فتحت عيوني شفت اخويه عمر ايي ايي ولله هذا عمر كمت من مكاني ورحت حضنته قوي واني ابجي وهوا يبجي كعدنه بل كاع واني حاضنته وراسي بصدره وهوا حاضني وراسه ع جتفي ويبجي كتله عمر صرنه يتامه يخويه صرنه يتامه
عمر:ايي يا يناري اي صرنه يتامه
عمو نبراس:لااا عمر يابه لعد احنه وين رحنه احنه هنا اهلكم
عمر:محد يعوضنه ابويه وامي يعمي
ينار:كومنه عمي وعمتي كعدت اني بل زاويه اجه عمر بصفي كعد وخله راسي بحضه كلي يناري امشي ويايه لفلنده بعد مالج احد هنا
الكل:واحنه وين رحنه
عمتي زهور:يمه عمر اني موجوده عمومتها موجودين ولد عمها وعماتهم هم وين ماخذها وياك للغربه يا امي
عمر:باوعت لعمتي بنضرت امل كتلها وتعوضيها عن كلشي عمه تخافين عليها مثل سحر وانت عمي تخاف عليها مثل ضحى
عمو نبراس:ايي عمر احبها واخاف عليها اكثر من ضحى الله شاهد امانته اخويه هاي
عمتي زهور:اي عمر اعوضها عن كلشي واخاف عليها مثل سحر واكثر بس عوفها لتاخذها ريحه اخويه بيها
ينار:عمر لتعوفني وتروح ابقه يمي ارجع هنا ونعيش اني وياك ابيت اهلنه مبقالي احد من ريحه بابا وامي بس انته دائما يكولولي اذا صار بينه شي عندج سند ابقه يمي سندي انت
عمر:حضنتها وكمت ابجي كتلها انتضريني بس 3سنوات اخلصهن وارجع وداعت يناري ارجعلج اني هم مبقالي احد من ريحتهم بس انتي تجين ويايه لفلنده لو تبقين يم عمومتي وعماتي
ينار:باوعت عمو يشبه بابا كلش بحيث منفرق بينهم باوعت ع عماتي وعمومتي ونسوانهم كتله ابقه هنا يم عمومتي ويم اهلي هم من اشوف عمو نبراس اشوف ابويه صح محد يعوضني عنه بس يشبه ع الاقل اكو شخص يشبه بابا موجود ويانه حجيت هيج كام عمو نبراس باسني من راسي وكلي
عمو نبراس:يناري وحق الله ماخليج معتازه شي قبل مطلبين تلكي يمج وحالي حال ابوج شنو جان يسوي اسوي لج بس ابقي انتي من ريحته وداعتج اذا رحتي اموت هم اخويه حزام ضهري راح مني وهم انتي من ريحته حبيبتي انتي وهاي مرت عمج مو تكولين تشبه امي هم تبقى يمج
مرت عمو نبراس:ايي ينو حبيبتي ابقي هنا يمنه ولله كلشي تريدي نجيبه الج ونحبج احنه وحنينين عليج يا امي
ينار:قبلت ابقه بيت عمو نبراس وبقه عمر يمي معافني انام بحضنه من راح ابويه صار هوا ابويه وكلشي بلنسبه الي عيوني 5ايام مشايفه النوم من اجه عمر كمت انام بس دائما من اكعد اكول بلكت يطلع حلم واهلي عايشين بس ماكو مرت الايام واني ماكل بل غصب عمر يوكلني وشويه مو هوايه عيوني من كثر لبجي ولسهر صار جواها اسود اجتي الاربعين مال اهلي ورحنه للنجف اوووف يتراب النجف رحنه زرنه وخلصنه واني روحي ملهوفه ع اهلي رحنه للكبر مالتهم واحد بصف الثاني شفتهم وقريت اساميهم ع لمرمره حضنت لمرمره مال كبرهم وضليت ابجي وابجي ماما حبيبتي مشتاقيتيلي صارلج اربعين يوم مشايفتني ولله يمه اني مشتاقتلج ضليت احجي ابيات مال قصيده سمعتها بجهاز جهاد ابن عمتي قبل ميتوفون اهلي
يتراب النجف مخنوك منك حيل
يضل بالي عليهم من يجي اليل
افكر خاف بردانين
لوبلحد مخنوكين
من يوم المشو والهسة شفت الويل
يتراب النجف مخنوك منك حيل...
بابا حبيبي بردان يبعد بيت ينار واهلها وعشيرتها مشتاقيتلي يروحي انت ولله يايابه لدنيا بدونك محلوه فارغه كلش محد يكدر يسد مكانك رحت فدوه لهاي لنومه يابه جوعان عطشان بارده يمك لو حاره ماما هذا عمر حبيب كلبج مو تكولين عمر فراكه يدك بكلبي اجه يشوفج كومي ولله يوم متلوكلج هاي النومه يل حلوه معانيج ضليت ادك والطم وابجي واحجي لحد متعبت كلش حسيت ايده صارت ع جتفي نداريت شفت جهاد
جهاد:كافي ام شعر مو زين عليج هيج وميجوز هلكد تبجين اقريلهم قران وفاتحه اثوب من لبجي
ينار:خليت راسي بصدره وابجي اني اعتبره مثل اخويه ابجي واشهك كتله من بين شهكاتي ل لليش ع عافوني بحدي ها ليش مياخذوني وياهم احنه مو 4اشخاص خلي اموت اني ويبقى عمر يكدر ينسانه بس اني ماكدر ماعندي قدره اتحمل فراكهم ولله اربعين يوم مرن عبالك اربعين سنه احجي ويا واني راسي بحضنه
جهاد:حضنتني ينار وتبجي وتحجي جمدت ماكدر اسوي اي شي اول مره تصير بهل قرب مني حضنتها ومن كلتلي اموت تخبلت متخيلت حياتي بدونها كتلها اشش اشش كافي اسم الله انتي ينار لقويه شنو تموتين باعيلي شو باعي رفعت راسها كتلها خالي جان يريدج اصيرين دكتوره وامج هم رادتج دكتوره حققي حلمهم ماكو شي اسمه موت بعد زين
ينار:شفت عمر يبجي ويشهك يم راس امي رحت خليت راسي ع لمرمره مال ابويه وغمضت عيوني بعد محسيت بشي
جهاد:اباوع عليها رحت كعدت وخلت راسها ع لمرمره غمضت عيونها ضليت صافن عليها ماكو متتحرك رحت يمها ادغها ماكو شلتها وخليتها بل سياره كلهم عبالهم صار بيها شي بس اجه سامر
سامر:مابيها شي مابيها هاي ام غمازة شمرت لسويج لعمر كتله انت سوق سيارتي اني راح اصعد ويا جهاد علمود ينار لطريق كله عيني عليها صح اني عندي علاقه ويا بنت عمتي سحر بس احب ينار صديقتي وهيج مشاعر ماعرف اوصفها بس احب سحر اكثر باوعت ع جهاد يباوع عليه وعليها بل مرايه كتله خير يا طير
جهاد:نجب ولك خير لي يصيبنه نشالله
سامر:ولله نضراتك مو راحه يخويه ترا اني مرتبط
جهاد:ايي ويا يا تعيست حظ هاي
سامر:شعليكك رجاءا لتزحف
جهاد:دنجب شو يا وحده قابله بيك وبهاي كفشتك جنك واحد منتول
سامر:مضغوط مني انت لين اني حلوه واخبل وعندي كفشه عاليه وانت سوده عليه كفشتك بكد شعر رجلي
جهاد:ضربته ع ايده بل شقه كتله ايي لين اني رجال غير وبل جيش شتتوقع مني اربي كفشه
سامر:درت لمرايه عليه وضليت اعدل بكفشتي ولحيتي
جهاد:وخر هيج سود الله وجهك وخر راح نسوي حادث ولك
سامر:اكلك جهاد ليش متحب لخير لاحد
جهاد:ليش ولك شنو ماخذ خير ابوك
سامر:متكدر تاخذ خير ابويه الين ابويه يصير اخ امك يعني خالك😛😛😂
جهاد:كبر دطبب السانك شطوله رجعت لمرايه شفت ينار كاعده وشويه تبتسم
ينار:صحيت ع صوت جهاد وسامر يحجون سوالفهم تضحك ابتسمت شويه شافني جهاد كال
جهاد:اروح سبع فدوا الام شعر شوكت كعتي
ينار:من جان سامر مرتبط ومربي كفشه
سامر:ام غمازة احجي ضميرج حلو اني مو
ينار:ابتسمت كتله ايي حلو كلكم حلوين
جهاد:اني هم حلو مو
ينار:انت ابو نجمات تخبل رجعت خليت راسي ع الجامه مال سياره وحجيت وين عمر
سامر:ديسوق سيارتي لين اني يمج بقيت
ينار:سكتت لطريق كله ساكته وكف جهاد باوع لمطعم لي جان بابا ياخذنه عليه مكدرت ابجي احس دموعي نشفن
جهاد:بس ام شعر راح اجيبلج لبيتزا لي تحبيها
سامر:واني راح اجيبلج لصاجهه لي تحبها
ينار:نزلو اباوع عليهم يتسابقون من يشتري بل اول اذكر بابا باوع ع لسما كلت الله يرحمك بابا انت وماما صح مراح انساكم بس راح اكدر احقق حلمكم واصير دكتوره اوعدكم شويه دك جهاز سامر شفته عمو نبراس جاوبت الوو ها عمو
نبراس:يابه يناري وينكم
ينار:بل كراده هسه نرجع عمو صاير شي
نبراس….
يتبع
أنت تقرأ
عٌنِدِمَأّ يِّقِرر أّلَنِصٌيِّبِ
Spiritualعندما يقرر لنصيب لا احد يحق اله ان يتكلم او يعارض عندما احببتها شعرت بأني امتلكت الكون بأكمله ولاكن لقدر ولنصيب كان له رأي اخر تابعو لاحداث
