#نبض# الخامس والاربعين
غدير وسام .
لين... رجع ال فجر ستوني مصليه ومتمدده فات قفلت عيوني وختلت جوا الغطه
غسل ورجع . اول مره من يرجع ميجرني لحضنه ولا يتقرب مني اطاني ظهره ونام
بس اني رجفت رجفه . ومكدرت انام ولااتحرك . لمن شخر يله تنفست
الصبح طلعت كلت لخاله اجه
خوش . ماحاجاج ولج كون طكاج
لا جنت نايمه
ها من يكعد لاتحاجينه وشيكلج سكتي اندري يا مفلوك وصلاها اله
يعني مكتيله انتي خاله
لا ولج شون اكلله مسودنه انتي
بقيت اشتغل على اعصابي خايفه واترقب . .كعد مزنبر وعاكد حاجبه .. سلم وكعد . خاله حطتله اكل اكل وهو ساكت . وكام غسل سويتله كهوه. كال وديها للغرفه وامشي كدامي
عرفت اجه وكت الحساب
اي ست لينه احجي
سكتت
صاح احجيييي ..شسوين موليه تعاركين انوب ماكافي عركتجن بالفاتحه شفتيني سكتت تفرعنتي
تقرب رفعت ايدي على وجهي
ماضربج نزلي ايدج
باوعتله . يجمع شفته داخل وقابض ايدي
ماخفتي على روحج لين
لا
والبطنج
شعليه
هاا شعليه
اي ماعليه شي ماسويت شي اني
مامسويه شي .. من يخابروني يكلولي مرتك هاده وكاتله مرت ابوها شحجي
منو كلك انت .
هواي .. اخبار بطولاتج وصلت تهلهل . لا ومامكلفه نفسه تكلي
طالعه بحيل صدرها
مو انت كلت روحي لنبض من تضوجين
لنبض .. مو لبيت ابوج وروحي عاركي ...شسويلج هسه ..هاا
انه اعرف شلون اتوبج . باجر ترحين تتعذرين منها
شنوووو لا والله
والله .
ماروح لو تموتني
لا تخليني اراويج وجهي الثاني
راوينيا ولااروح لصباح اعتذر لو اموت
مو بكيفج .. العصر اخذج
ماروح
ليييين .
لاتعيط مروح احركها لنفسي والله اذاجبرتني
أنت تقرأ
نبض💔💕💓💓💓
Romanceماكنت حلمي ولم تكن اختياري . ماذنبي اني فجاة اصبحت تحبني هاجرا احلام طفولتك وصباك ورجولتك وكل علاقاتك ماذنبي انك فجأة شعرت بلحب تجاهي لترسم مسار حياتك معي متجاهلا طموحاتي اختيارك لي لا يمثل ماحلمت به لكنه كان قدري ليس اختي...
