قتلني الشوق

الحلقه"8"والاخيره

الحلــقةة8"و الاخيره" قتلني الشوق
للكــاتبـةة✒عــيوشــةة ناصر
رانيا توترت:خخيرهه؟
اروى:وينه معش شفته! وحتى الفيس معش يفتح فيه
رانيا:اءء منعرفش
اروى:حتى رقمه مسكر
رانيا:اروى
اروى:نعم؟
رانيا:بنقولك معش قادرهه نصبر💔
اروى:😳😳💔متقوليهاش
__________________
يزن جاه اتصال من رقم غريب
يزن:الو؟
#:الو يزن؟
يزن:اي تفضل
#:نبيك ف موضوع ضروري
يزن:بهه قبل انت من؟
#:احمد
يزن:اها تمم وين نتلاقوا؟
احمد:جنب للبريد
يزن:تمام
وطلع بالسياره
وبعد شويه وصل لقي احمد يستنى فيه
نزل يزن من السياره وسلم ع احمد
يزن:اهلا
احمد:اهلين
يزن:اي شن فيه؟
احمد:رانيا
يزن بعصبيه:خيرها؟🤨
احمد:غير اهدا رانيا اتا الفتره لي فاتت كنت خاطبها
يزن:كيف؟😳
احمد:اي اكيد مقتلكش،نفهمك انا
هي انا كنت عارفها انها ح ترفض لكن قلت نجرب وانصدمت لما وافقت بعدين فهمت علاش وافقت
يزن:كي.....
احمد قاطعه:نكمل بعدين تكلم
يزن سكتت
احمد وافقت لانه تبي تنساك،اي تنساك لانه ريما قتلها انه انت خطبتها،رانيا تحبك يزن
يزن:وانت؟
احمد ابتسم بوجع:انا منستهالهاش،كان نستهلها راه قعدت معاها من الاول ومدرتش لي درته،حتي لو تزوجنا حياتنا مش ح تكون حلوه بكل
يزن ساكت
احمد طبطب ع ظهر يزن:رد بالك علاها يزن،وعطاه صندوق صغير ومشي طول
يزن قعد يذكر ف كلام احمد لي قاله قبل شوي،فتح الصندوق لقاها دبله ومعاها ورقه صغيره
"مبروك عليكم،وهادي الدبله هديه مني ليك اخطبها قبل مايخذها حد قبلك
يز قعد يشوف ل احمد
واحمد ماشي والدمعه ف عينه💔مسحها قبل متنزل وركب سيارته وطلع
____________________
دخلت عليهم امهم
راضيه:نوضو ضمو الحوش
اروى:اء بهه ماما هي
رانيا طلعت ورا امها واروى مشت وراهم وهي تفكر ف كلام اختها
قعدو يضمو ف الحوش واروى كل مره تشوف ل اختها
ورانيا تتجاهل ف نظراتها ودير ف روحها عاديه
بعدين امهم طلعت من جنبهم
اروى مشت ل اختها طول:كمليلي
رانيا:اء شنوو بنكمل؟؟
اروى:لي كنتي بتقوليه
رانيا:شي انسي
اروى:ع علاء؟
رانيا:اء لالا
اروى بنظرات شك:متاكده؟
رانيا:اي
اروى سكتت ومشت لدراها
ادور ف ورقه طالبينها المختبر
لقت ورقه محطوطه ف شنطتها
ااروى:اهيه وفتحتها
قعدت تقرا ومصدومه
"اهلا اروى،رانيا
منعرفش من لي يقراها ولكن المهم وصلتكم
انا لي تبرعت بقلبي ل رانيا❤اي انا ريما،انا في الفتره هديكا تقربت ل ربي وقولت انه ح ننسي قصة الاولاد ونبدا صفحة جديده انسانه جديده ومعش مفسده ع حد،رانيا يعتبر لي صارلها بسببي ولما سمعت مشيت بكل قناعه،وان شاء الله تعيش حياه سعيده مع يزن❤،عندي طلب واحد بس انه تسامحوني كلكم رانيا اروى علاء يزن،سامحوني.
اروى قعدت ماسكه الورقه ومصدومه
رانيا:اروى اروى وينك وهي ادور فاها جت لقتها مقعمزه ع سريرها
:خيرك مترديش؟
اروى ساكته ومصدومه
رانيا:اروى؟؟ وخذت منها الورقه وقعدت تقرا
وشافتلها:قصدك ريما؟
اروى:اي
رانيا:وعلاء؟؟😦
اروى:😦💔شن سامعه عليه علاء؟
رانيا:سمعت انه هوا لي تبرع
اروى بدت تبكي:وينه توا😭وينه؟
رانيا:غير اهدي توا نعرفوا من يزن
اروى:😭وينهه جيبهولي وينه💔
رانيا:اروى خلاص
اروى:ياربي لا💔😭
رانيا قعدت تسكت فاها لن رقدت
حولتها من مكانها وغطتها
ترن 🎶🎶
شافت هاتفها لقاته يزن
رانيا:الو
يزن:اهلا
رانيا:اهلين
يزن:شنجوك
رانيا:الحمد لله وانت
يزن:تمام بنسالك
رانيا:اسئل
يزن:احمد
رانيا😖:خيره؟
يزن:وين؟
رانيا:ف الحبس قاعد
يزن:متاكده؟
رانيا:اي اي علاش شن فيه؟
يزن:بكري تلاقيت نا وياه
رانيا:😳😳
يزن:وقالي انكم مخطوبين وفسختو
رانيا:اء😳
يزن:متخافيش😂قاعد معاك
رانيا استغربت ف كلام يزن
يزن:بعدين نحكو تمام؟
رانيا:اء تمام وسكرو
رانيا طول فتحت الواتس وكلمت احمد لقاته فاتح
رانيا:اهلا احمد
احمد عرف انه يزن كلمها🤦‍♂️
:اهلين
رانيا:بنسالك؟
احمد:عارف اسئلتك شنهيا ونا ح نجاوب وكان فيه شي تاني قولي،بشرط متقولي ل حد
رانيا:😐بهه
احمد:انا انحبست ايام وطلعت3ايام بس،وتوا ع اساس قاعد لو عطلت اكيد ح يلغو الخطوبه،ونا هدا لي نبيه بعد ماعرفت ب قصتك انتي ويزن والسبب لي واقفتي ع خاطره،رانيا تحسابني ح نكون فرحان لو انتي تزوجتيني ع خاطر باش تنسي واحد؟ ها لا راه ، ويزن توا الحمد لله مش خاطب ولا صار منها يعني يقدر يجي يخطبك،انتم تحبو بعض علاش نفسد عليكم
رانيا:به مدام تعرف علاش جيت خطبتني؟
احمد:مكنتش نعرف بيكم افهمي الكلام الاول لي قلته كويس وتوا تعرفي؛وعلاش خطبتك؟ ههه ماهه كنت نحبك وقاعد💔🖖لكن احني مش ل بعض ربي يسعدك
رانيا حست روحها اخيهه سكرت فونها وقعدت تبكي،لانها حست روحها جرحاته وهلبا💔
اليوم لي بعده⛅⛅
ناضت رانيا وهي راسها يوجع فاها من البكي شافت ل اختها حست قلبها وجعها اكثر واكثر💔،
لبست سروال قهوي ووشاح نفس اللون،وبلوزه بيج وسبيدرو بيج وطلعت
وصلت لكليه وكان وقت ع الامتحان دخلت للقاعه طول
وزع الدكتور الوراق ع كل الطلبه وبدوء يحلو
رانيا كان تفكيرها مشوش وقعدت تشوف للورقه وتحس ف روحها مش ح تجاوب شي واحساسها هدا زاد وترها
فات الوقت وطلعت رانيا من القاعه قعمزت ع جنب وقعدت تفكر حست روحها مش مواجبه بدت تبكي،
مكنش عندها حد ف الكليه لانه متحبش تخالط البنات هلبا وقليل النادر تلقى بنت كويس قررت تقعد بروحها احسن
شوي للن سمعت صوت وراها:رانيا
رانيا تلفتت لقاته يزن مسحت دموعها وتحاول تبين روحها عاديه:نعم؟
يزن:خيرك تبكي؟
رانيا:مجاوبتش🥺💔
يزن:تطلعي مجاوبه غير اديري ف الجو
رانيا:لالا بجديات مجاوبتش
وانت شن ادير اهني؟
يزن:😒اتصلو بيا قالولي تبكي
رانيا:من قالك😳
يزن:مش مهم هاتي ورقتك
رانيا قعدت سارحه تفكر ويزن يتاكدلها من الاجابات
يزن: هاك طلعتي مجاوبه
رانيا:مش عارف😅
يزن:😂😂نوضي نوضي مجاوبهه
رانيا ضحكت :جاي ف شبشب صبع😂💔
يزن: ت جيت مستعجل متوقعتاش ع خاطر امتحان😒💔المهم معش تنزلي دموعك الغاليات ع خاطر حاجهه تافهه
ابتسمت بخجل
يزن ضحك:يلا باي بنكمل نومي😅
رانيا:اسفه نوضتك من النوم
يزن:ولايهمك كله ع خاطر يهون
رانيا تحشمت وحطت راسها لوطه
يزن ضحك ومشي
رانيا قعدت تفكر ف كل تفاصيل اليوم ومبتسمه
بعدين ركبت سيارتها وطلعت
وصلت للحوش لقت اروى قعده راقده
قعدت تنوض فاها للن ناضت
اروى:واك الحسد واك كان انتي نايضه لازم تنوضيني؟
رانيا:اي ههه 😂
اروى:سالتي يزن ع علاء؟
رانيا:حتى هوا قال ميعرفش وين مشي🙂💔لكن حي😂
اروى:اوف منك وناضت غسلت وجهها ومشت للكوجينه
درات قهوه وقعمزت ع الطاوله وشويه وجتها رانيا
خذت كرسي وقعمزت جنبها:وين ناويه تطلعي اليوم؟
اروى:سؤالك غريب🙄،ولكن توا نجاوبك
بنمشي نصدق ع ريما؛وبعدين للحديقه
رانيا:الحديقه؟
اروى:اي عندي امل نشوف علاء🥺
رانيا:به
اروى قعدت تحرك ف القهوة وسرحت
___________________________
عند يزن
كان فرحان زاد تقرب لِ رانيا اكتر واكتر،لكن قاعد حاير كيف يفتح معاها الموضوع
قعد يشوف للدبله تفكر كلام احمد
تنهد وطلع
روايــــ💓ــــات عــــيــوشـّةة نــــاصـــر
مشت اروى صدقت ع روح ريما
وبعدين للحديقه
اروى عيونها ف كل مكان ع آمل تشوف علاء بس مفيش فايده
روحت اروى وهي خاطرها مكسور
ورانيا معاها تصبر فاها
فاتو الايان بدون اي حدث مهم يذكر
اروى مكتئب وديما تحاول تواصل مع علاء بس بدون فايده
رانيا جوها مليح هي ويزن وكل يوم اهتمام اكثر من لي قبله
لن جي هدا اليوم⛅💕
يزن كان واقف مع مجموعة بنات يسالو فيه ع المحاظرات وكدا
ريماس:شعراتك حلوين هلبا اليوم❤
ورفعت ايدها ومست شعره بضحكه مستفزه
يزن بعد علاها ونزل ايدها
رانيا تشوف فيهم من بعيد وقريب تموت
:نحى ايدك ان شاء الله تنكسر...ابعدي ي حيوانه
بعد شويه طلعو اللبنات من جنب قعد بروحه
يزن:رانيا رانيا
رانيا مشتله
يزن:خيرك بعدتي؟
رانيا:منحبش البنات هادو
يزن:🙄بهه ،خودي هادي المحاضره خليها عندك لن نطلبها منك
رانيا:تمام
يزن:اي بنقولك،انا بنخطب😊
رانيا انصددمت ودخلت بعضها
يزن:مش ح تقولليلي مبروك؟
رانيا:اء مبروك😅
وهي ف خاطرها تغلي
"منهيا لي بتجي ف منك،
اصلا وين مكاني باش تاخذه💔"
يزن: يلا باي
رانيا :باي
مشت ل سيارتها وهيا دمعتها ف عينها
وصلت للحوش دخلت ل دراها طول قعدت مقعمزه ع سريرها تبكي وقلبها موجوع💔
شويه وهاتفها رن
رانيا:ناقصني انت سكر فمك
قعظ يرن كم مره وبعدين شافت هاتفها لقاته يزن
رانيا:اوو ف شن يبي توا؟
فتحت الخط وهي قلبها بيطلع
يزن:اهلا
رانيا:اهلين
يزن:نبي فقره صغيره من المحاضره لي عطيتهالك
رانيا:اوك شويه بس وخذتها
يزن:افتحي الصفحه الاخيره
رانيا:تمام
____________________
راضيه:اروى
اروى:نعم؟
راضيه:اليوم جاين بيخطبوك،نوضي وتي روحك
اروى:منبي حد انا
راضيه:بوك حلف انه توافقي ومش ح يرضى عليك كان رفضتي
اروى وجعتها ومشت ل دراها بروحها تبكي💔
شافت ل هاتفها اذكرت علاء اتصلت بيه
شد الخط،قعدت حاطه ايدها ع قلبهال مع كل رن يرنها الهاتف
لن رد
علاء:الو اروى
اروى:علاء😳؟
علاء:اي شن فيه؟
اروى بدت تبكي
علاء:خيرك اروى؟
قعدت مستمره ف البكي وبس
علاء:نوضي امسحي دموعك باش تشوفك امي حلوه هي مش حلوه وانتي تبكي
اروى:😳💕قصدك انت هوا؟
علاء:اي هوا انا
اروى:هوا انت؟
علاء:هوا انا ونا هوا وهي انتي وانتي هي
اروى ضحكت وسط دموع❤
وسكرت ف وجهه من الصدمه😂 وبدت ترقص وتبكي من الفرحه
يزن:متبيش اديرلي قهوه؟
رانيا:خليني نستوعب لي قريته قبل
يزن:توا نقرالك انا
"انا اليوم جي نطلبك من اهلك؛فيه مجال نكمل العمر مع بعض❤"
رانيا بصوت عالي:نحبك يزن😭
يزن ضحك نوضي بالك
رانيا سكرت الخط وطول جري ل اختها لقتها ترقص😂وفرحانه طبعا رانيا عارفهه ب علاء وخطته من البدايه
رانيا&اروى:جي بيخطبني اليوم😂💕
اروى:حتي انتي😳
رانيا:اي
قعدو مصدومين ويشوفوا ل بعض
وبعد شويهه بوهم رفعهم للمزين؛اهلهم كانو يعرفوا بالخطوبه المفاجاءة وموتين كل شي
رانيا واروى فرحتهم مش عاطينها ل حد
وفات الوقت وروحوا من المزين
وطلعو حلوات هلبا❤؛تشوفي وحده تنسي التانيه
قعدت امهم تبخر فيهم ورانيا تكح مش متحمله
رانيا:ساد بالله
راضيه:اخر مره بنتي خلاص،وبعدين نحت
دخل علاء لبس الدبله لي اروى وباسها ع راسها وطلع اروى كانت مصدومه بكل حاجه دارها علاء؛كبر ف عينها وهلبا
واما رانيا نفس الشي كانت تتخايله انه اليوم اتعس يوم بيفوت علاها طلع العكس
دخل يزن💕لبسها الدبله وقصو التارت مع بعض
وراضيه مبطلتش من الزغاريط
وميس كانت موجوده مع صاحبتها طبعا✨
كان يوم تاريخي بالنسبه ل اروى ورانيا
فاتو الايام وحددو موعد العرس مع بعض
رانيا واروى كل شي خدوه مع بعض وزي بعض يبو يكونو مميزات
نسرع الاحداث باش متملوش😂
جي العرس
يوم الحنه
كان الحوش زحمه هلبا؛اروى ورانيا كانت الفرحه واضحه ف عيونهم دارو عليهم جو غنى ووهكي للن خلوهم يبكو الزوز انتم عارفين عادات اليبين😂
يوم الحلفه✨
كان ف صاله كبيره منظمه ودكورها فخم وراقي،بدو يجو المعازيم
وبعد شويه بدوء يوزعوا ف العصير والشكلاطه
كان كلل شي راقي وفخم اول عرس واخر عرس❤
ومدوء العشي وهكي
ميس كانت قايمه العرس ع راسها😂غني ودربوكه ورقيص وعياط؛واحمد رغم انه خطيبتة السابقه وقاعد يحبها لكن مقصرش بكل قالبها الدنيا بالالعاب الناريه
رانيا تشوف ل اختهاا:محلاك وخيتي واخيرا شفتك ف الفيلو❤وبتنزفي للتحبيه
اروى ابتسمت:حتي انتي تهبلي وخيتي ربي يحفظك من العين،هي ناخدو صور
رانيا:هيي
وخدو كم صوره حلوه للذكرى
لنن جي موعد مشيانهم للقاعه
لبسو العبايه العرايسيه ومشو؛
وصلو للقاعه ونزل بيهم بوهم وقعد يدرج بيهم الزوز للن وصلو للصالون(الكوشه)،وكان فرحانه هلبا ببناته خدو لي يبوهم ولا وحده منهم مغصوبه وعارفهم خدو رجاله وبيعيشوهم كيف ميبو مش ح يقصرو معاهم
وجت المصوره خدتلهم كم صوره العيله كامله رانيا واروى وراضيه وحسن❤.
وبعدها بوهم طلع قعدو مع بعض منسجمين،ولي زايده محليهم الابتسامه لي مفارقتش وجوهم،جت امهم بتسلم عليهم قبل ميروحوا بكو شويه وقعدت امهم تسكت فيهم
فات الوقت🕗
وكل واحد روح بعروسته، بحكم انه فيه عروستين
العرسان مدخلوش
وصلو اروى وعلاء لي حوشهم
قام من علاها الطرحه:مبروك علينا
اروى ابتسمت والدموع ف عيونها
علاء:اووس متبكيش عارف روحي غلطت فيك وهلبا لكن حاولت انه نصلح وح انسيك ف كل شي صار
اروى:صلحت وربي صلحت🥺❤
ديما ع قد مصبرتي ح تاخذي❤
وكلنا نغلطو مفيش انسان ميغلطش
ريما لي ولاواحد فيكم توقع انها تكون هيا؛شوف كيف دارت ف النهايه،ف فتره قصيره قدرت تصلح من نفسها وعطت حاجه مش اي واحد يقدر يعطها ،
ع قد نيتك ح تاخدي❤
متحبيش واحد يقولك متقولي ل حد!
لانه لي يحبك يعترف قدام الناس لي يقول هكي اعرفيه خاين وكذاب
ردي بالك تاخذي شخص باش تنسي شخص عمره ماكان الانسيان هكي،متوهميش انسان بالحب وانتي قلبك مع غيره تظلمي روحك وتظلميه
متظحيش بنفسك ومستقبلك ع خاطر حاجه مجهول او انتي مظلومه فاها لانه ربي مستحيل يرضي بالظلم هدا وح تبان الحقيقه
والحب وعد والوعد دين والدين مش اي راجل يسده❤.
وان شاء الله تكون عجبتكم الروايه!!❤
ونتلاقوا ف رواية جديده مع ابطال جدد وقصة جديده خلولي ارائكم!
وتعليقاتكم❤
شكرا ل كل واحد دعمني وعلقلي بيق لوف💕✨
وتابعوني✨
-ع الواتباد💕
Ausha Nasser
-والفيس👇
روايات عيوشة ناصر
-والفايبر👇
يوميات كاتبةة
viber://public?id=kshxx
_والانستا👇
@aushaa_nasser
@fanz_ausha_naser
والتيلجرام👇
عيوشة ناصر
تحياتي انا💕عــيوشــةة ناصر