خلدون
ساق بكل سرعته وعيونه معبين دموع و جرح و خيانه وغضب
يخبط ع دومان
وصلت قدام العيماره درس وصكر باب سياره ب قوته
كان الاصانصير مشغول ركب ع رجليه بسرعه
دق ع باب سندس ب قوة قوته
سندس نخلعت \ مني هدا
نور \ منعرفش
سندس لبست وشاحها وفتحت الباب
نخلعت لما شافت خلدون بشكل هدا ضربها كفف
نور حطت ايدها ع فمها
سندس نزلو دموعها وشدت خدها
خلدون يتكلم و دموع ف عيونه\ سندس حبيتك وجبتلك امي لحوشك سندس قتلتيني واني حيييي
سندس بشهقات \ ءءء شني صار شني في
جتت قربت منه
دفها بقوة
خلدون \ ابعدي من عليا واني ل كنت نحسابك شريفه طلعتي فاسده
نور \ منسمحكلش
خلدون \ ااااس انتي متتكلميش خير
سندس \ حبيبي خيرك شني صار
خلدون نحى دبله من ايده ولوحه ع وجها \ معاش نبي نعرفك
كمل كلامه وطلع
نهارت سندس من بكي وجتت نور تهدي فيها
اما خلدون اتصل ب اسراء
اسراء بدلع \ اهلين
خلدون \ كلمي بوك قوليله خلدوون بيجي غدوا
اسراء بفرح \ حاااااضر
صكر الخط
اسراء كانت فرحتها لا توصف
سندس
نور\ شني صار بيناتكم
سندس \ منرعش شني صار بدت تبكي صارلها نهيار عصبي واغمى عليها
نور \ سندس سندس
اتصلت ب تيم
تيم \ خيره صوتك
نور \ سندس تيم تعالى
تيم \ خيرها سندس
نور \ تعالى تعالى
تيم \ تمام تواني حبيبي و نكون عندك
جي تيم بسرعة البرق قام سندس ف حضنه ونزل ب دروج
تيم \ نور خشي قعمزي
قعمزت نور وحط سندس ف حجرها
ركب للسياره ونطلق للعياده
