البارت الثامن
Have fun
...............
عادل: من باجر ترجع لكليتك القديمة.
اودين: يا كلية عمي؟!.
عادل: ترجع لدوامك ويه لارا...
اودين: العفو عمو مدا افهم، شلون عرفت بموضوع الكلية، وليش دتريدني ارجع؟
عادل: شوف عمو بلا ما ادوخك وحتى اكون واضح وياك، اني اعرف بموضوعك ويه لارا.
لارا حجتلي على كلشي بنفس اليوم
الي انفصلتو بيه.
اودين: عمو اني اسف لان تصرفت هيج من
وره ضهرك بس الله شاهد اني جنت رايدها
بما يرضي الله و بالحلال.
عادل: شوف عمو صح احنا ناس اهل طابع عشائري وهيج مواضيع بالنسبة النا تعتبر عيب
و صعبة، بس واجبي كأب يفرض عليه اتصرف حسب مصلحة بناتي ومنفعتهم.
ولازم اختار الاحسن الهم بكل شي، خصوصا
لما يجي الوقت الي اختار بيه شخص لوحدة
من بناتي تكمل حياتها وياه.
عمو اني دائما اكلك انت بمعزة ابني و هذا
الشي حقيقي، واذا ردت اختار شخص لوحدة
من بناتي، فمراح الكه واحد احسن منك
ولا مثل اخلاقك وتربيتك.
عمو انت كد الثقة و رجال صاحب كلمة. اني بنتي حبتك وانت حافظت عليها
وقت الي غيرك جان يكدر يستغلها ويستغل
حبها بكل سهولة.
واني اعرف انت رايدها بالحلال ومفاتحها بموضوع خطوبة و هاي شيم رجال، عمو اني اتشرف بيك وما الكه شخص يليق بلارا ويستاهلها مثلك.
وشخصياً اتمنى تصير القسمة والله يجمعكم،
ولارا هم رايدتك عمو.
اودين: بس عمو هيه نهت كلشي و بدون حتى
ما تكولي شنو السبب، يعني اني لهسه ما
اعرف ليش؟ اكو خلل بيه مقصر وياها بشي
سويتلها شي بدون ما احس يخليها تسحب نفسها.
عادل: ابني اني اعرف هيه الي نهت الموضوع. بس بصراحة لهسة مجاي افهم شنو الي خلاها هيج تسوي.
عمو انت ممقصر بالعكس بنتي الي مقصره بحقك، انت رجال الف بنية تتمناك ورايدها بالحلال وما بدر منك اي تقصير و من حقك تعرف شنو السبب الي خلاها تنهي كلشي وياك.
بس عمو البنية مدتحجي لا الي ولا لامها ومتقبل تكول ليش، مجرد رافضة و خلص.
عادل: خلي اكولك شي ع البنات عمو، مهما تكون البنية قريبة من اهلها ابوها او امها
و تحجيلهم كل شي، تبقى اكو اشياء مراح
تكدر تحجيها لان رغم قوة علاقتها بيهم
يبقون اهلها و اكيد اكو اشياء خاصة مراح
تكدر تحجيها حتى لصديقاتها المقربات.
عادل: المهم عمو اني اعرف الي دا اطلبه منك
صعب ويعتبر انانية من عندي، بس عمو اريدك
ترجع لكليتك.
طبعا اكيد هذا مستقبلك ولازم انت الي تقرر
شنو الاحسن الك، اذا جنت حاب تدرس اداب
لترجع، بس اذا جان عاجبك تكمل فنون
ونقلت نفسك بسبب لارا فاني اكولك ارجع.
أنت تقرأ
رف كتب
Romanceلارا ذات الثمانية عشر عاما يتحقق حلمها بدخولها الجامعة التي تحلم بها ولكن هل من الممكن ان يتحول حلمها الى كابوس في اول يوم لها بسبب شخص واحد! لهجة عراقية ممزوجة بالعربية الفصحى والانكليزية.
