ينار:صار لصبح واني عيني ع لباب كل شويه اكول هسه يجون هسه يفرحوني بشوفتهم بس ماكو لصبح جابو لتوابيت مالهم باوعت جنت اتمنه اشوفهم واكفين ع رجليهم مو بل تابوت يجوني حضنت تابوت امي وضليت ابجي واحجي وياها هااا يوم ها يا ام ضحكه لحلوه ها يا ام كلب لطيب رحتي وعفتيني بحدي عفتيني مكسوره خاطر مفكرتني منو بعد يضفرلي شعري منو يكعدني لصبح ويكلي يله كومي ماما حبيبتي لمن بعد من ارجع من لمدرسه اصيح يوممم انيي جيت وتستقبلني ها المن لمن اصيح ماما بعد ولله بعدني صغيره ليش تحرموني منكم ومن كلمه ماما وبابا ليش لج ماما يافرحتي وكل ايامي لحلوه يوم حبيبتي سامحيني لين فديوم عليت صوتي عليج اخاف فديوم قهرتج وبجيتج سامحيني يا احله امي بل دنيا رحت لتابوت ابويه اخخخ يابابه يا احله اب بل دنيا يا احله شخص بهل كون شحجي مراح اكتفي حبيبي يابه هيج هيج هانت عليك ينارك تعوفها بحدها ها منو بعد يكلي ادللي بجال ابوج ماطول ابوج عايش اطلبي بكيفج ها منو اكعد يا عامود بيتي ولله راح اشتاق لكلمه يناري ولشوفتك من تدخل للبيت انت وطولك لحلو يابو ضحكه لحلوه يا ابو روح لحنينه يابه جنت تكلي ماحب احد يمسح ع راس بنيتي مثل ليتيمه ماطول اني عايش محد غيري يمسح ع راسج تقبلها يبويه هسه يمسحون ع راسي مثل ليتيم اووف يايابه يا فرحت ايامي كلها يابه منو بعد بل عيد يجيني ويبوس راسي ويعايدني منو حضنت تابوت ابويه قوييي وبعد محسيت بشي
عمو نبراس:ينار ينار عمو ينار
عمتي زهور:يبووووو رحت لبنيه راحت بت اخويه عمه ينارر
سامر:بس بسس وخرو عنها ينار ينار اكعدي حبيبتي ام غمازه شلتها دخلتها جوا كتلهم جيبو مي بسرعه جابو مي رشيت عليها شويه مصحت جبت مي بارد وذبيته عليها صحت ضلت تباوع علينه كامت وطلعت ركض برا
ينار:فتحت عيوني كلت ايي هسه يطلع حلم واشوف اهلي يمي بس ماكو حقيقه كل لصار حقيقه باوعت عليهم كلهم كمت ركض برا اريد اهلي شفتهم شالوهم واني جلبت بتوابيتهم جرني سامر وخر وخر عنييي وين ميروحون اهلي اروح وياهم دفعته قوي وطلعت وراهم شفتهم لسيارات تمشي ركضت وراهم واصيح اريد اهلي ماما ماما اخذيني وياج لتعوفيني بابا اخذني وياك لتعوفني ولله احس بغربه من انتو مو يمي راحت لسيارات واني اركض وكعدت بل كع اجه ابن عمتي جهاد وسامر كوموني
جهاد:لج ام شعر حبيبتي كافي يروحي احنه اهنا صح منعوضج عن اهلج بس هم اهلج
ينار:طبعا جهاد نقيب فا اني اصيحله ابو نجمات كل شخص بعائلتي مطلعته اسم وهما هم كتله ابو نجمات ابوس ايدك اخذني وياهم عليك الله اخذني الهم فدوا حباب
جهاد:اشش كافي كافي ام شعر باوعت عليها تبجي وشهك الله يساعدج يناري كلش متعلقه بأهلها وخصوصا خالي فراس جانت دائما من تشوف احد يموت ابو تبجي وتحضن خالي تكله اني ماتخيل حياتي بدونك واجه اليوم الي ينار فقد بي اهلها فوك لقهر ولضيم امها وابوها من اجه خبر وفاتهم جان عندي خفر بس خابرني خالي كلي خالك فراس وزوجته وبنته سوو حادث تخبلت رحنه لمكان الحادث جانت هناك اسعاف وناس ونجده طلعو خالي ومرته وينار باوعت خالي ومرته خلو غطه ع راسهم نزلت دمعتي خالي حنين علينه كلنه جان عبالك ابونه ومرته هم نفس لشي باوعت ينار اوووف يا ينار شلون راح تتحملين اخذناها للمستشفى وكعدت وضلت تبجي وتحجي واني اول مره تنزل دمعتي عليها اي اني احبها لينار من جانت بل متوسطه احبها واحب شعرها وعيونها وغمازاتها واضوج واغار واشتعل من اشوف واحد من ولد خالي يكلها حبيبتي لو يشاقه وياها بس ماكدر اسوي شي لين اني حتى مكايللها وهسه صارت سالفة اهلها واشوفها تبجي واني ماكدر اسويلها شي كومتها كتلها يله ام شعر خلي نروح للبيت ووعد ادويج الهم بس خلي تجي الاربعين
ينار:ودوني للبيت رحت كعدت بزاويه لصاله وطابكه رجلي لصدري وخاله راسي ع لحايط وابجي بوكتها جنت لابسه بنطرون اسود وبدي اسود ومنمت اليل كله مغمضت عيني اشوفهم كلهم كاعدين ويباعون عليه بنضرات شفقه واباع بعينهم نضرات انو هيه توفو اهلها يتيمه صار مادري اني هيج كمت افكر باوعت ع عمتي دتحضنها بنتها دفعتها وخزرتها كتلها صح اني يتيمه صرت وماعندي احد بس لتحرمين بنتج انو تحضنج علمود مانقهر اني ترا محد دايم خلي يشبعون منكم وانتو لزعلون اهلكم ترا ولله ليتم محلو ويقهر من الابو لو لام يعوفون بتهم شفتهم كلها تبجي عماتي وجهاد وسامر مراحو خاف يصير بيه شي بقو علمودي وعمتي بس زهور بقت هم علمودي ولبنات رجعت راسي ع الحايط ورجعت ابجي واذكر ايامي ويا اهلي وضحكنه وشقانه ومن اني وبابا نشاقه وامي تزعل لين اكلها بابا يحبني اكثر منج ابتسمت ونزلت دمعتي وباوعت ع لسكف كلت ها بابا طلعت تحب ماما اكثر مني مو معفتها اخذتها وياك واني بقيتني بحدي ضليت يومين اني ماتحرك من مكاني بل زاويه احس نفسي مكسوره صرت مع انو من رجعو عمومتي وعماتي وخالاتي وخوالي من لدفنه كلهم كابلوني وضلو يبجون اجه رجل عمي ابو جهاد ديخلي ايده ع راسي وخرت وضليت اصيح لحد يمد ايده اني ماحب احد يمد ايده عليه بابا ميقبل ميقبل احد يمد ايده ع راسي فقدت اعصابي صرت عصبيه وتكئبت كلشي مكاني صار بل زاويه صارت لفاتحه ولنسوان من يدخلن يعيطن ويصيحن ويلطمن وجابو ملايه صوتها مثل صوت امي حلوه من اسمع صوتها افقد اضل بس ابجي بحركه وبدون صوت صار يوم الثالث وسوو صينيتن جبيره وبيها كلشي ومي ورد الملايه كالت وين بنتهم خلي تجي تكعد يم لصينيه كومتني خالتي وعمتي وكعدوني يم لصينيه جانت صورت ماما وبابا خالها بل صواني اخذتها وضليت اباع عليها ولملايه تقره خلصت كمت رجعت لمكاني وصورتهم ويايه ولنسوان راحو لحد ليل انجمعو كلهم خوالي يريدوني اعيش يمهم وخالتي هم
عمو نبراس:يمنه تعيش بت اخويه وعد وعد كل خميس وجمعه اجيبها يمكم بس خلوها يمنه
ينار:اريد اعيش ابيتنه عندي بيت ابويه وامي اريد اعيش هناك خافو يزعلون عليه عفت لبيت
عمو نبراس:حبيبتي هنا تعيشين يمنه نخاف عليج احنه صح اني ماعوضج عن ابوج الله يرحمه بس الله شاهد انتي بنتي ومعزتج اغله من كل ولدي وبناتي وصدكيني اني فقد ضلع من ضلوعي من توفه ابوج ولج هذا اخويه تؤمي ابو روح لطيبه لحنين فدوه عمي ابوس ايدج لكعدين هاي لكعده ولج ولله وحق الله اموات الف موته من اشوفج هيج كاعده
ينار:مكاني صار هنا اني هيج حالي ورا مراحو اهلي رجعت خليت راسي ع لحايط ودموعي تنزل وكلها تبجي عليه باوعت ع صورته امي وابويه جنت حاضنتها قوي كتلهم ماما بابا اني مابقه عايشه هوايه اجيكم ولله اني شتاقيتلكم
عمتي زهور:يمه ينار حبيبتي اني امج صرت مو دائما اصيحيلي يوم اني يمج عمري انتي
ينار:محد يعوض مكانهم اني احبكم كلكم بس هذوله اهلي محد يكدر يعوضني عن ابويه لو عن امي وضليت كاعده وهمه يمي غمضت عيوني سمعت احد يصيح بأسمي فتحت عيوني وشفت
…يتبع
أنت تقرأ
عٌنِدِمَأّ يِّقِرر أّلَنِصٌيِّبِ
Espiritualعندما يقرر لنصيب لا احد يحق اله ان يتكلم او يعارض عندما احببتها شعرت بأني امتلكت الكون بأكمله ولاكن لقدر ولنصيب كان له رأي اخر تابعو لاحداث
