ينار:احبه يربي ماكدر لمهم لحد ساعه1راحو اهل علي واتفقنه انو بس اخلص امتحانات لشهريه نروح.للنجف مرت الايام واني معذبه علي من يخابرني اطول يله اجاوب وهوا يضوج من هل شي من يجي ياخذني من لمدرسه اضل اسولف ويا لمياء لحد ميمل هوا صدك نسيت لمياء ازوجت ورحنه لعرسها بس علي مقبل نبات شفت ضحى جانت عادي عدها زهير يزوج يمكن نسته لمهم غيث وليث طيبين وحشاشين كلش حبي لعلي معذبني من اشوفه متعذب ويضوج وبعيونه ندم انقهر من نضراته اتمنه اخذه بحضني حبيبي هذا الى ان فديوم كاعدين كلنه ودك جهاز جهاد جاوب وجهه صار اصفر وباوع عليه كلبي نغزني سده وكعد كتله شبيك جهاد
جهاد:ينار علي
ينار:من سمعت اسم علي لو روحي راحت كتله شبيي علي
جهاد:هاجمين عليه بل طريق ومصوب
ينار:نجمعت لدمعه بعيني اريد احجي ماكدر كمت حتى هوا ماكدر اخذ روحي طلعت وبعد محسيت بشي
عمر:ينار ينار شلتها واخذتها للمستشفى رأسا خلولها مغذي واوكسجين رحت اشوف وضع علي لطلقه بجتفه بس وضعه زين لحمداللله
ينار:فتحت عيوني شفت نفسي بل مستشفى ويمي طيبه وسحر وضحى وياسر كمت لزموني مقبلو اتحرك وخرت من ايدي المغذي وضلت ايدي تصب دم طلعت شفت ليث اباب لغرفه لي اني بيها كتله اخذني لعلي
ليث:حجيه رجعي نامي علي مابي شي جنه حصان الله وكيلج
ينار:ليث اخذني
ليث:ماشي تعالي
ينار:لزمته من عكس ايده وكمت امشي ماكدر امشي احس ماعندي قدره وقابليه رحت شفته نايم ولدكتور ديحجي ويا عمر
عمر:ينار شكومج من مكانج رجعي حبيبتي
ينار:عمر اريد اشوف علي
عمر:دكتور يصير
الدكتور:اي عادي
ينار:دخلت لعلي جان نايم رحت بسته من خده وكعدت وضليت احجي ويا علاوي علوشتي شيخي يا احله شيخ شفته بهل دنيا اكعد حبيبي متلوكلك هاي النومه كوم والله سامحتك اني ادري هويه عذبتك بس حتى انتقم منك لين حركت كلبي حبيبي سامحتك ولله شويه واجه عمر اخذني
عمر:يناري وضعه زين مابي شي فد ساعه ويكعد هاي شنو لدم لي بأيدج
ينار:وخرت المغذي قوي
عمر:مخبله يناس والله مخبله اخذتها ولفيت ايدها
ينار:ضليت كاعده لي فهمته علي طالع من بيتهم للمركز لي يشتغل بي وجايين سيارت اثنين وهاجمين عليه علمود قضيه مال مخدرات همزين جان قريب على لمركز وتلحكوله شفت لدكتور اجه يركض وعمر راح شويه ورجع كلت خلص هاهيه خسرته مثل مخسرت اهلي بسب غبائي لدنيا افترت بيه وكعت
عمر:استغفرالله كم مره اكلها ابقي نايمه عنيده متسمع كلام شتلها ورجعته للغرفه ورجعت خليتله لمغذي بأيدها علي مابي شي صحه واول مكعد راد ينار خليتها بغرفتها وخليت يمها ليث وضحى وياسر ورحت شفت علي هم كايم كتلهم استغفرالله اني انيم ذيج تكعد انت صدك كذب
علي:وين ناري شبيها
عمر:نارك نايمه غرفتها بصف غرفتك
علي:اريد اشوفها
عمر:ارتاح وبعدين شوفها
علي:لزمته من متنه كتله لا هسه اريد اشوفها استند عليك طلعت وفتت لغرفه ناري شفتها نايمه وايدها ملفوفه ولثانيه بيها مغذي كتله شبيها ايدها عمر
عمر:شالت لمغذي من ايدها قوي وضلت تنزف علمودك
علي:ابتسمت لعبت بشعرها شويه لكل طلع بقيت بس اني يمها كتلها ناري حبيبي هيه فتحت عيونها
ينار:فتحت عيوني شفت علي كاعد كبالي وايده بشعري ويبتسم ولله هوا علي لزمت ايده كتله مداحلم مو
علي:ههه لا حبيبي مدتحلمين
ينار:حضنته وضليت ابجي بحضته اهئ هئ علي ليش هيج تسوي بيه ها ليش ولله ردت اموت من وراك حسيت خسرتك مثل مخسرت اهلي
علي:اشش حبيبي اهدي هاي هياتني كدامج مابيه شي بس انتي لي بيج ليش شايله لمغذي قوي ولج
ينار:تقربت عليه وحاوطت ركبته بأيدي وبسته من شفته جانت مشاعر مخربطه حب وخوف ولهفه والم بسته واني دموعي على خدي وخرت منه كتله احبك علي سامحتك
علي:اعشكج اني يروحي انتي
ينار:ضل علي يمي وراها اجه عمر وكله لازم يرتاح را لغرفته اني لحد ليل وكمت من لفراش فتحت باب غرفتي ورحت لغرفه علي فتحت لباب لكيته كاعد وصافن رحت يمه كعدت
علي:تعالي نامي بحضني ناري
ينار:احنه بل مستشفى شيخ
علي:تعالي ولج صارلي شكد محاضنج
ينار:سوالي مكان ورحت نمت يمه وحضني ايده مجبريها نام على ايده الثاني ضل يشم بركبتي وبشعري ويحجي بهمس
علي:اوووف يا رحيتج شكد احبها ولج ناري اريد اكلج
ينار:ابتسمت كتله عبالهم نهزمت
علي:لااا يدرون يمي نار لشيخ علي مكانها يم علي وبس
ينار:غمضت عيوني ونمت
عمر:وين ينار ضحى ضحى
ضحى:ها عمر
عمر:وين ينار
ضحى:ولله مادري عفتها نايمه
عمر:كلبنه المستشفى وماهيه وينها يربي
غيث:شكو عمر شصاير
عمر:ينار ماهيه ولك
سرى:نار لشيخ علي يم علي نايمه
عمر:عليج الله
سرى:ولله تعال شوف منضرهم يجنن
عمر:فتحت سرى لباب ودخلت شفت علي نايم وحاضن ينار ابتسمت كتلها سرى اذا صار بيه شي تسوين هيج
سرى:اش اسم الله يروحي الشر برا وبعيد
عمر:بس خلي يطلع لشيخ من المستشفى اجيبهم واجي طايرولعباس
اليوم الثاني ساعه 10:10الصبح
علي:فتحت عيوني شفت ناري نايمه مثل الملاك وخصلات شعرها على وجهه صايره ولازمه ايدي شفت الكلاده لي لابستها غافيه بنص صدرها كلت بكلبي نيالج غافيه بهل مكان بستها من راسها هيه شويه تحركت وفتحت عيونها
ينار:فتحت عيوني شفت علي كاعد وصافن عليه كتله صباح لورد ياوردي
علي:صباح العسل يا عسلي تدرين انتي نايمه واني ادور حجي يلوك لصباحج
ينار:احبك
علي:احبج
الدكتور:واني هم احبكم بس هسه وكت لفحص
ينار:ندارينه اني وعلي شفت الدكتور واكف ويبتسم ولممرضه والمصيبه لكل جان بل غرفه من اكبر واحد لحد اصغر واحد باوعت على علي باوعلي وابتسم اني من خجلي شلت لغطا ودخلت راسي نمت على صدره اسمع الكل يضحك واني خدي يطلع شراره من لخجل هفف كرصت علي من بطنه
علي:ههههه اطلعي اطلعي جبانه
ينار:راحو
علي:اي راحو
ينار:وخرت لغطا وشفت ماكو احد هففف علي شبيك استحي
علي:چا خايبه انتي كتيلي احبك واني جاوبتج شو لدكتور جاوبنه عبالك شياطين بنصنه
ينار:وهسه شلون راح اشوفهم ولله مال سنه كامله ماطلع بوجهم
علي:ليش ليش قابل غريب اني رجلج ترا
ينار:ايي بس استحي
علي:لعد بليله عرسنه شراح اسوين
ينار:هاااا
علي:صرت فوكاها كتلها سمعتي كلش زين
ينار:علي حباب وخر
علي:اذا ماضوك ماوخر
ينار:عليي شبيك وخر مو علساس انت مريض
علي:اي مريض ولدكتور كلي اذا تريد تصير زين اكل عسل واني يمي احله واطيب عسل
ينار:تقرب مني وباسني عضني من شفتي وخر دفعته وكمت كتله خبيثث
علي:تعليمات لدكتور هيج كلي باعي صارت عندي طاقه من بستج من هاي الشفايف لي خبلتني تخبلل
ينار:انن😛بعد ماكو عفته ودخلت للحمام اسمعه يضحك قوي ابتسمت على ضحكته شكد احبها غسلت وجهي وشلت شعري ولبست حجاب وطلعت لكيت الكل موجود ولدكتور ديفحص علي بس كعدت لكل كام يباوع عليه ويبتسم خليت ايدي على وجهي لكل ضحك علي:لتخجلون مرتي عيني
سرى:ها شيخ ادور حجي يلوك لصباح نارك
علي:ويوميه راح ادورلها حجي يلوك لصباحها
ينار:وخرت ايدي باوعت على علي غمزلي وابتسم اني احس كل لي بل غرفه سمعو دكات كلبي ونزلت راسي شويه وتخربطت طيبه
جهاد:طيبه طيبه حبيبي شلت طيبه وخليتها على لتخم
عمر:دكتوره بيداء ممكن تاخذين تحليل لطيبه
بيداء:اكيد اخذنه تحليل ودينا للمختبر طلع لتقارير رحت للغرفه
جهاد:شبيها طيبه دكتور
بيداء....
يتبع
أنت تقرأ
عٌنِدِمَأّ يِّقِرر أّلَنِصٌيِّبِ
روحانياتعندما يقرر لنصيب لا احد يحق اله ان يتكلم او يعارض عندما احببتها شعرت بأني امتلكت الكون بأكمله ولاكن لقدر ولنصيب كان له رأي اخر تابعو لاحداث
