بارت ٨
ام الولد :(هيه تبجي) فدوه شهد اشلون اكدار اعوفج انتي بنتي واختي صديقتي واني ماعندي غير اشلون اكدار اعوفج وماشوفج بعد
شهد :(حضنت امها وتبجي) ماما فدوه لاتحجين هيج والله اني صعبه عليه اتركج وماشوفكم واعيش ويا الوحش الله يسامح اخي
كل كام يبجي ليل كل مانمنه كل اشويه انام يم احد اخواني نومت الوداع لان ادري بعد ماكدار اشوفهم ولااحجي وياهم
صار صبح رحت لغرفتي ردات اودع غرفتي وبيتي العشت بي ملكه ودلال وعز راح اعوفهم كلهم بهاذا بيت واطلع اجتي امي لكتني ابجي
ام الولد:( عيونها تدمع )حبيبتي شهد راح تروحين انتي يم ناس ماتعرفيهم ولا يعرفونج لازم تتحملين لخاطر ابوج ولاماتنكسرين
بلكي يالله يطلعون ناس يخافون الله ومايأذونج
شهد: ماما هذوله لو يخافون من الله ماجان اخذوني منكم بسبب غلطت اخويه اني شنو ذنبي
ام الولد: اريدج اصيرين سباعيه ماما خلي يحبونج صيري شاطره احسبيهم مثل اهلج لاظلين تعاندين وياهم راح انتي تتأذين واحنا هم مو يمج ولا نكدار نخفف عنج اليصير وياج انشالله ابوج يلكه اخوج وخلي يكتلونه المهم انتي ترجعيلي وحظت شهد وظلن يبجن
ابو الولد :يله شهد بابا لازم اوديج
جنت مثل كل ابن اتمنى اشوفج عاروسه وازفج لزوجج بيدي الله ينتقم من اخوج الهيج كسرنا
شهد: وين اخواني اريد اودعهم
ام الولد؛ ماكو كلهم طلع ماردو يودعونج يحسون هم ماكدار ينقذونج من هاي شغله مالهم وجه يشوفونج
شهد ماما فدوه من يجون بوسيهم مكاني راح اشتاقلهم
ابو الولد؛ بعبره يالله
شهد طلعت من البيت الدلال وعيشت العز حروح على عيشت الفصليه بس عيوني ماشوف بيهن اشكد مابجيه وليل كله مانايم شفت الوحش واكف بلباب بطول الباب يالله اشراح يسوي بيه هاذا ياربي انت انطيني الصبر
&
&
&
