نبض💔💕💓💓💓

نبض 💓💓البارت الرابع عشر

#نبض#البارت الرابع عشر  

غدير وسام

حيدر ......خلص يمه  ماريدها 
ليش يمه تخسر  والله لوتشوف  النسوان  المايعرفنها  مخطوبه  يخطبن بيها .

يمه خلي تشوف  قسمتها اني  ماريد  هسه ازوج

بقيت اسمع امي تلح  وسدته وهي عدها امل اتراجع  بعدين  دزت  صور   لقاء  على امل  اغير رائي  بالبدايه  ضحكت  ومثل قبل من جانت تدز  صور امسحهن بدون ماباوع  بس يمكن لان حجيت وياها حبيت   اشوفها  واتعرف على شكلها  يمكن محد يصدك خاطبها سنين وممباوعلها بس مرات من تحس انت مجبور على شخص تكرهة على السيره  
رجعت  تمعنت بصفاتها    يمكن الاعرفهن احلى منها بهواي بس  شي بيها شدني   صفاء عيونها البياض   والسواد ..شعرها  الي مغطيها   اني طبيعتي احب الشعر القصير  الستايل  بس   طوله   كلش  اسرني ليسها  جان فستان مكشوف    وقصير     . ماحسيت اله مخابر لنصر   وكتله  شنو لبسها

نصر  وانت شعليك

شنو شعليه اسمها بعدها على ذمنتي

بس اليوم  باجر كلشي يخلص لاتخاف 

ثاني  يوم   خابرني   من يم السيد  ورميت اليمين  عليها  وفسخت  الخطوبه والعقد  بالتراضي  بس بدال مااحس   بالرضا لان هذا الشي الردته جنت ضايج وشي جاثم على صدري  عبالك خسرت شي  او  راح اتندم .. 

ردت اتصل  بيها   هي  ورا ماتفقنا اطتني بلوك من كل البرامج .  طلعت  ويا  ربعي   ردت اغير  جو  وانسه  ..

عندي  حساب  ثاني فتت لحسابها لكيته منزله .  قصيده

مامرتاح .. ساكت . والسوالف بيه مال صياح 🔊🥀
ياروحي وكت  ماضل   .  المطر   ميخوف المبلل 🌧 
ومدام الموت  راحة بال فدوه امشينه خل نرحل 🥀   
والملم  بالحجي مرات .  واسكت روحي بالكوه .  جبت عمري🥀 اعاشر ناس   بس وجوهم حلوة🥀 ..
💐💮💮🌹🌹🥀  🌸💮🏵🏵🏵

لقاء ...اخذني  مازن  وماخله ابويه يجي  خاف عليه   رحنه ويانه نصر  وزوج خالتي   ..من اتصل بي حتى  يرمي اليمين  كلبي رجف وبجيت  من سمعته ليش    ماحبيتني   بشنو اختلف عن التعرفهن .. تظاهرت  بالقوه  لحد  ما وصلت للبيت كبل للغرفه  فطوم  تحجي ويا خطيبها  .تضحك   لان يتغزل  بيها  ومتخبل على فستانها وتسريحتها   لعد اني ليش معشت هيج اجواء  ونحرمت من كل هذا

انتبهت سدته واجت  ها حبيبتي  .حضنتني 

مابيه شي شبيج ليش سديتي  اطلع

لا  خلي يروح   ابقه  وياج نسولف 

راح انام 

نامي  اجيبلج شي

لا    

نمت بفراشي
مالي خلك اي شي

اتصلت نبض  اطمنت  وراها لين   وصديقاتي المقربات . يسالن عليه  ماكو