عٌنِدِمَأّ يِّقِرر أّلَنِصٌيِّبِ

(حرت مابين الِم روحي والَم روحي.)Part1

خيوط ثوب الليل من أحزاني
اليتمُ حاك نسيجه فكساني
طفولتي ذبلت برمضاء الأسى
وزهورها شوكٌ من الحرمانِ
بسواد حزني أرى الحياة كئيبةًً
ما ذقت طعم سعادةٍ وحنانِ
اليتم أبدلني الحنان قساوةً
والحب مذبوحٌ على وجداني
عمري بدا فيه الشتاء فبددت
آمال أحلامٍي و كل أماني
والدمع ينحت لوحةً للحزن في
خدي ملخصةً بها أشجاني
وتنهدي مثل الدموع إذا جرت
جذبت نظائرها من الأجفانِ
أنا من فقدت حنان أمٍ وارفٍ
مثل الربيع بروضه الريانِ
سألتْ عيوني البدر عنْ أمي التي
على صوتها عشق المنام أغاني
صدري يحن للمسةٍ بأكفها
ليذوق دفئ الحب في الأحضانِ
يا نجم أين أبي الحنون بقلبه
من لوْ رآني معذباً لفداني
لما أرى الأطفال بين رياضهم
كالزهر مبتسماً من الولهانِ
حاولت أرسم في الخيال سعادةً
من طيفها أنسى عنى حرماني
لكنْ بنار القهر ذابت أدمعي
فمحت رسوم سعادةٍ بجناني
نظراتي من بقيت تحاكي صمتها
في بؤسها تخبرك عن أحزاني
والضحك غادر للشفاه شواطئاً
ذاق العناء بصحبتي فجفاني
بالصمت من حولي نسيت بأن لي
صوتاً أحس لحونه بلساني
خطوات أقدامي تسير كليلةً
سئمت مسيراً في فضا التيهانِ
يا طير لو تدري بأحزاني لما
غردت ألحاناً على الأغصانٍ
ولعرتني منك الحنان تشفقاً
ونسيت قربي لذة الطيرانٍ
البحر يلطم خده وبمائه
دمعاً على حالي أتى فبكاني
لو يعلم الكون المعج بخلقه
بجراح آلام الحشى لرثاني
فعصرت باقي الروح حبر قصيدةٍ
عنْ قصتي تحكي مدى الأزمانٍ
ينار:اخخخ ربي اخذني وياهم يارب ماتحمل اااخخخ لك يابهههه حبيبي اكعد اني اني حبيبتك اني ينارك لتعوفني بحدي يابه لج يوم اكعديي اني وحيدتج اني بنيتج شلون شلون نطاج كلبج تعوفيني ارجعي فدوا العمرج ابوس تراب رجلج اني يوم ولله اكعد عاقله وماكل كاكو من لصبح ولا اطلب شي بعد بس ارجعولي ولكم شلون شلوننن تعوفوني بحدي لمن عفتوني ماعندي احد بهل دنيا هاي بس انتو حتى اخويه مسافر
عمي نبراس:كومي عمي كومي لعد احنه وين رحنه احنه اهلج حبيبتي
عمتي زهور:سوده عليج يمه ولله كلبي محترك مثلج واكثر منج ولج هذا اخويه لراح حزام ضهري ولج
هسه نعرفكم عليه
هلاو اني ينار اسمي ينار عمري 17سنه صف خامس علمي بيضه كلش عيوني خضر حواجبي من الله محفوفه عنده خدود ورصعات ثنين وحده بخدي وحده بحنجي طولي 159وزني 50 شعري ثخين اشكر طوله لحد ركبي ماعندي خوات اخ واحد بس اسمه عمر مسافر لفلنده يعني هوا يصير ابن عمي بس توفه هوا وزوجته مبقه احد عنده فا اخذو ماما وبابا ربو وراها ب5سنوات اجيت اني وضلو يهتمون بيه بي عمري محسيته ابن عمي دائما احسه اخويه صدك ماما وبابا ميفرقون بيني وبينه سافر حتى يكمل دراسته مال طب هسه احجيلكم عن اتعس يوم بحياتي يوم عافوني بي امي وابويه يوم افترقت بي عن لجنه اي الام ولاب جنه متتعوض...
الجمعه ساعه 12:00
الام زينب:ماما ماماتي ينار اكعدي حبيبتي يله بيت عمج عازيمنه تأخرنه
ينار:اففف ماما نعسانه ولله عوفيني نايمه
زينب:لا لا ماما حبيبتي اكعدي عيب من عمومتج
ينار:كعدت كعدت بست ماما ودخلت سبحت وبدلت ونزلت الامي تمشط شعري وسويته ضفيره هنديه دخل بابا طفرت حضنته بابااااا
فراس:يروح ابوج انتي صباح لخير يناري
ينار:صباح لسعاده حبيبي بابا
فراس:باعي جبتلج من الكاكو لي تحبي وجبس ليز بل خل
ينار:ياااايي بابا احله اب بل دنيا احبككك فروستي
زينب:فراس ليش اجيبلها كاكو مو زين من لصبح
فراس:خليي تاكل وتدلل بجال ابوها شعندي غيرها اني هيه واخوها
زينب:ايي واني شعندي غيركم انت وياها واخوها
ينار:كعدنه شويه وبابا كال يله خابرني اخويه نبراس طبعا بابا وعمو نبراس تؤم المهم رحنه لبيت عمو لكيناهم كلهم موجودين سلمنه وكعدنه نسولف ونضحك
سامر ابن عمو نبراس:لجج ام غمازه شلونج
ينار:هلهه ابو كفشه زينه وانت
سامر:مادام انتي زينه اني زين
ينار:ضلينه لحد ساعه 12:30بليل نسولف ونضحك
فراس:يله زينب يله بابا ينار نروح
ينار:لااااا بابا خلينه ولله ضوجه
فراس:حبيبتي تعبانه ودايخ امشي وباجر اجيبج لصبح
ينار:وعد
فراس:هههه وعد ولله
ينار:امم يله لزمت بابا وسلمنه وطلعنه لطريق اني غفيت بس فزيت ع صيحه امي وضوه قوي كلش صار بعيني كعدت شفت نفسي بل مستشفى ويمي عماتي وعمومتي ولدهم وبناتهم باوعت ايدي مجبريها ونايمه كمت ادور ع امي وابويه بس ماكو ماهمه وعمو نبراس هم مموجوده باوع جان يمي سامر ولابس صدريته لبيضه مال طب وعيونه مدمعه حجيت بصوت تعبان...ابو كفشه وين ماما وبابا
سامر:نامي ام غمازه مو زين عليج تحجين
ينار:اهلي وين سئلت جاوبوني شويه ودخل عمي نبراس يمسح بدمعه اني من شفته كلبي نغزني كتله عمو وين بابا
عمو نبراس:😭😭
ينار:كمت من مكان وسامر ميقبل اتحرك ولازمني كتله متحجون وين اهلي اريد اهلي اني
سحر بت عمتي:لبقيه بحياتج ينار
ينار:شنو شنو انتي شدتحجين شنو لبقيه بحياتي
عمو نبراس:بويه اهلج متحملو وتوفو
ينار:ههههه هاي شدتحجي عمو ماسمحلك تفاول هيج ع اهلي عايشين بابا بابا وعدني كلي باجر اجيبج لبيت عمج احجي وياهم اشوف لولد قبل لنسوان يبجون دفعت سامر وفتحت لباب مشيت وماعرف وين بس سئلت اهلي محد يجاوبني اجه سامر كتله ابو كفشه اريد اهلي كلي وينهم بداعت ابوك
سامر:تعالي
ينار:مشيت ويا وداني للمكان لي بي اهلي شفت مغطين وجههم وخرت لغطه من بابا شفته نايم شكد حلو ملامحه حلوه جانت حجيت ويا بابا بابا يله اكعد وتعارك وياهم يفاولون عليك وع ماما يله كوم انت عايش مو ادري هاي شقه لو مقلب ومتفق ويا لكل عليه ماكو ضليت ابجي بصوت عالي واحجي ويا ميفيد رحت لمامه نفس لشي كعدت بل كاع اضرب برجلي ولكم ليش ليش عفتوني ها اخذوني وياكم عليكم الله اخذوني ليش عفتوني ماعندي احد اني ماما اكعديي اجه سامر كعد يمي ويبجي لزمته من ايده سامر سامر حباب كعدهم انت مو دكتور مو تكول اني اعيش العالم عيشلي اهلي فدوا سامر ابوس ايدك ولله كلشي انطيك فلوس بس رجعلي اهلي
سامر:😭😭ينار حبيبتي كافي موزين عليج
ينار:طلعني سامر من لغرفه كعدت يم الباب الغرفه لي جانو خالين اهلي بيها وضليت ابجي والعالم كلها اجتي دكاتره ودكتورات وناس ماعرفها اشوفهم يبجون ولدكاتره يعزون سامر ويحجون ويا اجه عمي نبراس حضني وضل يبجي
عمو نبراس:كافي بويه كافي اني اني ابوج من اليوم
ينار:لا لا محد ياخذ مكان ابويه ابويه حنين ابويه كلشي الي اريده يجيبه الي لو عسا مجان بأخر الدنيا رجعوليا رجعولي امي لطيبه ليش ربي ليش اخذتهم ولله هما طيبين وممسوين غلط رجعهم واخذني اني فدوه
عمو نبراس:اششش ابويه حرام هذا قدر الله كافي
ينار:ضل يمسح ع راسي اول مره احد يمسح ع راسي غير ابويه وخرت ايده كتله لتمسح ع راسي اني مو يتيمه هسه يجي بابا ميحب احد يمسح ع راسي حضني وضل هوا يبحي واني ابجي والعالم كلهم يبجون اخذوني لبيت عمي بيومها محد نام كلها تبجي واني كاعده بل مكان لي جانو مخلين بي امي وابويه وابجي واحجي وياهم احسهم موجودين ويايه وكلهم يمي يبجون شايفين من تفقدون شخص عزيز عليكم تحسون لدنيا وكفت بس انتو وخصوصا لي يفقد امه وابو عامود لبيت تجي اباله كل لايام الحلوه لي بينهم لايام الي زعلهم منه ويتندم انو زعلهم هيج كمت احس اني من فقدت اعز اثنين
...يتبع