هدا يا كبيداتي فنجان هادوكا الناس لم يتلاقو ويبدوا عاد هاديكا القرمه والغيبه البريئه اللي غالبا تكون علي راس وحده الكل حاطينها في دماغاتهم....ويبدو يتفكرولها حتي في كلمه عاديه او تصرف عادي طلع منها ويأولوه تأويل مزبوط يتماشي مع التقعميزه...طبعا نقوللكم انه معظمنا نديرو فيها الحركه هده لكن فيه من يدير فيها ويسبب في مشاكل لان هاديكا التقعميزه بتأدي بعدين لنشر كل المواضيع اللي انقالت في مختلف الجيهات وطبعا كان سلفات واجتمعو علي سلفه خودلك موضوعها في كل عيله...طبعا ديما الكناين يشوفو انه العزوز والحموات هما الغالطين....هو راهو انا ك كنه حق راه مرات البلا كله يجي من الحماوات ينكرو ف امهم وتبدا هاديكا العزوز ترحي وتفش غلها اما ف كنتها مباشره او في ولدها بعدين ف كنتها....نصيحه للعزوز والحموات:-
مرت ولدك راهي زي بنتك انتي بتبدي بالباهيه باش تكافيك لو انتي ظلمتيها وطغيتي مش حتشوفي منها مايرضيك وردي بالك تسمعي كلام بناتك راهو الحسد ف قلوب البنات واعر وخاصه لو مايحبوش خوهم...بتقولو كيف مايحبوش خوهم بنقوللكم ايه فيه هلبا ناس هكي....
نصيحه للكنه:-
خليك بعيده عالكلام ف تجمعات البشر هده لانك لو قربتي وتكلمتي بيرفعو عليك الكلام مقلوب وهاتيها يامشاكل وسلميلي عالراحه النفسيه تبدي تاكلي في نفسك ليل نهار...فلهادا ابعدي واسمعي ولوحي ورا ضهرك والله الدنيا ما تستاهل انك تتغششي علي خاطرها...اهتمي ب نفسك☝️اولا وتانيا وتالتا واهتمي بصغارك وزوجك وبيتك ولوحي الدنيا وراك..وعيشي الدنيا صح بجوك واللي يفوتك ياخد سوك ....وسليمه😚
YOU ARE READING
قهوة حب
Storie d'amoreكل حد لم يقمز يفكر ف هلبا حاحات ..تصالح مع النفس...رجيم..عركه ...طلعه...اللي هو وانا كل فنجان نهدرزو عليه ف حاجه #
