاكل تتخربط

نبض ..لا باباتي عود اكل اي شي بالجامعه يله بست ماما وطلعت . صعدت يم بابا وصلنه لين بابا فات وياها شويه واجه . يضحك ..هاي اختج مخبله . بس لكتهم داخلين للصفوف بجت

تعرفها حريصه وخطيه عدها اول درس امتحان

والبارحه مقريتن زين خلصتنها خاتلات بحضني انتي وياها من الكراكيع ههههه

هاي عائلتي .اني نبض طالبه كليه جامعة بغداد مرحلة ثانيه
امي مدرسه
والدي . موظف بدائره الكهرباء
واختي لين طالبه اعدادي خامس علمي
٠

والدي من الجنوب . من محافظة ميسان . عائلته شيوخ عشيرتهم . اب عن جد بس هو درس بغداد وحبها وعاش بيها ومن طلع تعينه بيها استقر وتزوج امي عن حب

مرات نروح يمهم بالعطل بيت جدي الجبير
جدي وبيبي عايشين الله يحفظهم

عمامي ٤ تسلسل بابا قبل الصغير

عمي الجبير شيخ العشيره جدي سلمه كل الامور لان تعب وتمرض بلضغط والعصبيه موزينه عليه كم مره يروح لشغلة للعشيره يرجع يتخربط ويصعد ضغطه لذلك قررو يبعدو عن الانفعال
لذلك سلمها لعمو .. نعيم
عمو نعيم متزوج بنت عمه وعنده منها ٤ اولاد و٥ بنات
الولد ..الجبير ازهر مزوج بنت عمي الوسطاني اشواق