بارت ٦
ابو الولد :مستحيل لو تريد اخذ روحي ولا بنتي الوحيده مانطيها
عمي:اي مكان ابنيه ناخذ ابنيه
ابو الولد :ابو احمد انت هم عندك ابنيه وحده وتعرف شنو معزتها احجي الله يخليك بنتي طفله بعدها
عمي:احنا هم بنتنا عزيزه جانت راحت وخلتلنا العار
فارس:هاي العندي اريد منكم ابنيه وماريدها لزواج اريدها خدامه لزوجتي وامي لحد مايطلعون ولد وابنيه
ابو الولد :والله لو تموتوني هم مانطيها
فارس :هو هيج راح يصير والله اجيب قاذفه واهد البيت على راسكم هاااا ودير بالك تفكر بطلعه بيتكم وانتو محاصرين
انطيكم مهله يومين لو فصليه لو روحكم
عم الولد اني انطيكم بنتي فدوه لاخويه
فارس (عرفت بنتهم الوحيده وهيه هايه راح اكسر ظهرهم بي ) لا ماريد بنتك اريد اخت الولد
ابو الولد ؛نترخص (وطلعو )
اخو الولد:يابه اشراح تسوي
ابو الولد :والله مادري اشلون انطي اختك هايه نور عيوني انت ترضها على اختك
اخو الولد :شنسوي يابويه هما هم حقهم اني لو بمكانهم جانت سويت اكثر بالله
ابو الولد ؛الله كريم ربك هو يحلها
دخلو لبيت اهل الولد
ام الولد :بشر حجي اشسويت
ابو الولد: اسكتي ماريد احجي بهاي الموضوع
ام الولد: ليش اشرادو احجي انت (وهيه تباوع على ابنها)
اخو الولد :رادو من عدنا فصليه
ام الولد: (وهيه كعدات بلكاع) حجي راح تنطي بنتك الوحيده
ابو الولد: منو كال انطيها لو يموت والله ماخلي يطخ شعرها
اخو الولد: يابه هذوله امبين راح يسويلنه مشكله شنسوي
ابو ولد: شفت هذا فارس عيونه يذاب نار ماكدار اسلم اختك بيده الله يدري اشراح يسوي بيه
شهد؛ بابا فدوه الله يخليك لاتنطيني اللهم والله يموتوني مكان اخويه
شهد اني الفصليه 😢 عمري15 اداوم بلرابع علمي واحب دراستي اهواي بس من صار هاي المشكله تركت الدراسه اهلي ماخلوني اداوم عندي 5اخوان واني وحيده لاهلي ومدلل دلال ماكو وحده مثلي مدلله كلشي اريدها يجيني
بس من اخويه انهزم ويا حبيبته واني راح ادفع الثمن وكل الهاي الدلال راح انسى بعد
ابو الولد: منو ينطيج الهم باباتي والله لو ادفع عمري ماخلي هاذا فارس يوصلج مو يهينج
اتحظرو بلليل راح نطلع محد يحس بينه وخلي هذا فارس يهد البيت على كيفه
ام الولد: اي فدوه حجي اني مانطي بنتي
ابو الولد: يلله كومو بسرعه اخذي بس الفلوس وذهب كلشي لاتاخذين بعد بس خلي نطلع منه بسلامه وبنتنا ويانه كله سهل بعد
ام الولد :شهد كومي ماما خلي نتحظر
شهد صار ماما
&
&
&
