رف كتب

"٢" ما الذي تريده النساء؟

البارت الثاني:

شنو معنى اسمك و منو الي سماك اودين؟
اول مرة اسمعه و غريب شوية؟. :سمر

التفتت لارا على سمر و هي تسأل.

وشنو سبب هالتسمية؟ الكل جان متعجب ع اسمك بس لهسه محد سألك اي سؤال يخص اسمك.

اودين وهو يضحك: اسمي هوه اسم مشتق من اسم شخصية خرافية والي هوه. كبير واب الالهة بالاساطير النرويجية القديمة "Odin". ولهالسبب الاسم غريب شوية لان مو عربي اصلا.
بس حلو صح؟ :نظر اودين الى سمر مبتسما.
ابتسمت سمر والتزمت الصمت.

اضاف اودين: اما ليش هالاسم.؟ "تردد بنبرة صوته، تحركت عينه بسرعة نحو اليمين ثم عادت كانه يحاول ان يخفي شيئا بل من المؤكد ذلك": مراح اجاوب هذا السؤال،
بس خلينا نكول بوقتها ابوية جان ديقرأ كتاب و متحمس زيادة فسماني بهالاسم.

فجأة و من بين اصوات ضحك الطلاب وبكل جدية شنو الي جابك ع كلية الفنون الجميلة و لهالقسم والشعبة تحديدا؟

"اعتقد الحظ". التفت اودين تجاه لارا وهو يضحك. تحولت ضحكته تدريجيا لابتسامة عيونه صارت بعيونها. اعتقد الحظ جابني لهنا.
ضحكت لارا: هيه الوحيدة الي فهمت شنو يقصد لما كال هيج. و السبب اودين دائما جان يحجي على حظه ويكول حظي مو حلو، جان ديندب حظه التعيس الي جابه لهالمكان يمها، بس بطريقة هيه الوحيدة الي تفهمها. حست بارتياح فجأة التوتر الي بداخلها بسبب وجوده كله تبدد. و متعرف اذا جان هذا الارتياح، بسبب حقيقة معرفتها الشخصية لكره اودين للكذب. فما ممكن يكذب لما كال وجودي هنا صدفة. او بسبب نظرته و ابتسامته الها. وحقيقة تحرشه بيها لما وصف وجوده هنا بالحظ من بعد ما كان يتجاهلها لساعات.

🎼 when I see your face 🎼
🎼 There's not a thing 🎼
🎼 That I will 🎼
🎼 change 🎼

صوت موبايل...
اودين لزملائه: اسف ضروري اجاوب. وهوه متجه باتجاه الباب بسرعة و ايده ع جيبه ديحاول يكتم الصوت.

لج شوفي مخلي نفس الاغنية الي خالتها انتي نغمة لموبايلج. :سالي للارا.
لارا: و هي تحاول تخفي الابتسامه اي نفسها.

بعد ما طلع اودين استمرت لعبة التعارف و بعدها بنص ساعة طلعت لارا خارج القسم متوجهه للكافتيريا و هيه تمشي شافت اودين كدامها كاعد بالسنتر وصافن ع الغيوم.

سمعتها ع فكرة. لارا و هي تكعد ع الجهة الثانية من المقعد الي يكعد عليه اودين.
شعجب منسيته صامت هالمرة؟ مو كل يوم تسويه صامت قبل متنام ولما تكعد تنساه، لو بطلت؟

ابتسم . تصدكين اذا كلتلج اليوم الوحيد الي مدري ليش تذكرت اسويه عام؟.